تنصحوني باكسنت اما يارس

الأرخص في قطع الغيار و الصيانه الاكسنت

خذ لك اكسنت فل كامل ب ٥١ .. الياريس فل كامل ب ٥٧ 

الاكسنت مكينه ١٦٠٠ شاشه و كاميرا خلفيه و بلوتوث و جنوط ١٦ تعطي منظر و فتحه
قير توبترنك 
الياريس الفل جنوط و قير اوتوماتيك و الظاهر فيها سيدي بس

على فكره عندي اكسنت مسوي لها صيانة ١٥٠٠٠ بالوكالة ب ٩٠ ريال 

و شف الياريس بكم يسوون لك هالصيانه شركة تويوتا 

الاكسنت افضل
يارجال داخلية اليارس كريهه

ما انصحك بالاكسنت
الاكسنت عزلها مره تعبان و صوت الكفر و الخط مره مزعج
لو تمشي بها ٢٠ كأنها ماشي ٨٠ صوتها الهواء مره مزعج

انصحك باليارس يكفي انها يابانيه ميه بالميه

اكسنت ولا تشااااااووور

يارس انت شوف ديكورها طبلون في النص في نص الجبها خخخخخخخخخخخخخخخخخخخخخخخخخخخخخخخخخخ

انصحك باليارس الاكسنت ماكينتها تخبط واليارس امان اكثر من الاكسنت يكفيك فيها ارباقين و ABS

اكسنت 2014 ولاتسال احد وانت مغمض واسال مجرب اليارس والاكسنت

اي سوال انا حاضر

هونداي اكسنت 
انا معي انترا ٢٠١١ فل  وحبيت اغير بعض القطع شريت من الناغي قبل اسبوع فلاتر زيوت مكينه وقير وطقم اقمشه للكفرات الاربع وفحمات 
ب ٢٦٠ ريال 
اما بالنسبه 
لليارس ما تسوى خصوصا ان مكيفها في الظهر ما يبرد وانت تعرف جونا 
واذا سويت حادث بيسط بها مستحيل ترجع زي اول 

اكسنت 2014 فل كامل أنصحك 

تايوتا انتهت 


نصيحه اكسنت فل كامل

اكسنت ولا تشاور 
عن تجربه شخصيه 
خصوصا اذا اخذت فُل 
بتدلعك بالمواصفات والاكسسوارات 

صح ترى الاكسنت مكينتها تخبط لكن الياريس لو تمشي بها مليون و ما تغير زيت ما تخبط !!

الاكسنت اللي عندي أروح بها للخرج يوميا علشان الدوام و العزل مقارنه بمثيلاتها مثل الصني او الافيو او الكروز يعتبر حلو

و شي طبيعي السياره الصغيرة مايكون عزلها خرافي مثل البانوراما مثلا 

الاكسنت اللي معاي فيها ESP و abs و كلها أنظمة حمايه 

الياريس ترى مو ياباني .. أسترالي مثلها مثل الكورلا و الكامري و الاوريون 

الهايلوكس تايلندي و الفورتشنر تايلندي برضو و الراف فور كذلك 

الله يجزاكم خير

السلام عليكم يا الربع ... بالنسبة لموضوعك اخوي انا اقترح عليك الاكسنت اولا شكل افضل من اليارس ولا فيه مقارنة وداخلي حلووو مرة مقارنة باليارس وثانيا حتى قيادة افضل من اليارس انا مجرب الثنتين , وبالنسبة للي يقولون ان الاكسنت مكينتها تخبط وكذا اقول مع احترامي انت جاهل في المواتر لان مافيه موتر يخبط من هنا والطريق اكيد انك مسوي به بلا انا واحد من اخوياي كان معه اكسنت 2005 الشكل القديم مشت معه 300 وشوي وباعها ب ب 12 ونص وين التخبيط ولا تقول لي الجديدة عيال خالتي الصغار كلهم معهم وتمشي زي الحلاوة ... اسف على الاطالة تقبلوا مروري وشكرا

السيارة اصلن مافيها الا قير ومكينة بتحافظ عليها بتمشي مافيه حساسات كثيرة والاكسنت ممتازه والجديدة بصراحة قيادتها جميلة

لو مافي الاكسنت خير مالقيتها ماليه محلات الاجار

اكسنت ارخص قطع من الحرامي ابو جميل ابو الاحتكار والنصب