هل هذا منطقي اسعار خرافية في الموقع ؟؟؟؟

ناس تحلم وانا اخوك واتوقع يمكن يجيه واحد مصفوق ويفرق السومه وياخذه ههههههههههه بصراحه اغلب الاسعار مبالغين فيها كثير غير اذا نزل سيارته الساحه وماجبت قيمه طيبه بالحيل نزل اعلان هنا وقال مسيومه عن السعر الي يبيه فرق 3000الالف 

في سياره مابي اذكر اسمها  شايفه بالساحه وحافظ رقم لوحته وانسامت 13 الف ويبي الي يفرق السوم بالساحه وماحد فرق ونزل اعلان هنا قال مسيومه 16 الف هههههههههه تخيلو ناس عجب 

اخوي اشتر  جي اكس ار با 90 الف . ماشي 90 الف بس 

قبل امس كنت بمعارض النسيم اتطقس 
ما اعرف ولا ادل زين بالمعارض حصلت بالشارع الداخلي سيارات مستعمله وجديد
شف كذا vxr او gxr ما دققت موديلات 2005 و 2006 محطوط ورقه موضحه الممشى فوق الميتين محدود ب 126 !!
انلحس مخي معقوله هالاسعار 
قسم الله واجتمع مع واحد له ببيع السيارات والشراء البارح وقلت له السالفه
قال طبيعي والموديلات هذي لها سوقها
قلت له لاقينا انت احد يترك الجديد ويشتري القديم باسعار اغلى وزبد لي الاخ ..ماعلينا الشاهد هم ماحطوا هالاسعار الا لاقين كمخ يشترون
فلا تشره على صاحبك ذا يشوف اللي حوله وبني آدم طماع وحلاله غالي عنده 
رزق الهبل على المجانين ههههههههه وربي الرازق المدبر لكل شي

:|
2003 ب 110الف و كمان الحد قريب ..??
يخي شي يرفع الضغط والله العظيم سيارتي كامري 2008  والله اليوم لقيتها
ماشيه100الف توها تدخل بالمسافه هذي و قبل اسبوعين نزلتها المعارض
احلى سعر جاني 36الف علما باني مطلعها وكاله على يدي
و كنسلت من التحطيم
هذي و هي موديل حديث شوي
2003ب 110 شكل راعي الاعلان متحمس بفكرة ارتفاع اسعار تويوتا
بكل امانه موقع حراج مثل الحديقه تتكي فيها و تمشي .. للفرجه بس لا اكثر
ي يجيك اللي يبخس سلعتك و يقول فتح باب ولا يجيك اللي يصير السعر
و يشرد ولا نلقاه

نزلت اعلان بخصوص جنوط و قلت انسامت ب2000ريال واللي عنده زود
الله يحيه
جاني واحد ما اقول غير حسبي الله ونعم الوكيل قالي تبيع ب 200
علما بان الجنوط امريكيه و الكفرات جديده و مكلفتني اكثر من 5000ريال

يمكن طلعت برا الموضوع
لكن جد ي يجيك راعي الاعلان متحمس لمبلغ ولا في الخيال
او يجيك رد يدمور اعلانك و يدمر تعبك و يبخس بالسلعه حقتك
او يجيك رد يرفع السعر للسما و لا تلقاله خبر
بس مثل ما يقولون " قوم ضحكة من جهلها امم "

يصير .. عفوا .. اقصد يطير***

لايك للجميع مع تحياتي

http://adf.ly/1390246/-

لا وواحد كاتب بالردود اللوحة تسوى 20.000 الف 
والله مضيعين خلوها تصدي

الاسعار في الموقع مثل الهواشات فيه
كلها من ورا الشاشة
على الواقع وجها" لوجه
يختلف الوضع كليا"

وين غالي اعرف واحد اشترى 2003 نفس موصفات فل كامل قير عادي خلفيه لكزس مخزن ماشي 60 الف  شاريه  105

هو ماحط هذا السعر ألا من اللي شافه وسمعه من الشريطيية ،،،،

البلاء كله هالشريطية يشترون بالرخيص من المساكين ويرفعون على المسلمين 

اللي صار بالعقار صاير بالسيارات نفس الشيييييييي

ياسبحان الله أشتروا الجيوب وقتها ٢٠٠٣ ب ٨٠ و ٩٠ ألف جديدة أصفار

الحين يبعونها على خلق الله فوق ال١٠٠ ألف ماشي فوق ال٢٥٠ ألف 

وين المشكلة (( المشكلة والله من هالعقول ماصارت تميزززز الصح والخطأ ))