كورلا 2013 والله محتار

شغل المكيف من أول دقيقة ، وامش فيها طبيعي ، لكن تجنب ما يلي :

- السرعات العالية (مافوق 120 كم/ساعة)
- الدعس على الفرامل بقوة (الوقوف المفاجئ)
- حاول ماتسافر عليها.

التمرين فقط 1000 كم.


ومبروك عليك الموتر ، والله يعطيك خيره ويكفيك شـره ..

وفقك الله

 اي سياره تطلعها وكاله لازم تلينها تمرنها 1000 كيلو بسرعه لا تتجاوز80 كيلو بالساعه وبدون مكيف والا ارتفعت عليك حرارة السياره وبعد ماتنتهي من التمرين صفي الطبلون بشكل تدريجي اليوم الاول 100واليوم الثاني 110 والثالث 120 وهكذا تدريجي مو بشكل مفاجئ اتمنى وصلت المعلومه بشكل صحيح ومفهوم. 

والافضل انك ماتصفي الطبلون الا بعد الفين كيلو او اكثر للمحافظه على محرك السياره
ويطول عمره خلك رايق والاستعجال مهو طيب . ولك لايك 

نوار

هذا النظام في التسعينات خلص :)

ماعليش كلامك خطأ ، استخدم السيارة طبيعي بالمكيف وبالدبل لو فيها ، عادي يالغالي

اللي حط ديسلايك غبي يعني انت الفاهم هههههه مايدري 

الحديد اذا احتر يتمدد واذا برد ينكمش عشان كذا البلوف تنوزن والسياره دافيه

في ناس الله يستر عليهم يسوون انهم فاهمين وبحطون دسلايك وهو من جنبها

انا اقصد اللي اعطاني ديسلايك

يابو احمد من وين اخذت معلومتك اذا من كتلوج السياره فهي صحيحه

اما اذا من اللي يقولون فهم يسمعون من اللي يقولون

وعادي رد مافي اي احراج

السلام عليكم بالنسبة لموضوعكم يا الربع انا اقول لك المكيف ماعندك اي مشكلة تشغله وانت عند الوكالة وولد خالتي مطلع يوكون 2010 جاء لقاهم طاقين المكيف عشان يبرد الموتر وساقه طبيعي ويمشي عليه لين 120 بس بدون مايطول نمرته يعني لاتعطيه في الابنص ولين مشاء 1000 كيلو خلاص تمشي عليه لغايت 140 ولا 160 ماعندك مشكلة بس تخليه يسدح براحه يعني لاتحن عليه في نمرته ولا تخلي الظغط يتعدا 3 وبعدين ياخوي المكاين تجي ممرنة من الوكالة وش فيكم وهاذا زمان الكلبرييتر والمكاين الحديد الحين ماعندك اي مشكلة واخوي توه شاري لكزز وشغل مكيفه ومشى عليه وهاذا ماشاء الله تبارك الله مافيه الا العافية ... الله يعطيه من خيره ويعديه شره وانت بعد ياخوي الله يعطيك من خيرها ويعديك شرها وبالتوفيق ياحبيبنا ... وكلام اخوي ابو احمد صحيح

اجل اذا تجي ممرنه من الوكاله هذا شي ثاني عموما ماصار الا خير

ماشاء الله تبارك الله الله يعطيك خيره ويكفيك شرها اهم شي لا تغسلها لمده شهر كامل ترى حلو السياره بغبار الوكاله وريت الوكاله

ياخوي خلك بالسليم والمضمون ان مافادك ماضرك.
لاتشغل المكيف الا بعد 1000 كيلو ولاتمشي عليها فوق 60 وقت التمرين ولاشغلت المكيف خل التبريد على النص.

يابن الحلال خذ مني العلم الاكيد ولا يهونون باقي الشباب ,,, انا اول ماطلعت سيارتي وكاله دقيت المكيف على الاخير ورحت من ثاني يوم وغيرت لها مسجل غير حق الوكاله

وغير كذا مسكت فيها خط ومشيت 120 والحمدلله ماشيه معي تمام التمام ,, ونفس الشيء بسيارة اخوي والحمدلله ماقد واجهنا مشاكل .. وسع صدرك ودق المكيف للاخير بس انتبه لايزيد ضغط السياره فوق ال 3 ولا تشد على السياره فجأه .. وبالتوفيق

حبيبي نوار ، ايه يالغالي من الكتالوج ، والوكالة ،
أغلب الوكالات يقولون للمشتري أول صيتة على 5000 كيلومتر ، وبعض الوكالات (مثل الجميح) على 10.000 كيلومتر ،،

وفقكم الله