يا شباب اشتري فيكتوريا 2011 امريكي ولا افالون امريكي 2008

الافالون رساوة وقوة وفخامة 

الماركيز راحة 
انا ارشح لك الماركيز بسبب موديلها وكذلك قطعا رخيصة مقارنة بالافالون 

وكلام ابراهيم على متمه ماعندي زود عليه انت اللي بتسوق مهب حنا ونصيحة خذ افلون كانها نظيفه ودق سلفها وامش وتمتع مع الناس بالمواصفات والقيادة والدلع تشيب بعمرك من الحين بفكتوريا ولا ماركيز حتى الشيبان خربوا صاروا يشترون ازيرا ولا الالنترا وانت بتشيب بعمرك من الحين وسع صدرك بس ترى الافلون موتر ماشاء الله مع انه بيجيني كوم ديسلايك من حقين الفرود لكن ماعلي منهم انا اقول كلمة الحق

فورد بحكم مديله 

يا ابو ابراهيم كأنك تقصدني بأني شايب هاه ههههههههههه 

انا معي ماركيز ولله الحمد مرتاح معه

بس تبي نصيحتي من ناحية المركب والرساوه والفخامه اكيد افالون 

تبي قطع رخيصه ومركبه مريح في الخط والبلد وما تهتم من المواصفات انصحك بالماركيز

بالتوفيق

هههههههههههههههههه لا ما اقصدك بس اقصد خله يتشبب ويستانس بالمواصفات انا من محبين مركب الفورد بس خلونا واضحين تراه فاضي مافيه شي احسن مافيه مراتبه وانه قطعه متوفرة بس خله ينزل له افلون وفتحة وجلد وتسخين وتبريد ويوسع صديره

والله هذا اللي ذابحني اني من محبين الفورد لكن الفورد ما فيه شئ نهائيا مكيف ومسجل وازرار بيبان 
لكن قطعه رخيصه ومريح 
واقول لنفسي افالون  بس اخاف اندم واتحسر عالفورد 

من ناحية الرأي اعطوك الاخوان كلام واضح
باقي عليك الاستخارة وانطلق في شراء ما اطمئن له قلبك

ما خاب من استخار ولا ندم من استشار

افالون ولا تنس الاستخارة

بس لا تنسى الافالون موديل 2008 ؟ يعني لها 5 سنوات وحنا داخلين في السادسه ؟ الفخامه افالون العزل والدفع الخلفي والراحه وتوفر قطع الغيار والرخص والتحمل ماركيز او فكتوريا

نسسيت اقولك اذا ودك ب افالون ومصمم روح لقطر وخذها من هناك 70 تجيب لك موديل 2009 / 2010 لمتد بالراحه انظف من الافلونات اللي يستخدمونها المدرسين بالسعوديه

عن نفسي افضل الدفع الخلفي على الامامي 

ياخوي دفع خلفي اللهه يهديك 
الفكتوريا اللهم صل ع النبي حقت خطوط وكل شيء 

انا بوجهة نظري انك تحط فلوسك عليى شي وكاله احسن من موديلات قديمة مع العلم الافالون سيارة شيقة وما تهرم .
لكن لوكنت مكانك اجيب النترا ولا كورولا2013

استخير قبل كل شي

السؤال الأهم هل ستجد أفالون نظيييييفة موديل 2008

انا بوجهة نظري انك تحط فلوسك عليى شي وكاله احسن من موديلات قديمة مع العلم الافالون سيارة شيقة وما تهرم .
لكن لوكنت مكانك اجيب النترا ولا كورولا2013
<----- ماعاد فيه شي وكاله من اللي ذكرت يستحق انك تدفع فيه قيمة 70 او 80 الف لان صناعتها سيئه جداً جداً