كيف اعرف ان المكينه تالفه ؟

اخوي شوف بي ما ان سياارت حقت مزادت   واقفه وماهي شغاله 

 وتبي تعرف نظافه مكينه اولن شوف افتح غطاء رديتر اذا شفت صدا اعرف ان سيارات فيها احتكاك كثير 

 شوف عيار زيت  ناقص ولا اسود ولا مخلوط بماء    افتح غطاء الزيت الي براس مكينه شوف   اذا زيت يتبخر ولالا 

 طبعن متى تعرف تبخر زيت اذا سياره شغاله 

 واكيد فحص وسياره واقفه ماهو شرط  لزم فحص يكون متقدم زي ماتكون سياره شغاله تشوف كيف مكينه هاديه تروح للعادم شكمان  تشوف  فيه كربون او دخان ابيض 

 وسياره غير شغاله صعبه تفحصها يعني ممكن تفحصها بنسبه 30 بميه  لزم تكون سياره شغاله ولزم كمبيوتر يقيس نسبه بساتم 

الله يجزاك خير ,,,, 
متابع ,,, 
اهم شي انا ابي اعرف الماكينه فقط هل هي تالفه او لا .؟ 

والله يالغالي انت وحظك

المزاد والله البيع يعتبر غش
شلون يبيعون سياره ما تشتغل
يعني وش بيصير لو الزبون شغل السياره وفحصها

فيه دلائل ان المكينه مبوشه او تالفه اذا سحبت عيار الزيت ووجدته اسود او قريب للسواد واذا كان بني غامق او مخلوط بماء لكن خذها نصيحه مابيعت كذا الا ان فيها بلا وبعضهم يشوف قاعده الرديتر اذا مصديه يعني معدم المكينه

ولك لايك

شغل السياره وأفتح غطاء الزيت إذا شفت أنه فيه زي التبخير ولا الدخان يطلع شوي شوي من الغطاء معناها أن الماكينه على وشك تتوضب أو أنها رايحه فيها 

ياشباب المواتر مقدر اشغلها للي يقول شغل وافتح غطا 
لاكن ربك يعين 

@@@@@@@@@@@

يالطيب ..
وش تبي بالمواتر إلي ما تقدر تشغلها ..
السوق مليان مواتر تقدر تشغلها و تسوقها و تفحصها ..
وش تبي أكثر من كذا ..
لا تبيع فلوسك وأنا أخوك.. وخلك فطن ,,

اذا كانت المكينه طافيه زي اللي في مازادات البلدية او المرور

الطريقه والله اعلم :

اعيار الزيت - اذا كان الزيت عسلي وماله ريحه كربون ولا هو ناقص هذي ممتازه
اما اذا كان اسوووود وريحت كربون وناقص هذي امبوشه 
واذا كان اللون حليبي هذي مخبطه 

الماء - اذا كان الماء صافي او مافيه صدا هذي جيده
اما اذا كان فيه زيت او بقع هذا الراس او الوجيه رايحه
اما اذا كان فيه صدا فهذي الرديتر رايح وقد يكون مصدي بالمكينه من جوا 

انتبه/
فيه بعض السيارات مشلحه يعني تلقى ناقص شي من اغراض المكيف او المكينه او الطبلون او اي شي
ايضا اسلاك الضفيره انتبه لها

اذا شريتها ودها مكانيكي وغير كل القطع الاستهلاكيه زيوت وفلاتر وكفرات
ونضف الرديتر اذا ماغيرته

وبالتوفيق...

يابوصنهات
احسن شي تسويه هو انك تدور المكينه عن طريق مكره عمود الكرنك الاماميه واذا دارت المكينه بسهوله يعني المكينه رح تشتغل ان شاء الله
والي بعد ذالك يهون اذا كان كهرب او وقود..
ملاحظ
يتم تدوير المحرك والقير على الفاضي 

ياخوك اذا كان الفرق بسيط عن سعر السوق...عليك بالسوق..اما اذا فرق يستاهل الله يعينك انت وحظك

الله يجزاكم خير ,, جميعاَ كفيتو ووفيتي وافين ,