فقط لملاك الاوريون2013

اذا تبي سيارة خطوط وبسعر الاوريون خذ توروس الاوريون شكلها عادي وحجمها صغير اطول من الالنترا بشي بسيط اما التوروس واسعة وفخمة و6 سلندر

انصحك انك تبعد عن الاوريون وخدلك افالون شكل حلو وافضل منها واكثر انتشار من الاوريون
الاوريون مرة قبيحة  وحتى قليلة  مرة ماحد يشتريها

اوريون ؟ شكلها بايخ والله موب متعصب لكن لو الموديل 2011 معقوله شكله حلو لكن هذا شكله قبيح جداً

ازيرا فل كامل ولا تفكر .. في غيرها

اوريون جراندي سعرها 111000
سعر مغري 

عندك التورس .. عندك الامبالا الجديده .. اشوف الاوريون جداا سيئة ك شكل خارجي و داخلي

الامر يتوقف على استخدامك اخى تتميز الاوريون بالسرعة فقط لا غير

لو كنت متزوج وعندك عائلة انصحك بالتوروس او الافالون

لو كنت راعى سفريات على الخطوط خد افلون افضل او توروس ايضا

عندك بدائل افضل تورس نص فل ب115 جينسيس ب113 مكينه 3.8 مو 3.3 لنه نوعين  اعلا من مواصفات الاوريون  ازيرا موصفات المجدوعي او الوعلان
كيا عنده كادنزا الشكل الجديد تايوتا ولا زمانها لا مواصفات ولا شي وسعر عالي
شوف الجينسيس ضمان 5 سنوات مفتوح الكيلو ومواصفات ممتازه مقارنه بسعرها واخذ لثلاث سنوات متتاليه جائزة افضل سياره سيدان في فئتها   

خطوط خذ الجينسيس لنه نضام تعليقها وثباتها هي والتورس افضل شي 

اوريون الجديد بصراحه شكله صغروه بالمره وقبيح جدا الشكل الاول احلى بكثير عندك 
بدالها كثير مثلا الازيرا او تورس او امبالا

ماقصرو الشباب افادوك وعطوك البدائل بعد

شيفروليه امبالا لك وللزمن شكل جديد ومكينة 6 سلندر 305 حصان ووسيعة وشكلها وتصميمها رائع جدا

الاوريون سيئة جدا ومشاكلها كثير وسعرها غالي وشكلها قبيح , والازيرا البدي كرتون والامان زيرو

مالك الا الامبالا او التوروس

أفالون...أفالون...أفالون....يكفي أنه ماسك سعره غير السعه والفخامه والراحه وكل شي والشعبيه والسمعه الطيبه عند الناسأتكلم عن الشكل القديم طبعاً

اخوي انا بشتري اوريون وش رايك ناخذ 2 وسوون لنا خصم حلوو؟ 

يعطيكم العافية ماقصرتوا
وبصراحة اكثركم يرشح التورس
وفعلاً هي تستحق ...

خبير الاوريون زي ماقالوا الشباب صغيره كنها النترا ..

تورس او جنيسيس دفع خلفي مكينه قويه ضمان خمس سنوات مجاني سعرها مناسب بالنسبه لمواصفاتها لاتنسى قير ثمان غيارات مريحه في الخطوط

خذ لك تشارجر ٦ سلندر فل كامل ٢٠١٤ اتوقع نزلت ، وقبل كل شي ياليت تصلي صلاة الاستخارة وشكرا 

انا معي اوريون تورنج 2013 والله سياره بالخط تعطيك ونصيحة روح منتدى تويوتا واسئل هناك في واحد معه اوريون 2013 وسافر بها الاوريون وجالس يمدحها والاورويون تراها تويوتا وقت البيع تجيب لك قيمة

الاخ برساوي بصراحه اسمحلي وجهه نظر مكتومه عندك يعني كل هذولا ماعندهم خبره
 بالسيارت احنا مع الاورين القديمه لاكن هذا الموديل الجديد بصراحه مشاكله اكثر من مواصفاته
ورح للصيانه ي راعي الاعلان وشف وتاكد بنفسك وترى الكابرس 2013 ال اس بـ 105 وموتر يستاهل والله يرزقك بالطيب 

ليش نضحك على بعض

انا السياره معي والسياره كويسه وسته سرندل والسياره مافيها اي عيوب ... ولاتنسى ان التويوتا تجيب لك فيمة وقت البيع

بالنهاية يقولك المثل اسئل مجرب ولا تسئل طبيب

صراحه انا شريت الاورويون بعد ماسئلت ولفيت سعرها كويس وسياره ممتازه

والاول والاخير القرار لك