حكة حجر في البودي

اذا كان محفور البدي ما اعتقدر بأمكانك تسويها الا رش ومعجون
اذا مو محفور بس علامات ممكن تشيلها ببوليش او زيت فرامل
واذا كانت الحكة رفيعة في قلم اسمه fix it bro (انا ماجربته)
لاكن في ناس كثير جربوه ونفع معاهم
اتمنى اني افدتك

السلام عليكم
اخوي ياليت تحط صورة اثر الحكة عشان الاعضاء يشوفونها وإن شاء الله تلقى حل

امسحه بزيت فرامل اذا ماراحت اشترقلم ازلة الخدوس من محلات ازينه  بــ100ــريال 

لا هو ماهو محفور بس معلم علامات زي الشخابيط

للاسف ماتطلع لان الحجر جسم صلب وما علية لـــون يمسك بالبدي عندك وتقدر تمسحه بإي مادة ، >بوية سيارتك هي الي تمسك فيه ..
الحل لــــــــــون المكان المتأثر بفرشة رسم صغيرة وخفف من منظر الحكوك بنسبة 70 الي 80 % بس خلك حذر وبخفه وبنفس اللون والدرجة ،،، بالتوفيق

هههههه كنت اكتب وما انتبه انك نزلت الصور ، يارجل هذي يدوب تبان بالعين المجردة اتوقعت حكوك بجحر مو هذي ،

أعتقد تقدر تمسحها وقف عند محلات التلميع الساطع سوية مثلها لسيارة اخوي ب 10 ريال تنر بار ، وملمع بالصاروخ وان شاء الله امورك تمام

** تنــــــر بارد

ياراجل هذي ماهي باينة اصلا جمب منديل ومسحها ولا لمع الموتر زي ماقالك احد الاخوان 

لماع خشن وبعدين ناعم وانتهت الهرجة

خدلك علبتين تنفع مستقبلا للتلميع عموما

فين المخش ماني شايف شي ؟؟؟!!! يارجال هذا هلحين مخش !!! احمد ربك والله يابعض الاطفال انه يقلب السيارة سبوره سيارتك مافيها شي وخل الوسوسه نفداك ...

عزيزي هذه الخدش ماحفر البوية اقرب محل زينة وملمع ناعم بعشرة ريال وتنتهي مشكلتك
زيت الفرامل انتبه منه حار ويأثر على البوية

كار واكس 15 ريال وقطن5 ريال , ويروح الخدش .

الله يقلع هالأشكال من البزران
وش يستفيد بحركته ذي غير أنه إندعى عليه

يالربع لا تلومون الرجال موتره ودافع فيه دم قلبه ماتبونه يدور حل له عاد موتره جيب ماشاء الله بتكون العيون عليه ويبيه رزه وسكبه

مثل ماقالوا الاخوان عليك ب التلميع واذا ماضبط عليك بالفرشاة والبوية الي تجي مع الموتر نقط عليها شوي شوي 

هذا من الحسد الله يسلمك 

تلميع تروح بإذن الله

مشكورين ياشباب عالردود واتضح لي ان ليست حجر ولكن هو قلم رصاص ياترى يطلع باعتراف الولد .

قلم رصاص وماتدري هو يطلع ولا لا  شي مضحك 
ياأخي الكريم القلم الرصاص في نهايته مساحة خذه من اخوانك الصغار وامسح الخدش الي منزل موضوع عشانه ومسوي لك زحمة 
ايام الابتدائي ماكانو يخلونا نكتب بالقلم الحبر عشان اذا غلطنا مانقدر نمسح 
كانو يخلونا نكتب بالرصاص ومعانا براية الى فيها مراية ومساحة نصها مقروض بالسنون  والباقي منتهي من كثر المسح