كفرات فوق دينات ؟
3
0
إضغط هنا للإخفاء
السلام عليكم
يا اخوان في شي يمكن اغلبنا يلاحظه
اشوف اثنين بنغاليه على سياره دينا لونها ازرق
ومحمل ورا كفرات ما عليها حمايه من الشمس
زي بلاستيك
او غطاء
وسيارته مفتوحه من فوق
ويمشي من اخر الدنيا
والكفرات معرضه للشمس
يعني سوء تخزين ونقل
المهم
انا تكلمت عن الموضوع لاني ابي اغير كفرات لجيب
السالفه امس بالليل رحت لبنشر جنب بيتنا وقعدت استفسر منه
واقوله ابي اصلي ويكون جديد
وعلى كلامه يقولي انه بيجيب من الوكاله بكره طلبيه كفرات
قلتله تم بجيك بكره
المهم اليوم وانا رايح اجيب الغداء من المطعم
مريت على البنشر اشوف الدينه الزرقاء ومليانه ورا كفرات كبيره حقت جيوب وجموس
المهم اوقف وانزل
واشوف والله نفس الكفرات الي انا طلبتها بالمقاس وبالشركه
واعتقد لان هالمقاس والشركه اغلب حقين الجيوب يركبونه يعني المقاس المعروف والشركه المعروفه
فشكله جاب منها كميه كبيره
ولقيتها
مكشوفه تماما وامسكها حاررره مرره
يعني شكلها جايه من مشوار بعيد
المهم سألت راعي الدينا هذا كفرات ايش ؟
قالي كفرات امريكي
رحت لحق البنشر الا هو قاعد يتغدا واحد ثاني
قلتله ايش صناعة الكفرات الي جتك جديده هذه
قالي ياباني المهم كرهت البنشر حقه صراحه
وبروح اليوم للوكيل حق الكفرات الي بشتري من عندهم واخذلي طقم هناك
ما ادري ليه حسيت الكفرات الي فوق الدينا جايه من احدى الدول الخليجيه يا دبي او مدري ويمكن تطلع صحيح جديده واصليه
لكن ما عبجني نقلها وطريقه التعامل معاها
واحسها منطوله بالشمس شهووور
والمشكله بيركبونها على جيوب لاندركوزرموديلات جديده
ولاحظت في البنشر في كفرات ملبسه اكياس حمايه
فهنا اقول للأخوان حاولو تاخذون الكفر الي فيه بلاستيك واوراق
لان حق الوكاله دائما يجي عليه اوراق وبلاستيك تحميه من الشمس
هذا اذا ما كان راعي البنشر عنده اكياس يلف فيها الكفرات التعبانه الي جايه من دبي والصين وغيره
والحقيقيه هو مشتريها رخيصه مرره
ويبيعها على اساس انها من الوكاله
يعني يصير غشك مرتين
1 نوعيه الكفر تعبانه
2 السعر اخذ منك دبل زي سعر الوكيل
الخلاص : صعب جدا انت المستهلك تعرف ان الكفر الي قدامك اصلي وطريقه تخزينه كانت ممتازه
فلذلك انصح يشتري الواحد من نفس الوكيل حق الكفرات الي يبيها
وفي طريقه ما ادري مدى صحتها
يقولون تمسك الكفر الجديد وتضغط عليه
اذا لين يعني انه طااازج من مزارعنا
واذا قاسي اعرف ان الشمس لعبت فيه
إبلاغ
الردود
0
0
وسوء نقل وتخزين مراكز وبناشر توزيع الكفرات كل مالها للهاوية وتحس انهم نوع معين من البشر يتشابهو بالنصب ع وجيهم >>> يخـوف
الوكيل أفضل تشتري منه ويكون هو بعد يخزن بطريقة صحيحه ياخوفي يكون هو اخس منهم ..
1
0
والله ما تدري
دام حماية المستهلك نايمه ولا تدري عن شي
توقع أي حاجا
بس حنا بنسوي بالاسباب وبركب عند الوكيل
والباقي على الله
0
0
0
0
0
0
قبل 10 سنه و 7 شهر