أضف سؤال أو موضوع جديد          

تجربتي وحل مشكلة الرجفه او الرعشه فالمكينه

up 8 down 6
نوار الوذيناني 615
قبل 5 سنه و 8 شهر



السلام عليكم ورحمة الله وبركاته

                نبدأ بسم الله

الرجفه او الرعشه او الرجه في مكينة السياره

والسياره واقفه الكل منا يشتكي منها

وهي عدم انتظام عداد الظغط اسمه Rbm على معتقد

معرفتي بالسيارات متواضعه *

اشتكي من رجفة المكينه وكل ماسألت واحد قال مدري

وحتى المكنيكي يبغى يقولك جيب صفايه وجيب بليتين
وجيب وجيب وفالاخير مافي فايده يقولك غسل كربيتر
لانهم مايعرفون

مره سألت مكنيكي قلت كذا وكذا اقصد الرجفه هذي

قال هذا كلو اللي فالكبوت لازم يتغير اسلاك بواجي 
وديلكو وكربيتر و و و كل شي قلت شكرا 
وانا عارف انه كذاب وما يعرف لو يعرف حدد المشكله

دقت في راسي اني ازبط الكرسيدا حقتي ال82
بيدي واجرب والتجربه خير برهان

كل شي شغال فيها مو ناقصها شي وانا فاحصها
بيدي مافيها شي ناقص لا لي ولا سلك
ماشاء الله تبارك الله

وافك الكبوت وافك غطا الديلكو واصنفر الشاكوش
واصنفر غطا الديلكو من داخل بمفك وش اسوي ماعندي
صنفره فاأستعملت المفك المربع 

صنفرت غطا الديلكو مع الشاكوش. وركبته 
وشغلت السياره وترجف رجف هههههههه

وانقز على الكربيتر واوزن مسمار البنزين ومسمار الابنص

وصفت السياره ماشاء الله لا تفه ورعشه ولا رجفه

ومسكت خط مشيت 100 والحمدلله

واطالع الا والاحظ ان الحراره فرقت معي معاد ترتفع 
زي اول صارت على السي 

لو رحت لمكانيكي كان كلفتني الشغله اقل شي300 او اكثر

والحمدلله على كل حال مهما كان الحال

وانتبهوا من السباكين اللي جايين يتعلمون في سيارات الناس
حبيت اشارككم تجربتي وكتبتها لكم ليستفيد الجميع

وصل اللهم على سيدنا وحبيبنا محمد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جابت 100 ؟
الله يوفقك ويرزقك سياره موديل جديد
ويعجبني الي يصلح بيده وما يتكل على الحراميه حقين الورش


up 4 down 0
ملك الخطوط 233
قبل 5 سنه و 8 شهر



لا هي تمشي طبلونها عادي بس انا مشيت 100

لأن هذا مشيي الطبيعي يوميا 100 او 110


up 1 down 0
نوار الوذيناني 615
قبل 5 سنه و 8 شهر



امين واياك بارك الله فيك


up 0 down 1
نوار الوذيناني 615
قبل 5 سنه و 8 شهر



بعض الناس قال لى ان الرجفة سببها يبغالها ضبط زوايا
حتى لو السيارة ما تحدف



up 1 down 1
alakilany 98
قبل 5 سنه و 8 شهر



الرجفه او الرعشه سببها اسلاك بواجي او البواجي او الكربيتر او وزن بلوف

اووزن ديلكوا مع ملحقاته وكمان صفاية البنزين ولياتها اذا فيها شرخ او تنسيم

تحياتي


up 0 down 0
نوار الوذيناني 615
قبل 5 سنه و 8 شهر



انت متمكن في شغلك ع هذا الموديل أهنيك ، الله يبارك لك ، بس اذا قررت تقفل طبلونها ومن حقــــــك ، واي واحد مهتم بسيارته وماهو مهملها
بدون عجب اذا محركها مصفى وممتاز وعضلاتها متماسكه والمساعدات والليات جدد ..
بس غير جنوطها بــكفرات عريضة من 225 الي حد الرفرف عشان الثبات وزيادة قليل من الرســـــــــاوة.. وسوي المكيف عشان اذا نمت داخل السيارة..
والله يبارك لك بحلالك بالتوفيق


up 2 down 0
aziz..747.. 2422
قبل 5 سنه و 8 شهر



ماشاء الله تبارك الله يعجبني الشخص اللي يشتغل بنفسه ويتعلم الله يبارك لك في سيارتك 


up 2 down 0
أبو غاليه ... 769
قبل 5 سنه و 8 شهر



احيانا الرجفه تكون من احد ليات الهواء حقت الباكم صارت معي وغيرتها لي والحين ماشاء الله


up 0 down 0
هاوي الجنوووووب 103
قبل 5 سنه و 8 شهر