استفسار عن شراء كورولا بالتقسيط

ما ادري اخوي
انا اليوم بالوكاله
ابي كورولا 2013 فل كامل قالي مخلصه مافيه الاكورولا سياحيه

تتوقع موظفين ابو جميل هنا ؟ لازم تروح الوكاله وتسئل بنفسك هم ادرى بسياراتهم ولازم يعرفون كم راتبك وكم القسط و وضعك من ناحية الالتزامات وامور ثانيه طويله شوي بناء عليها يتم تحديد القيمه والقسط وغيره حتى لو كان القسط بسعر الكاش لازم تروح بنفسك وتشوف وش الانواع لان مثل هالاعلانات يكون وراها اسرار لان ممكن يكون العرض على الكورولا الاستاندر السياحي مره ولاتعطيهم رقم جوالك

شاقح هههههههه 
اخوي انتبه لا تقع بالفخ    
يقول تقسيط بسعر الكاش 
او ادفع النص والنص بعدين فعلا النص بعدين  
بس النص يجي ربعه  دفعه كامله والرربع الثاني يسلخ الظهر سلخ الويل 
شاقح وليه ما يعطيهم رقم جواله ايش المشكلة ؟؟

يالحبيب

هالعروض غالبا ماتجي الا نهاية كل سنه وهي تصريف للسيارات وبعد فتره تتفاجئ انهم ماخذين قيمة الخصم او العرض بطريقه ثانيه وهالامور يعرفها الي اشتغل فالبيع

يعني تكون الكورولا استاندر والاستنادر غير مرغوب او مامشى سوقه ونهاية السنه قربت فيقومون يسوون عروض مقيده بشرط تعجيزيه

بعد ماتجيهم يقولك الشروط ماتنطبق عليك

يعني مثلا لازم تكون موظف حكومي او تدفع دفعه اولى بنسبة 50 بالمئه من قيمة السياره بعدين تحصل على هذا العرض ( تقسيط بسرع الكاش )


افتكر مره كنت فجرير ونزلو عرض على لاب توب فاشل واقسم بالله العرض ماكمل شهر والا لاب توب مخلص ههههههه


رغم ان لابوتوب فاشل فكيف صرفوه ؟؟


نزلو منه الويندوز وخلوه بدون ويندوز

وقالوا الحق لابو توب جديد ب1700 وعليه ضمان وكل شي ومعاه فاره هديه بس لا توب بدون ويندوز هههههههه

يوم تجي تشتريه يقولك لازم تشتري الونيدوز الاصلي معاه عشان تدخل تحت الضمان

وانتم عارفين الويندوز الاصلي كم قيمته على حسب نوع الاصدار وتبداء اسعاره من 1000 ريال تقريبا

ثم تروح تشتري الويندوز ب1000 ريال وتصير قيمة الاب توب عليك طالعه ب2700


هههههههههههههه يعني فالنهايه كان سعر الاب توب ب2700 بس وشالو الويندوز منه وعروضه للبيع بدون ويندوز ب1700

يرجع الزبون ينحد يشتري الويندوز عشان يدخل تحت الضمان وتطلع قيمة الجهاز ب2700 !!!!


مع ان سعر الجهاز ب2700 لكن وقتها كان نوع الجهاز غير مرغوب وافتكر لونه كان اسود ووقتها كنت فبريده يوم صار العرض


فصرو الاب توب بهذي الحركه

وهذي احد خطط التسويق

والتسويق والبيع ترونه عالم ثاني وعلم اخر وفيه ذكاء وشطاره


صوت العزاوي

بخصوص رقم الجوال تراني رحت لبو جميل وسويتلهم رجه على موضوع اتصالهم علي ومن بعدها هجدو