ياهل الخبره كم باقي على الهلي 2014

معندى خبره بس احتمال يغير االخط وينزله السوق عادت ابو جميل وتعال شوف الشعب مسوين زحمه  وكل السالفه خط  وصدامات ؟

الله يسامحكم ليش الدسلايك انا رجال وحبيت استفسر وبس قلت اللي يعرف اتمنى يفيديني واللي مايعرف يشرفني مرورة العطر

عاشق البلجيك الله يجزاك الف خير ان شاء الله والله يعيننا على ابو جميل 

اكبر نكته بالحياه الهايلكسات
يغيرون الخط ويقولون الموديل الجديد

وش الي اكبر نكتة!!!

يالربع بالعقل انا ادري ابو جميل اكلنا وغير هذا الكلام....بس بالعقل تبون كل موديل يختلف عن الي قبله تماما!!!....وش المطلوب بالضبط!!!....انا من وجهت نظري اشوف الهيلكسات بالذااات هي الي تقدر تعرف كم موديلها من اول نظرة....وهذي ميزة تحسب للهايلكس ولا ابو جميل...خاصه ان الي يشوف خطوط الهايلكسات الخليجية ...وراد قطر والكويت وغيرها في الاغلب خطوطها قبييحه.

وبالنسبة لموعد نزوله اتوقع الاسبوعين القادمه....كالعادة.

يارع الاعلان ترا ماعطيتك دس لايك للمعلوميه

اللي يقهرني اللي يغير السيارة بكبرها كل سنه ويزود
30 الف عشان خط تغير

ياخي غير الخط ولا احد يشوف الاستمارة وكلها 850 ريال وسيارة المقاولات قصدي الهايلوكس صارت اخر موديل :)

ايش راح يكون الجديد فيها يعني 
يركبون تبريد مقاعد و شاشة وكالة مو صينية مثلا
يغيرون في شكل البدي ويخلونه شوي شبابي ويغيرون في الديكور الداخلي يعني يغيرون محل ازرار التحكم بس 
ونزل بالسوق ب 70 و80 الف 
وعلى قولة الاخوان يركب لك خط جديد 

بالكثير شهرين وعلى حسب علمي ان الشكل متغير جذرياً

يارجل نزلت في جدة وتراء ضاحكين على الشعب شطرطون بايخ بقوه وغبيه ومافي شئ تغير زي ماهوو عليه الى شئ مغيرينهاا اشطرطون ولا شريحه لمبه نهاري زي الي تجي في الجيوب الربع كبسوله الغبيه فقط

آخر سيارة في العالم أفكر اشتريها
و أنا أشوف الديماكس و النافارا و الفورد 150 و الجمس 2500

انا باسئلك سؤال 
انت بتشتري سياره 2014 بس يعشان الموديل جديد وتقول للناس انا معاي 2014
والا بتشتري سياره وتعرف مواصفاتها وعيوبها وميزاتها
واترك لك الجواب

ياعاشق البلجيك ونخوك انا ماتكلم عنك اتكلم عن بعض الناس ولاانت رجال ولاعليك كلام

لاوالله ونخوك اني بس ابي اعرف مواصفتها وعيوبهاا وميزاتها وصراحة احس اني متحمس للهلي 2014

بصراحه اشكر كل من تفاعل مع الموضوع واشكركم واحد واحد من اول رد الى اخر رد انشهد انكم رجال والنعم فيكم 

مشكورين.....

واللي عنده معلومات اكثر اتمنى انه يفيدنا الله يجزاك خير ....

يالغالي فكر بعقلانية.. هل أنت محتاج هايلكس؟ هل أنت راعي تحميل ونقل؟
إذا بس شاريها عشانها معجبتك أو السيارة مشتهرة بمنطقتك مثل القصيم وحائل فحرام والله تحط في سيارة مثلها 80 ألف

فكر بسيارة تخدمك وتريحك واحذر من الطفات والنزوات! فكر بعقلانية والله يوفقك.

اي والله تبي الصراحه اني راعي تحميل ونقل وانا بصراحه الهلي لها محبة خاصه في قلبي "يالبى الهلي "