الفرق بين هلي ابوجميل الصيني والهلي الخليجي الأصلي مواصفات و أسعار

14 1

لايمكنك التصويت حتى الحصول على 20 نقطة على الأقل
إضغط هنا للإخفاء

haraj-1434 508
قبل 11 سنه و 2 شهر

بسم الله الرحمن لرحيم


السلام عليكم ورحمة الله وبركاته                وبعد 


بادى ذي بدء حبيت اشارككم بموضوعين منقولين من احدى المنتديات وهي تختص بالهايلوكس 2013




والموضوع الاول بصراحة غبنة ويحزن ولكن الله يعين صاحبه والموضوع الثاني صاحبه كان عنده وعي وفاد نفسه وافاد




الناس ونفعهم فنبتدأ بالموضوع الأول والله المستعان والله يعوض على صاحبه:-



اخواني حبيت انزل موضوع وهو عبارة عن مشكلة لابد نجد لها حل عن شركة عبد الطيف جميل لسيارات تايوتا ولتي شعارها (((أقل المواصفات بأغلا الأسعار))) وذا الشعار كبييير جدا في حقهم لاكن بحصر هالموضوع عن نوع محدد من السيارات بفأة محدده ولي هو هايلكس دفرنسن (دبل) S-GLX2013 ولي قد تورطت بشراء واحد من هانوع من السيارات وكتشفت عدة ملاحظات وعدة سرقات في السيارة من شركة حبيب قلوبنا عبد الطيف جميل
ولموضوع الي حبيت اطرحة بختصار هو الأكسسورات (الأغراض –العدة) سمها زي ماتبي الي ياخذها عبد الطيف ولي يحطها




الشغل الجدع الي اشتغله في مواترنا طبعا الشغلة كلها صيني *صيني


1- المكيف مركب ***طبعا صيني***

2- الرفارف مركبة تخريم في البدي ***طبعا صيني***

3- باب الصندوق الخلفي مركب ***طبعا صيني***

4- الزجاج الخلفي مركب ثلاث قطع ***طبعا صيني***

5- الكشافات مركبة ***طبعا صيني***

6- قاعدة القير مركبة ***طبعا صيني***

7-الجنوط مركبة ***طبعا صيني***

8- الخطوط (الشطرطونات) مركبة ***طبعا صيني***

9- البلاستيك في الحوظ والحنايا مركب***طبعا صيني***

10- التخشيب مركب***طبعا صيني***

11-الحساسات مركبه ***طبعا صيني***

12-الريموت مركب***طبعا صيني***

13- وطايات الأرضيات مركبة***طبعا صيني***

14-المسجل مركب***طبعا صيني***


الزرفات التي قد تمت من قبل حبيب قلوبنا مستر عبد الطيف


1- طبلون اليزر مزرووف

2- الشاشة مزروووفة

3- عداد حساب كم باقي من الوقود + درجة الحرارة مزرووف

4- مثبت السرعة مزروووف

5- فيش ال USB مزروووف

6- التحكم في الصوت + وتشغيل وإقفال الشاشة +سماعة البلاتوث للجوال+ الTBELT +لون الفضي في القطع الجانبية في الدركسون كلها مزروووفة

7- المرتبة المفصولة وتكاي مزروووفة

8- السماعات الجانبية بجانب المرايا في البيبان مزروووفة

9- الدفلوك مزرووف

10- الريموت الوكالة يجي مع نفس المفتاح زي الخليجي مزرووف

11- المسجل للسياحي والشاشة للفل مزرووفة

12- -مانع الانزلاق مزروووف

13- الكمرة الخلفية تشتغل اذا دقيت الريوس في الشاشة مزروووفة

14- التحكم في رفع ونزول النور الامامي مزروووف

15- المراتب الجلد مزروفة

16- صدام الخلفي يجي تحت الصدام العادي حديد يركب عليه هك مزرووف

17- وساداة هوائية في الجوانب (ارباقات)مزرووفة

18- المكيف الألكتروني مزرووف

19- لمبة المحيطة بسويتش مزرووفة

21- فيش الشاحن للجوال الثاني مزروووف (فيه طفاية وفيه شاحن جوال اخونا الضريف زرف شاحن الشوال)

22- الزجاج الخلفية تجي كاملة ومعها مزيل الضباب وللأسف تم زرفهما سويا

23-الباب الاصلي زي حق الجمس مزرووف

24- الكشافات يجي تشغيلها من نفس العصا حق الانوار الاساسية مزروفة وجايب من عنده ميد إن شاينا

25- قاعدة القير مزرووفة

26- الجنوط الأصلية مزروفة

27-التحكم في تحريك المراتب يدوي لسائق فقط والتحكم الكهربائي مزرووف


تم زرفنا ونحن احياء ولاكن لانقول إلا حسبنا الله ونعم الوكيل ونسأله سبحانه جل شأنه وتقدسة اسمائة أن يرينا في كل ضالم مايشفي غليل صدورنا آآمين يارب


تذكر اخي المستهلك ان المواصفات الي تأتينا هي اقل من أردا نوع عند الي برا (في الدول الخارجية)




وذا الي اعرفة ولخافي أعظم غير الدعثة الي مدري وشي لأني لم اذكر الا الي اعرف علما ان معرفتي قليلة ومحصورة فيما ذكرة




