هل يمكن السفر مسافة طويلة فور استلام السيارة جديدة؟

والله بيني وبينك صعبة أمسك خط على سرعة 80...
ما ادري هي تضر ولا ما تضر بس جربتها أخر التمرين يعني من 400 كيلو لين 1600 بالسفر ولا ضر بس المسافة طويلة على سرعة قليلة...
حاول تدور ورح يمين ويسار بوسط البلد وكلها ثلاث أيام وإن شاء الله سيارتك ممرنه...
والله يطعمك من خيرها ويكفيك شرها....

لاعادي                         

هل اذا اشتريت مكينة حلاقة او مكينة عصر العصير تحتاج الى تمرينها ؟
احنا شرينا فورد اكسبيدشن ومشينا فيه مسافة 70 كيلو وبعدها سافرنا فيه مسافة 1600 كيلو روحة و 1600 رجعة على سرعات متفرفة 140 160
واﻻن ماشي 33 الف وﻻ يشتكي شيء .

مشكورون جميعا 
جزاكم الله خيرا

حسب ما هو مكتوب في كتالوج السيارات التي سبق لي استخدامها أنه لا ينصح في الألف كيلومتر الأولى بالقيادة على سرعة ثابتة أو رفع عدد دورات الماكينة (RPM) أو التسارع المفاجئ أو الوقوف فجأة

الألف كيلو الأولى سيظهر لك إن كان في عيب مصنعي أو خطأ في أي جزء من السيارة

نصيحتي لك باستخدام السيارة داخل المدينة حتى ينتهي التمرين وتدخلها الوكالة وتمشي بعدها وأنت مطمئن

صاحي ؟
بتمشي خط 600 كيلو وسرعتك 80 ؟
والله ما توصل الا روحك طالعه

لو افترضنا تمشي 150 يبيلك اربع ساعات توصل
ولو تمشي ثمانين كم بتقعد بالخط ؟ يوم وليله
اجل خذ معك خيمه عشان بنص الطريق تخيم وترقدلك ومن بكرا تكمل رحلتك هههههههههههههههه

لا ما يضر إن شاء الله ، بس لا تتعدى الــ140 ، ولا تطول على نفس المشي ، يعني امش 140 وبعدها 120 وبعدها 130 و 100 ....إلخ ،،

ومبروك الموتر ، الله يعطيك خـــيرهـ ويكفيك شـــــرهـ

السلام عليكم

أخي ... دائما اعقل وتوكل

نفس ما حكى الأخ ابو عباده .. الأفضل عدم السفر عليها وذلك بسبب احتمالية التأثير على المكينه

وثانيا .. لا سمح الله لو كان فيها عيب مصنعي ممكن تسببلك مشكله

... والتمرين ليس فقط للمكينه .. فهو لجميع اجزاء السياره .. قير وعضلات وحتى الكفرات

بالتوفيق

السلام عليكم يا الربع ... بالنسبة لموضوعك ياخوي انا احب اطمنك انه بأذن الله ماراح يتأثر ولا شي ماعليه الا العافية لأن المواتر الجديدة اصلن تجي ممرنه يعني مايحتاج ان شاء الله بس حاول انك ماتزيد عن 100 او 120 وفي نفس الوقت حاول انك ماتطول على النمر يعني ظغط المكينة لايتعدا 2 ونص بالكثير هاذي المواتر الموضبه اللي تتأثر لأن المكينة شبه مخروطة لكن الجديدة ماعليها ... تقبل مروري وشكرا

اذكر قبل 3 سنوات اول ما اخذ الوالد السكويا مسكنا فيه خط وهو ماشي 150 كيلو من الرياض لجيزان 1200 كيلو
160 180 والحمدلله ماجاه شي لانه يكون ممرن اصلا  

السلام عليكم
انا يوم اشتريت الافالون مشيت فيها 700 كيلو على سرعه لا تزيد عن 140 والحمد لله الحين السياره ماشيه ثمانين الف ولا لاحظت اي شي توكل على الله

سويتها اول ما طلعت الموتر
من القصيم الى حائل امشي 100 و مشغل المكيف و المثبت
بس ما وصلت الا بعد ثلاث ساعات
و الحمدلله ما صار شي
اهم شي 
احرص على صيانه الالف كيلو الاولى بالوكاله
و الباقي مو مهم الا الي يبي الضمان

شكرا لكم جميعا على مروركم الكريم ونصائحكم الغالية
وجزاكم الله خيرا
تقبلوا تحياتى

احد الاقارب اول ما شرى تيدا هاتش باك موديل 2009 من وقت الاستلام شغل المكيف
وعلى مكة على سرعة 160-170 جا عمل عمرة وبات يوم ومشا اليوم الثاني 
وللحين السيارة ما شاء الله ماحطة معاه بما لا يقل عن 200 الف كيلو

عام 2008 طلعت مكسيما من الحمراني  ومشيتها خلال هذا اليوم حدود 200 كم واليوم الثاني سافرت للديره وتبعد من المنطقه إلي أسكن فيها تقريبا حدود 450كم وثاني يوم من وصولي للديره كنت رايح للسوق وفي وقتها وأنا أمشي بسرعة ثمانين إنفجرت المكينه  وحترقت السياره وساعدوني أهل الخير والحمد لله عوضوني سياره لكن بعد تقريبا اربع شهور علما بأنه منذ وقت خروج السياره لم أتعدى سرعة 100
وعسى الله يستر علينا وعليك وعلى المسلمين

أخى الداعية الله يعوض عليك
ممكن استملتها من المعرض ناقصة زيت