أضف سؤال أو موضوع جديد          

هذا الموقع ساهم في ارتفاع اسعار السيارات

up 49 down 7
بن قيران 210
قبل 9 سنه و 3 شهر




ارجو من الادارة عدم حذف الموضوع احترمآ لحرية الاعضاء

الا ن تلاقي الواحد يبغا يبيع سيارته ومن دون طمع وجشع يدخل موقع حراج ويشوف نفس سيارته مطلوب فيها اسعار عالية

فيعرض سيارته ويطلب مثل اسعار الشريطية ويجلس محجر على نفسه وهو في الاساس متسامح لكن شاف اسعار الموقع قال مع الخيل ياشقرا

هنا احب اذكر ملحوظه الشريطيه يتمسكون باسعار عالية جدأ لكن تراهم اذكياء ماينخاف عليهم

اذكر موقف حصل امامي كان واحد من اقربائي يبي جيب ورحنا للنسيم ودخلنا معرض وفيه جيوب ماشاءالله البريمي والسعودي متوفره عند جديده وبعضها شبه جديد ماشية اقل من عشرين الف وكان رفيقي يسأل عن الاسعار وكان عامل المعرض السوداني يقوله عن اسعارهن انها سيمة بكذا وهذا سيم بكذا المهم الرجال اعجبه جيب 2011 بريمي ماشي حاجه بسيطه شبه جديد 8سلندر فل قال للسوداني هذا كم سيم قال 205000 قاله وكم الحد قاله انت كم تزيد وانا اكلم راعيه واشاوره وانشاءالله تكون من نصيبك قاله رفيقي لاتكلم راعيه ابي راعي المعرض هل هو موجود قاله السوداني نعم موجود يتقهوى في المكتب دخلنا عنده وجلسنا وصبو لنا شاهي المهم قاله رفيقي الجيب هذا نبيه قال راعي المعرض هذا مسيوم 205 قاله رفيقي السومه ذي اليوم قال راعي المعرض ماهي بعيد امس العصر قاله رفيقي امس برزقه واليوم هذا برزقه دراهمي كاش وحاضره نروح نفحص الموتر على بال ماتوصل الدراهم من البيت وننقل الموتر بعد المغرب في مرور النسيم ونخلص لكن ترى دراهمي 200000 الف توكلنا على الله ان كانت تخارجكم قاله راعي المعرض الموتر مسيوم ب 205 وراعيه ما وافق قاله رفيقي تراني صامل والدراهم والمه قال راعي المعرض ماتخارج قال رفيقي اجل نسترخص سكت راعي المعرض يوم جينا طالعين من عنده قال اذا تبغوني اكلم راعيه بالسومه قصده 205 وحق المعرض 2000 قاله رفيقي قاله 200 الف جاهز بأسمي تراها نصف ساعه وهي عندكم ويضحك رفيقي قال راعي المعرض لا ) جينا ماشين من عنده قال راعي المعرض 205 جاهز باسمك اذا تبيه تعال لاحظو الان انه قال 205 وخمسه من غير مايقول بشاور راعيه اتخذ القرار من عنده لانه الموتر اساسآ حقه لكن هاذي حركه اغلب اهل المعارض عليها المهم رجع رفيقي واقترب من راعي المعرض قاله اذا تبيني اتصل يجيبون الفلوس 200 الف وترها ابو خمس ماراح تتعبون في عدها وحنا نروح نفحص قال راعي المعرض عربونك عطاه رفيقي 5000 الف عربون وقاله شرط الموتر شدوكالته المهم رحنا وفحصنا الموتر عند البريدي وطلع ماشاءالله جديد جديد ونقلنا الملكيه والحمدالله كان شراه موفق فيه راعيه قيمه ونظافه

الخلاصه يااخواني انه اذا لقيت سياره واعجبتك وقالك راعيها او الشريطي او صاحب معرض انها مسيومه مثلآ 50000 وانت تشوف انه تسوى 45000 اعطه سومتك واتردد عليه وحاول تقنعه لانه بعض الناس يبي يبيع لاكن قد قالك انها مسيومه مثلا 50000 وهو تلاقيه يبي يبيع 45000 لاكن مستحي يتراجع عن السومه القديمه التي يمكن انها قبل سنه ساموها له والحذر الحذر من بخس اشياء الناس لكن حبيت اذكر هذا الاسلوب او الطريقه للتذكير او للأ فاده للبعض الاخوان الغير متمرسين في المعارض

وششكرا

اعتذر من صاحب الصور ه







تعديل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يختلف انا بايع موتر هنا اقل من اسعار المعارض ب20 الف

مشكله المعارض الطمع الزايد

يعني مافي مجال يخليك تسوم

وبرضوا في حراج النصابيييين واجد والشريطيه يعرفون الموقع هذا زين ويحصلون فيه صيدات

عموما لو انا مكان اداره الموقع كان بالعقل الي اشوفه حاط سعر موتره بسعر مبالغ فيه احذف موضوعه


up 4 down 1
rangrover666 146
قبل 9 سنه و 2 شهر



الاسعار متذبذه مافيه سعر محدد  ولا راح احد يقدر يضبط الاسعار لابالموقع ولا بالمعارض وهذي ارزاق مقسمه

وكل واحد ورزقه 


up 0 down 0
الوافي 1392 116
قبل 5 سنه و 8 شهر