ماهو الأفضل بين سكويا أو ويوكن أو تاهو.

انصحك بالسكويا

مكينته كبيره و 8 سلندر

والكل يخاف منه بالطريق يعني محد يغلط عليك

شكله من الخارج شوي قبيح لكن وسيع و كبير جدا

والله يوفقك

من واقع تجربة يالغالي إذا ترغب بسيارة عائلية قوية وأيضاً 8 سلندر فأنصحك باليوكن! رساوة في الخطوط من أفضل ما يكون والعزل ممتاز ولو تشغل المسجل ما تسمع شيء أبد! وأيضاً بحدود 170 ألف.

الله أني افكر في اليوكن بس ما يمدحونه في البر و مشاكله كثير حسب ما سمعت 
مع انه عندي حاليا يوكن ٢٠٠٥و ممتاز 

والله يالو خالد صدقت في مسأله قبح الشكل مرة مو زي اللاندكروزر

معي يوكن إكس إل دينالي الطويل! أدخل فيه بالبر من أحسن ما يكون، والله إني أمر حنب الجيب مغرزة والجمس يمشي.. أهم شيء خذ لك دبل وتوكل على الله.. تحمل وقوة ما شاء الله.

شوف جيب بتروال ممتاز 

يكفيك سكويا محركها الي قوته 381حصان واكبر من الكروزر واوسع لكن ثقيل شوي وقبيح

ركبته والله انه مريح جدا

الاند كروزر 6سلندر مانصحك فيه ماتحس بهيبته الا اذا اخذت 8سلندر

تخيل شاري سوبر بان 6سلندر ماتجي فهمت هذا قصدي

اذا تبي خطوط وفخامة وتقنيات خذ سكويا اذا تبيه للبر وتطعيس خذ gx

السلام عليكم
خذلك سكويا افضل 
وسيعه ومريحه وقويه
ومن ناحية الشكل من الامام ممتاز اما المشكله من شكلها من الخلف قبيح شوي
وانصحك نصيحه في السكويا
ترا السكويا فيها مواصفات ميهب في جيب لكزز ولا الفكسار ولا الدنالي

الاند كروزر 6سرندل ضعععيف مررره وعزمه بايخ 

سكويا افضل بألف مرة مع اني ما اعجبني شكله

سلملي على الرابتر وسييرا hd والباترول ابو400 وحش
انصحك بواحد من هالسيارات 

خياراتك المطروحه يتفوق فيها السيكويا 
لعدة اسباب :
-اقوى مكينة - مهمه لصرفية الوقود وراحة المكينه في السفر والخطوط الطويله -
-مرررريح جدا في الخطوط - لانه نفس طريقة وتصميم اليوكن والتاهو -
-الرساوة من احسن مايكون 
-وسيع جدا 
-مانع انزلاق ، مانع انغلاق ، وسائد هوائيه ، 

السلبيات من وجهة نظري وكل ووجهة نظره :
-الشكل ليس بالجميل - مسألة اذواق -
-كبير الحجم - متعب عن المواقف والزحمات -
- الداخليه ليست بالشكل الأخآذ والجميل عاديه نسبيا - مسألة اذواق -
وفقك الله 
ورزقك السيارة المناسبة ..
ماكان من صواب فمن الله وما كان من خطأ فمن نفسي والشيطان ..

أنصحك بالسكويا تسد المكينه وموتر واسع ماشاء الله ومريح ولك وللمستقبل مابتحتاي تأخذ موتر اكبر عقب ان شاء الله وخذ بدبل وحتى اذا ماتحتاجه اذا يا الشتا والعرب كلهم ف البر قلبك بيعورك

اشكر الجميع على التفاعل وجزاكم الله كل خير

يا عزيزي
المسأله اذواق مع احترامي لجميع الاخوه
والصراحه السيكويا بكل اختصار تغلب على الجميع في كلش والدليل ان تسويقه بدا يزداد كثيرا وبدأت الناس تقتنع فيه وتشتريه بكثره
والدليل الاخرشف ورش الصيانه في جميع الوكالات كم نسبه المشاكل فيها والاعطال نادرا ماتجد في السيكويا مشاكل واعطال
والدليل الاخر التجارب الفنيه والعمليه التي اجراها ((حسن كتبي بين اليوكن+الارمادا+الاكسبدشن+السيكويا))) وقد اخذ المركز الاول
السيكويا وبامكانك مشاهدة ذالك في اليوتيوب 
                                                                              
                                                                                             ولكم شكري......................

السكويا  نص فل فتحه ودبل ب 150 الف 5.7 381 حصان 

واليوكن xl اضن قبل كم شهر ب 166 الف 5.3 310 حصان 

انا اأيد السكويا يمسك قيمه وقطع متوفرة وتركيب القطع سهل وقير ارضي 

انا اقول رقم 1 السكويا و رقم 2 اﻻكسبدشن ورقم 3 اليكون