وعتذر من الإدارة ان كان الموضوع فيه اساأة لأحد علما بأني لم أذكر إلا الواقع




ولي عنده ملاحظة او رأي اواستفسار او شي وده يقوله المجال مفتوح ومعليييش على القصور ولإطالة

والسلام عليكم ورحمة الله وبركاته


وصلى الله وبارك وسلم على اشرف خلقه واتم رسله محمد عليه افضل الصلاة واتم التسليم

طبعا خلصنا من الموضوع الاول ونجي للموضوع الثاني اللي اشوفه بنظري هو حل للموضوع الاول :-


السلام عليكم 
وكل عام وانتم بخير


مثل ما وعدتكم بتفاصيل الشراء من قطر والاسعار والمواصفات والصور !!




طبعاً بعد مابعت سيارتي الهايلوكس 2013 سعوديه والي شريتها بمبلغ خيالي فوق 90 الف ريااااال !!
قررت اشتري فل كامل من قطر لاسباب كثيره جعلتني اختار قطر فقط!! ومنها :




1- السعر ممتاز مقارنه بالحرامي والنصاب عبداللطيف.
2-المواصفات هي الافضل بدول الخليج +الكويت.
3- قرب المسافه.
4- جميع مابداخل السياره وخارج السياره شد بلد (يعني من مصنع تويوتا)بدون اي تعديل بتاااتاً.
5-لا يوجد تعقيد بالشراء فالعمليه سهله جدااً وهذا مايعيب الكويتيه (لازم تكون كويتي).




---------------------------




التفاصيل: اتجهت لقطر ( 25-9-1434) ومن منفذ سلوى دخلت (ببطاقة الاحوال فقط) 90 كلم وانا بالدوحه والمعارض مباااااشره يمين ويسار يعني اول ماتدخل الدوحه اصفط يمين هذي المعارض وبس !! (يعني لو تحاول تضيع ماتقدر :SnipeR (51).
طبعاً معارضهم بسيطه وعلى قدهم وزبدت معارضهم الي تهتم بالهايلكس هي معرض ديار العز و معرض المشترك.




طريقة الشراء: اذا كانت السياره متوفره بالمعرض فقط ادفع فلوسك وطلب منهم يخلصون الاوراق وتستلمها بعد الظهر بالكثير والله يستر عليك اتجه لاهلك
اما اذا كانت السياره غير متوفره فيطلبونها لك وبعد يومين تستلمها .


طبعاً وانت طالع من المنفذ تدفع 210 ريال ويبدلون اللوحات لك وانت واقف 




ملاحظة : تقدر تشتري سيارتين فقط بالسنه لكل شخص




انصح الجميع يتصل بهم قبل يمشي افضل (الارقام بالاخير).




ملاحظة: اصرف فلوسك وحطها بجيبك كاش من السعوديه !!




الاسعار والمواصفات :




1- مكينه بحجم 2000 سعرها بالستينات ماركزت بالمواصفات




2- مكينه بحجم 2700 سعرها 73 الف سعودي وهذي نفس فئه سيارات ابوجميل قبل تركيب اكسسواراته الصينيه لكن مسجل القطريه اصلي من تويوتا وهذي الفئه تجي قزاز كهرب وبدون كشافات ولا ريموت ومراتب متصله وجنوط سوداء وهذي انصح بها من لا يهتم بالاكسسوارات ووجع الراس مثل كبار السن (اشتريت وحده)




3- مكينه بحجم 2700 سعرها 76 الف سعودي وهذي نص فل وممتازه وتفرق عن الفل كامل ان مراتبها مابينها درج بالوسط والجنوط سوداء وعيبها صدامها الخلفي نفس صدام 2006 فقط . طبعا هذي يجي فيها ايرباقين ومانع النغلاق للبريك ورموت اصلي بالمفتاح ودركسون رباعي مثل الكامري وكشافات اصليه تشتغل من عصى الانوار.




4- مكينه بحجم 2700 سعرها 79 الف سعودي وهذي فل كااااامل جنوط المنيوم وايرباقين ومانع النغلاق للبريك ورموت اصلي بالمفتاح ودركسون رباعي مثل الكامري ومراتب مفصولة ودرج بالوسط و كشافات اصليه تشتغل من عصى الانوار (اشتريت منها واحده )

طبعا انتهى الموضوع الثاني وبالختام يا إخواني الواحد قبل يحط مبلغ وقدره بشي معين لازم يفكر

ويدرس الموضوع من كل جوانبه مثل واحد يبي يشتري هايلوكس المفروض بعد هالموضوع يروح يشتري من قطر

لان الهايلوكس فيه تجي شد بلد بدون اضافات وكمان فرق بالسعر كبير وواضح مو زي سيارت عبداللطيف جميل للاسف مرهمة قطع صينية بمصنع الخمرة وسعرها غالي كمان


وأنصحكم بحملة خلوها تصدي عند عبداللطيف جميل و اشتر خليجي ياباني اصلي وريح بالك بحكم ان ٢٠١٤ بينزل الأسبوع الجاي او اللي بعده  


وفي ختام هالموضوع المنقول آمل منكم الدعاء لي ولوالدي وللمسلمين جميعا 

إبلاغ

الردود