رايكم كورولا 9 أو سيفيك 9

صراحة تعجبني السيفيك وخاصة جودة البدي والديكور تحس فيه حديد وفيها رساوة وامان بعد الله جرب قفل باب الكورولا وجرب باب السيفيك وتحس كمان ثقل بالدكسون يدل على رساوة وليس عيب 
لكن لاينسى انه يستخير وياخذ الشي النظيف 

السفيك افضل بس القطع اغلى اكيد

والله من تجربه للسيارتين، سيفك اجمل و ارسى و امتن وكمان داخليه حلوه
رايي السيفك بدون تفكير

كلام الاخوان معاهم بالزبط

والله وانا اخوك الكرولا مع واحد من اخوياي يمدحها موديلها 2010 ويقول موتر كفو وما يقول لا لو تروح به امريكا هههههههه

بالنسبه للسيفيك بالنسبه لي اجمل ومافيه مقارنه بس ماعرف عنها شيء والاخوان ما قصروا فادوك فيها 

بس ترا الكورولا مافيه abs لان اللي سقتها انا موديل 2010 مافيها عاد مدري عن الفل كامل 

السيفيك افضل 
لو مايجيك من الكرولا الا تفكك الصدام مع السرعه 

السيفك حلو صراحه .. بس قطعها نـار جداً 
الكورلا بعد حلوه .. قطعها ب رخص التراب !

لو قطعهم متساويه ببلا شك " سيفك "

غلا قطع الغــيار كان عيب ببعض الشركات ، الحين صار عيب بكل الشركات ،،

لذلك أنصحه بـــ"الســيفيــك" بعد الاستخارة ،،

وفقكم الله

 الي يقول دركسون الكورولا خفيف 

لانه من عام 2008 طارة الكورولا كهربائية 

البعض متيعرف شيء عن الطارة الكهربائية 
اذا كانت واقف تسير تحرك الدركسون مثل الموية خفيف جدا 

واذا مشيت فوق 120 يثقل .. وهذا يعطي السيارة رساوة على السرعات العالية 


وبكذا تتغلب على مشاكل علبة الدركسون وتهريب الزيوت وكذلك يعطي رساوة للسيارة 

وبسبب نجاحة في الكورولا نزل في ااكامري 2012 

وبعدها نزلته شركة هوندا اكورد 

المفحطين خلاص تركوا الكامري والاكورد .. ونادرا يستخدمونها .. واتجهوا للكابريس والسوناتا والاكورد ااشكل ااقديم والاكامري الشكل القديم 

كورولا افضل انتشار وتكد وقطعها رخيصه وتمسك سعرها ... وشكل الكورولا افضل

مشكورين اخواني ماقصرتوا لحد الآن أنا أميل للسيفيك لولا قصة قطع الغيار لكن خويي يقول لي السيفيك ماتطلب قطع الا لو تعرضت لحادث لاسمح الله وفي جميع الحالات القطع الاستهلاكيه صارت قريبه من بعضها حتى الي يقول تويوتا قطعها رخيصة وتحصلها في البقالة ومن هذا الكلام صار يتفاجأ بألاسعار الكاويه من الوكيل وغيره .. اسمع منكم وربنا يجيب الخير

طبعاً ابغاها استخدام وراحه ماني تاجر ولا شريطي ولله الحمد

سيفيك وبسسسسسسسسسسسسسس 

حمار افضل منه كلها