أضف سؤال أو موضوع جديد          

مشكله بكامري 2004 وين اصحاب الخبره ضروووري

up 1 down 4
عاشق السبووووورت 103
قبل 7 سنه و 7 شهر



السلام عليكم
اخواني اليوم صار معي شي غريب بسيارتي كامري 2004
كنت ماشي ومسرع 
امشي 200 كنت اتجاكر انا وواحد^^
المهم ونا ماشي وفجاه احس بنتعه بالموتر )كانه فصل(
وعداد الضغط صار يلعب ( يستهبل يعني ههههههههههه ) يرتفع وينزل
المهم وقفت بسرعه وطفت السيارة لحالها
خليتها ربع ساعه ورجعت اشغل واشتغلت
الحين صار فيها تقطيعه او نتعه ونت ماشي
مادري ايش السالفه
امشي 140 مثلا وذا جيت ازيد السرعه تصير فيها تقطيعه
وعداد الضغط يصير يلعب يستهبل يعني
يكون على 4 مثلا يتحرك يروح 5 وينزل 3
اذا هديت سرعه تصير طبيعي
اتمنى افيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك علي طرمبة البنزين .


up 0 down 0
ابوعـــمـــــــار 99
قبل 7 سنه و 7 شهر



والله فيه احتمالت كثيره يعني ماحد يقدر يحدد لك المشكله الى بعد الفحص 
انت افحصه وشوف تحياتي 


up 0 down 0
مـــــحمـــــد 292
قبل 7 سنه و 7 شهر



ليش الديس لايك يعني؟ ؟؟؟
ايش هي الاحتمالات ياخوي محمد


up 1 down 0
عاشق السبووووورت 103
قبل 7 سنه و 7 شهر



انت فجرت شي بالسياره وانت ماغطها
يا طرمبه او حاجه لها علاقه بالبنزين
ترفق ياخوي
ما كان الرفق في شي الا زانه


up 0 down 0
ملك الخطوط 236
قبل 7 سنه و 7 شهر



السلام عليكم ... اولا الحمدلله على سلامتك ولاعاد تسرع ياخوي ترى والله السرعة مافيها خير ماغير قاعد على اعصابك لين تهدي ولاقدر الله يقابلك شي في الخط ولا ينطلق عليك شي وتروح من كيس اهلك وثالث انها مضره على السيارة وشف وش صار معك ... بالنسبة للخراب الي طلع لك اسبابه واجد ممكن تكون المشكلة في الطرمبة مع الصفاية وممكن تكون المشكلة في المكينة وحنا ماشفنا او جربنا السيارة عشان نحكم بس نصيحتي ودها لواحد كويس وخلها يتاكد منها واذا قال لك العله لف على كم واحد اذا كلهم قالوا نفس الكلام رح للي تعرفه وكويس وسعره مناسب ... اسف على الاطالة وترى مانصحتك ياخوي الا من حبي لك . تحياتي


up 0 down 0
a.ibrahem 3165
قبل 7 سنه و 7 شهر



اخوي
السياره وهي واقفه صافيه

يعني حط يدك على الشكمان ورى

الهوا مستمر او فيه زي تفتفه


up 0 down 0
ibrahime 1196
قبل 7 سنه و 7 شهر



السياره من اول ماشريتها من عند شكمان فيه تفتفه  وقالولي كل الكوامري كذا
 وبعد المشكله نفس ماهي تفتفه
بس المكينه صافيه جدا

و مشكووورين يا اخوان


up 1 down 0
عاشق السبووووورت 103
قبل 7 سنه و 7 شهر



صارت معي اول كامري 2006 وغيرت صفاية البنزين ولا فاد طلع البلاء من حساس الاوكسجين الي يجي راكب بالقزوز غيرته ورجعت حلاوه قيمته حدود ال 500 وكاله بس انا كانت احيان وهي واقفه امبير ضغط الهواء يجلس يستهبل على قولتك طالع نازل ولما امشي بها ادوس بنزين تكون مكتومه وشوي تنطلق من نفسها ولا صار الخراب هذا معي الا بعد ما مسكتها خط على 220بعدها لسع حساس الاوكسجين اتمنى اكون افدتك والله يوفقك


up 0 down 0
ابو بندر995 38
قبل 7 سنه و 6 شهر



مشكوووورين يا اخوان
حلينا المشكله
وطلع من حساس عمود الكرنك على قوله المهندس
والحمد لله على كل حال


up 0 down 0
عاشق السبووووورت 103
قبل 7 سنه و 6 شهر