معلومات مهمه وأكيده - تجديد استماره والفحص الدوري

15 7

لايمكنك التصويت حتى الحصول على 20 نقطة على الأقل
إضغط هنا للإخفاء

ملك الخطوط 235
قبل 10 سنه و 7 شهر

السلام عليكم حبيت انقل لكم بعض المعلومات الي شفت فيها تخبط بين الاعضاء بعدة امور ,
وهذه المعلومات انا بنفسي اليوم تأكد منها
من الفحص والمرور طبعا
المعلومه الاولى الي لقيت فيها طقاق شوي
وهي الفتره بعد انتهاء تاريخ الاستماره عشان ما تدخل بالغرامه الي قيمتها 100
وهذه اخذتها من المرور الي هناك
قالولي : عندك شهرين بعد انتهاء التاريخ في الاستماره
يعني بعد انتهاء تاريخ الاستماره شهرين ويوم واحد تنزل عليك غرامه 100 ريال ,
المعلومه الثانيه رسوم تجديد الاستماره كان بعضهم يقول 200 والبعض 100
وحتى من موقع المرور شفت مبلغ تجديد رخصه سير لمركبه خصوصي = 100 ريال استغربت صراحه حتى موقعهم فيه غلط
عموما انا دفعت 150 ريال رسوم تجديد استماره لمدة 3 سنوات ,
بالنسبه للفحص :
اول ما دخلت الفحص الدوري حصلت عماله على الشارع تأشرلي وقفت عند كم واحد وبدأ كل واحد يقدملي عروووض
منهم الي يقولي افحصلك السياره كامله واطلعها لك مفحوصه بساعه وحده بـ 300 ريال
ولقيت واحد يقولي بشيكلك على الاذرعه ب 100 ريال
ولقيت واحد يقولي معه بخاخ لازاله الزيوت تحت السياره قيمة البخاخ 10 ريال
ولو تبيه هو الي يرشلك بياخذ 50 ريال قيمة البخاخ + شغل يده
المهم : انا كانت سيارتي فيها عدة مشاكل
الدوده
والاذرعه
وعندي تنقيط زيت تحت من الصوفه الي بين المكينه والقير
وعندي صوت طقطقه تحت
وفي انحراف بالدركسون وانا ماشي
كنت عارف هذا كله
واصريت اني ادخل بنفسي الفحص
واطلع راسب بالفحص قلت بعد الرسوب بشوف كل الي طلع فيه مشكله بالفحص
وبصلحه كامل عن ورشه بالصناعيه
على رواقه وبعدين برجع افحص
خصوصا انه اعادة الفحص مبلغها زهيد 24 ريال فقط
المهم سحبت على العماله الي برا

ودخلت الفحص ونص ساعه بالضبط والعامل حق الفحص يركبلي اللزقه حقت الفحص على الزجاج الامامي
جيت عنده قلتله خلاص
قالي ميه ميه
قلت لهم انتم الي ميه ميه
المهم مشيت وانا ماني مصدق انها مشت حتى والله الزيت كان ناقص عندي علبيتن من اثر التهريب ولا غسلت السياره
يعني السياره رايحه فيها ومشت
والموضوع صراحتا ً يحتمل امرين
يا ان فعلا سيارتي مشاكلها بسيطه
او ان الفحص يسلكون يبون يمشون العالم بدون فحص دقيق يعني يبون الفكه مني وما ارجعلهم مرتين ثلاث واسبب زحمه لهم
عموما حبيت انبهكم الي بيفحص يدخل على طول قيمة الفحص : 73 ريال
واذا رسبت تدخل مره ثانيه 24 ريال
والمره الثالثه نفس الكلام 24 ريال والامور سهاله ,
وانصح أي واحد بيفحص يدخل يفحص على طول
ولا يعطي العماله الي برا وجهه
لان بعضهم حراميه اجارنا الله منهم
والي بيدخل اهم شي يشيك على الامور الظاهره امامه
زي الانوار الاماميه الخلفيه
الفرامل الفحمات
لاني شفت واحد جنبي رسب بسبب الفحمات منتهيه عنده

يعني هذه اشياء ظاهره انت قبل لا تدخل الفحص مبين عندك تشوفها انها رايحه فيها ولها صوت
وكلها ما تكلف شي

إبلاغ

الردود