الي عنده خبره في تصدير سياره من البحرين

مافي احد يقدر يفيدني؟؟؟؟؟

المرحلة الاولى في الجسر: اول ما توصل الجسر تروح تدفع تأمين 10 ريال للسيارة من نفس شباك التأمين اللي تدفعه و انت داخل البحرين و بعدين تروح اول جمرك البحرين جهت الشحن توريهم التأمين و البيان الجمركي و المقاصة و تواصل لجمرك السعودية وتخلص التفتيش و تروح بعدين مكاتب المخلصين عشان يسون لك الفسح الفوري و حولوك على البنك. تروح بنك الراجحي جنبك على الجسر و تدفع 150 ريال و ركبون لك لوحات السعودية تصدير و تدفع 350 تقريبا للمخلص و تستلم البيان الجمركي السعودي و تنتهي من المرحلة الاولى




المرحلة الثانية في السعودية: تروح للمواصفات والمقايسس قريب من ميناء الدمام وقبل ما تدخلها تدفع رسوم من النت 300 ريال او عند الشباب اللي جنب المواصفات و ياخذو منك 350 ريال و تنفحص السيارة و يعطوك ورقة تاخذها و تروح الجمرك داخل ميناء الدمام او ترجع الجسر بكيفك وش اقرب لك. تعطيهم ورقة المواصفات و البيان الجمركي و سلموك البطاقة الجمركية بس اذا سيارتك اقل من موديل 2011 لازم توديها الفحص الدوري بالنسبة لي ما احتجت لهالخطوة لان سيارتي 2012، و تنتهي من المرحلة الثانية




المرحلة الثالثة: تأمن السيارة و تاخذ التأمين و البطاقة الجمركية المرور  اجراءات شراء السيارة من البحرين و يعطوك استمارة سعودية و غيرو اللوحات من تصدير الى خصوصي 

لايك لا هنت 

رحم الله والديك ولك لايكات ياغالي