أضف سؤال أو موضوع جديد          

الـسـلام عليكم شفولي حل مع المكيف

up 2 down 2
رسـاوي 1234 130
قبل 9 سنه و 4 شهر



السلام عليكم اخواني  

انا معي كامري 2011 عندي مشكله المكيف 

في الظهر حار مره بس الدفع موب قوي  اول ماحطه على 5 يبرد على طول 

وفي الليل بارد ثلج لوانه على رقم 1 

تكفون عطوني حل  

اذا تقول نسم لدريشه انسم له 

ومشي تقريبن  500 متر ودرايش مفتوح  بعدين  اوقف  واشغل المكيف  مافيه فايده حااااااااااااار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفلتر كم مره  اسويله تنظيف بس يقعد سبوع بعدين يقلب حاااار


up 0 down 0
رسـاوي 1234 130
قبل 9 سنه و 4 شهر



ياحبيبي موب انت بس كلنا

الاجواء حاره  انا ماقدر امسك الطارة من قوة السخونه 


up 0 down 0
ابو سلطان99 118
قبل 9 سنه و 4 شهر



يعني عادي موب خراب او شي   

مادري حبيت اسال عن اخر حاجه مكتوب Hl هل يحصل شي بالمكيف او بالسياره لاسمح الله 


up 0 down 0
رسـاوي 1234 130
قبل 9 سنه و 4 شهر



شوف الول شي تاكد من الفريون هاذي دليل على نقص الفريون اذا يبرد في اليل والنهار حار اكيد فريون والله اعلم ولا تنسى عب فريون امريكي ترا يفرق التبريد لا يعبي لك صيني يخرب الكمبروسون وبتوفيق


up 1 down 0
faisal2002 892
قبل 9 سنه و 4 شهر



طيب كيف اعرف بين الامريكي وصيني 


up 0 down 0
رسـاوي 1234 130
قبل 9 سنه و 4 شهر



اكيد انك تطفي السيارة قبل تطفي المكيف واحيان تشغل السيارة وزر المكيف على التشغيل

عموما هذي الحركة خربت المكيف عندي

جرب هذي الطريقة شغل السيارة ولا تمشي على طول
شغل المكيف ودوس بنزين لين ما يبرد المكيف بعدها امش


up 0 down 0
ابغى كابرس 87
قبل 9 سنه و 4 شهر



http://www.toyota4arab.com/forum/t190726.html هذا موضوع عن الفريون الااصلي وبتوفيق


up 0 down 0
faisal2002 892
قبل 9 سنه و 4 شهر



رساوي.. المكيف عندك مشاء الله ولا اروع ، الحرارة طبعا لها دور كبير ،
مضغوطه داخل السيارة والمكيف مايقدر يقاومها بسرعة حسب طلبك لازم تصبر شوي عشان يبرد ،
وبعدين الـ HI مدري ليش تاخفو منه لمن تسمع صوت الهواء قوي تراها مروحه تزيد وتنقص مالها التــاثير النووي ،

مثل أخوي نفس مشكلتك 2013 ... عنده 8 درجات ومحرم نفسه ع 1،2 بعز الظهر بحجة الصوت يفجع ع العالي والتبريد ماش ..
كيف كذا فـــــر امه ع الاخير الين تبرد وبعدين خفض عليه .. والفــــــــريون اشك انه ناقص ، بتروح تقول التبريد ومدري ايش وتفتح ع نفسك افلام. يدورو ع الزبون الجاهز
لا تفقد الفريون حق بلدها الا اذا بعد الكشف من اكثر من محل ان به نقص
بالتوفيق


up 0 down 0
aziz..747.. 2421
قبل 9 سنه و 4 شهر



ركب لك فلتر هايلوكس او كورولا ولو انه اغلى من حق الكامري لكنه اخف في طبقاته


up 0 down 0
ابو عبدالله احمد 3530
قبل 9 سنه و 4 شهر



غير فلتر وكالة وعب فريون امريكي وفي الصباح او ماتركب السيارة افتح المكيف وامش كم متر وانت فاتح الدرايش وبعدين سكر 
الدرايش كذا بيطلع الحرارة ويبداء المكيف يبرد 


up 0 down 0
ولد المدينة 2014 1307
قبل 9 سنه و 4 شهر



ياخوي نزل الفلتر خير شر
تحصله داخل الدرج


up 0 down 0
Bikers store 597
قبل 9 سنه و 4 شهر



انا اشغل السياره و زر المكيف على التشغيل والحمد لله دقيقه وحده والسياره بارده

الكمبرسر يحتاج الى تسخين مثل ماتسخن المكينه والاخ ماجد المطلق قد نزل موضوع عن الكمبرسر راجع الموضوع يمكن تستفيد


up 0 down 0
مورد الماء 322
قبل 9 سنه و 4 شهر



تأكد ان الفريون امريكي اصلي
لا يكون صيني او يكون الفريون فيه نقص بسيط
حصلتلي قبل
وزودته ورجع مضبوط
ةاذا كان في نقص خله يسيك لك على الربل الصغير بمواصير التكييف
لو لو في تهريب بسيط بترجع لك نفسا المشكله


up 0 down 0
ملك الخطوط 235
قبل 9 سنه و 4 شهر



افحص المروحة اللي قدام الكمبرسر يمكن متعطل او دورانة بطئ 


up 0 down 0
عبدالله ببببب 288
قبل 9 سنه و 4 شهر



عندي كامري مثلك الظهر ماودك تركب من الضغط الحراري داخل السيارة نسم القزاز وشغل المكيف على ثاني طقه وخليها تحتمي

وبيفرق معك المكيف واذا مشيت خليه على ثالث طقه الظهر وامورك طيبه
ترى درجه الحرارة مو طبيعيه عندنا بالظهر فلا تلوم سيارتك جميع السيارات تعاني شوي بالظهر والي يقول يبرد من اول ثانيه مكيف سيارتي نصاب

ركبت افلون مع قريب بعد صلاه الجمعه مع ان فيها تبريد للمرتبه وافالون مو كامري نفس الشي كنها قدر ضغط
وتطبخ ولما وصلنا البيت بدي يبرد

وكل الله مابقي شي على الشتاء تحمل هذاك تحملت الصيف كله


up 0 down 0
sayg90 53
قبل 9 سنه و 4 شهر



يارجال لاتوسوس عندنا كامري وعادي نفس مشكلتك الظهر احطه على ٤ والليل ١ 

 وحاول تضلل السياره دار مدار عازل حراري 


up 0 down 0
ابوسعــــود 233
قبل 9 سنه و 4 شهر



مشكورين  يااخوتي 


up 0 down 0
رسـاوي 1234 130
قبل 9 سنه و 4 شهر