أضف سؤال أو موضوع جديد          

طبلونك راااح كشنه وصار البلاستيك تقل نيفيا

up 24 down 10
أنيق 17573
قبل 7 سنه و 7 شهر



مساكم الله بالخيير 

وييين الناس هههههه ادري اني تأخرت عليكم لكن توي روقت 
طبعا هالايام هجوله من جد
دوامي بالجامعه بعد الظهر 
والبيت بعيد عالشارع العام عشان التكاسي 
والحراره ٤٥ كيلو مئويه 
يعني انيق صار كيك امريكانا بالشكلاطه وداخله كريمه هههههه قصدي قلبي كريمه يعني 
واوقف نصف ساعه بالشمس عشان التكسي  وانا مرررسسسم ومتكشخ واوصل الجامعه وراح مزيل العرق هههههه ولا كأني تروشت
 والكتب صارت حااره تقل نص مضغوط ههههه 
كلهم مايوقفون تقل اشحدهم هههههه مايدرون إني أنيق 
مابي منكم إلا الدعوات الطيبات المباركات الكثيرات ههههههه 

كنت افضفض قبل شويء 

المهم 
موضوعنا الاساسي
هو خطير وماراح تتوقعون خطورته 

والمشكله أن هالشيء الي سبب كل هالخطوره 
صغييير وتافه 

ألا 
وهو 
( شاحن السياره )
نعم 
إن هو شاحننا وكهربنا وسيارتنا حقتنا ههههههه دعابه دعابه 

انت 
تجي تحط شاحن السياره بالولاعه أو فتحت الكهرب الي بالسياره وتشحن جوالك وإذا خلصت 
تخليه مشبوك 
وتوقف السياره بالشمس 
ومن شدة الكتمه بالسياره وارتفاع الحراره الداخليه 
ينفجر الشاحن أو مكينة الولاعه الي بالسياره لأنها شغاله والسبب وجود الشاحن فيها 
فنصيحه 
إذا انتهيت من الشاحن أو المبخره أفصلها من مكبس او فتحت الولاعه 





الخلاصه 
١- إذا خلصت من الشاحن او المبخره أفصلها علطول 
٢- نسم الدرايش أو وقف السياره بظل 
٣- لاتترك أي عطر بالسياره ممكن ينفجر لأنه مضغوط وكله كحول 
٤- اسطوانة الغاز نزلها بالبيت لأنها ممكن تنفجر بسبب تسرب بسيط والسياره مكتومه حتى لو كانت الاسطوانه بالشنطه 


وهذي صور لشخص معه تاهو 
نسي شاحن جواله مشبوك 
وهذي النتيجه المأساويه 

من وين له طبلون للتاهو الحيين ؟ 
لاحظوا حتى السقف انعدم 


الله يكفينا وياكم كل شيء ويحفظنا بحفظه 


تحياتي لكم 
صديقكم ومحبكم جدا 

& أنيق& 












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يرزقك بجيب لكزس بغبار وكالته وتفتك من التكاسي

و عقبال التخرج من الجامعه ان شاء الله .. بالتووووفيق


up 1 down 0
مورد الماء 322
قبل 7 سنه و 7 شهر



الله يرزقك 
يااااااا انــــــــــيــــــــــــــق  

نصيحة مهمه يجب اخذها بالعتبار 


up 0 down 0
شبح 600 sel 6081
قبل 7 سنه و 7 شهر