نظام المرور الجديد

الرخصة حجز!!              

انحجزت انت بسبب قطع الإشارة ولا عدم حمل رخصة ?

وضح اكثر ؟
انت باي مدينه ؟
لان الرياض كاميرا ساهر تصيدك وتطلع عليك مخالفه 500 ريال ؟
قصدك اذا شافك مرور يعني , او تقصد لو ما تقدر تسددها الا تروح تحجز نفسك ثلاث ايام

انا قطعت اشاره مافيه ساهر وكان وراي مرور سري وعطني مخالفه وحجز ولقيت شباب 
فى توقيف عدم حمل رخصه جلسو يوم وانا وشباب معي برضو قطعو اشاره جلسنا ٣ ايام 
وانا من الرياض 

بالنسبة لقطع الاشارة فهي من زمان وهي حجز ثلاث ايام ومخالفة 900 اظاهر مدري 1000 لكن عدم حمل رخصة ماضنتي يحجزون الا على حسب العسكري كانه لعين بيشيلك لكن عموما خلكم نظاميين لاتقطعون اشارات ترى والله يا شباب دقيقة ونص ولا دقيقتين مهيب ضارتك من عمرك وثانيا لو قطعت لاقدر الله وبغيت تصدم احد ولا تسببت في احد ولا احد دعى عليك والله ماتسوى عليك ... وبالنسبة للرخصة خلاص من يطق عمرك 18 طلعها وش تحتري بكره تتوظف وتزيد عليك المسؤوليات وماراح تفضى لها الا طلعها من بدري وريح نفسك ... اسف على الاطالة تحياتي  

^ هذا الكلام صح وانا ماودي اقطعها والله لكن كنت مستعجل كانت عندي ضروف والحمد الله 
على كل حال و قسم ماعاد اقطع اشارها كرهت حياتي فى توقيف 

انا قبل شهر قطعة ايشاره وسدتها بدووون حجز ولا شي

^ الحين شوف اشاره وعنده مرور واقطعها وتعال علمنا بعد ٣ ايام وش صار معك 

الاجنبي ممكن السعودي مخالفه 500

احد قايل لك  يا اخ فهد اني اجنبي -_- 
تبيني اصور لك الاثبات هههههههههه 

نشوف العالم قدامنا كل يوم يقطعون الاشارات وما غير ساهر يصورهم و 500 ريال مخالفه تنزل عليه طيب دام الدعوه فيها سجن ليه ما يسجنون الي يقطون الاشاره الي فيها ساهر
يعني كذا احس في ظلم اخونا صاحب الموضوع ذا : محمد ساجنينه 3 ايام عشان قطع اشاره
وقدامنا كل يوم والله امة محمد يقطعون الاشارات ليه ما يجبرونهم ما يقدر يسدد المخالفه الا يحضر بالناصريه ويدخل التوقيف 3 ايام بعدين يطلع
ولا الدعوه هشك بشك
ناس وناس يا تسجنونهم كلهم يا مخالفات بس

ملك الخطوط فعلا اذا كان ساهر بس تدفع المخالفه بدون حجز فيها ظلم 
ولكن صحيح اني جلست ثلاث ايام ولكن نظام حلو و يخلي الواحد يتحسف انه قطع اشاره
شباب الى كنت معهم كلهم متحسفين وهذا الى نبيه من نظام ولكن مثل العاده فيه شباب 
طلعو با واسطه قدام عيني وحب خشوم تحياتي لي شخصك الكريم 

يا اخوان انتبهوا قطع الإشارة وعكس الشارع لو صار حادث لا قدر الله التأمين ما يغطي

والحمد لله على السلامة يا أخ محمد

عدم حمل رخصه حجز + مخالفه 

معقووله عدم حمل رخصه حجز ؟؟؟؟!

عدم حمل رخصه ب ٥٠٠ ريال ومافيها حجز اخويا مرتين اخدها وبدون حجز

احمد عدم حمل رخصه 150 ريال 
عدم وجود رخصه 500 ريال 

فعلن كلام اخونا على متمه عدم حمل رخصة يعني معناها انك مطلع رخصة بس مهيب معك وكذا يعطيك 150 وسمعت انهم زادوها ل 300 مدري عاد الله واعلم لكن عدم وجود رخصة من الاساس 500 لكن لحد يسوي ذيب ويقول مهيب معي وهو ماطلع ثمن يقفطه ويتوهق

صادق اخوي ما عنده رخصه حجزو موتره