استفسار عن قروض البنوك

مبروك مقدما

بخصوص القرض والله ياعزيزي انصحك تقسطها عن طريق الوكالة

صحيح انها اغلى بتطلع عليك
بس انها من ناحية الحرام والحلال تفرق

خليك في الحلال والله رح يبارلك لك فيها

موفق يارب

والله زمان انا طلعت مع خويي وكان يبي موتر لبوه فالجنوب وجاني الرياض ولقينا فورشنر 4 سلندر قير تماتيك دبل

قبل سنه خمس شهور

وديناه لبوه فالجنوب والى يومك هذا يقولي الرجل ان ابوه يدق سلف ويمشي تغيير زيوت وامش

بس غير فحمات وخرط هوبات

هذا اللي سواه

وفيه محلات قطع غيار عندهم فالديره

ومع خويي العماني ايضا فورشنر له سنوات معاه ويمدحه فالكرف وبرضه زرت اماكن كثيره فعمان وقرى واقسم بالله العظيم ياتويوتا فكل مكان عندهم ومحلات قطع الغيار فكل مكان


لذلك اذا تبي موتر وعملي وقطعه في كل مكان ويغنيك عن صيانة الوكاله وكل الورش يعرفون له

خذلك فورشنر 6 سلندر فل كامل ب125


اما الامريكي ترى حق خطوط وراحه وفخامه ويبيله اهتمام شوي

وتابع تجربة حسن كتبي عن الاكسبدشن واليوكن والارمادا يوم جمع شباب وسو مقارنه


اللي معاه اكسبدشن يقول انه جرب اليوكون ل4 سنوات ومشكلته يتفكك ويبيله تربيط من فتره لفتره والحين معاه اكسبدشن ويمدحه لذلك الرجل جرب الاثنين وهذا رايه بعيد عن القيل والقال

والان فيه عرض فتوكيلات الجزيره اكسبدشن ب120 وعندهم تصفيات


لكن مثل ماقلتلك ترى الاجواء عندنا حاره وغبره وصحاري وكرف ومد لذلك ارشح الفورشنر في القمام الاول

والمقام الثاني اكسبدشن اذا كنت انت محافظ ومهتم بصيانة الوكاله

الوكاله ياهومبلغ بيطلع عليك 

وقسط كبير 

من ناحة الحال والحرام ترى اختلط الحابل والنابل لذلك خذلك قرض وزوده عليه مبلغ بسيط افضل من انك تاخذ ايجار منتهي بالتمليك ونسبته قويه لان القرض قسطه اقل وفائدته اقل

^^^

صادق يشاقح المنتهي بالتمليك نسبته قويه وقسط يمزع الظهر 

الفورشنر من ناحية الشكل ماش وخاصه وجهه ماش وبقوه 

ومشكور على افادتك

خذ قرض من الراجحي يعطيك بحدود 18 راتب شامل بدلات وكل شي


سبحان الله حدتك الايام تبيع تلقى الزبون جاهز

سعد خليل اذا بتاخذ  
سته سلندر خذ فورتشينر  
واذا بتاخذ ثمان سلندر خذ جكس 
ومن ناحية القروض   الله لا يحددنا عليها بس اشوف نص الشعب الراحجي والاهلي 
وفيه بنك انماء حلو وزين     والبلاد بس   سدديده واجد ياخذ 4000 بالشهر لا اخذت قرض 

خذلك قرض افضل واشتر كاااااش بإسمك
ماتدري عن الايام وش تخبي 

الراجحي يعطيك ١٦٥ الف على هالراتب والقسط ٢٧٥٠ ريال 

والبنوك الاخرى ما ادري كم تعطيك بس بحدود ١٣٠ الى ١٥٥ الف والقسط اقل

الافضل تاخذ قرض وتشتري الموتر بمالك وماحد يتشرط عليك فيه والفوائد بسيطه 

الحين اغلب البنوك فوائدها على القروض الشخصية بحدود 2% واقل