كم مدة تمرين السياره

الف مبروك الله يعطيك خيرها ويكفيك شرها يارب
بالنسبه للتمرين امش عادي بسرعات متفاوته ولاتمشي بسرعه وحده يعني استخدام عادي وفلها ياشنب

واذا منت مطمن اقرا الكتلوج في صفحه اسمها (تليين المحرك) كل شي موجود بالضبط .

الله يعطيك خيرها ويكفيك شرها ويبارك لك فيها ويجعلها ما تخرب عليك..ويجعلك ما تعرف الصناعية ولا الوكالة
ويجعلها تكرف معك لمدة 15 سنة وبعدين عايدي تخبط..!!

اسمعني طال عمرك...
ترى عايدي لو تمشي 260 خذ راحتك..بس أهم شيء لا تضغط لها من الصفر وما ترفع رجلك إلا إذا صك العداد 260..!!
كذا خطأ..يعني بالعربي الفصيح (لا للفجائي)<<فهمت المقصد..
وإذا بتسمع شوري..حاول تفضي نفسك يوم ولا يومين..وامسك عليها خط طويل..وامش بالتدريج..لين تفصل..
وخلك ماشي..يعني لا تنتظر إذا فصلت..بعدين ترفع رجلك من البنزين..وتمشي 140 ولا 160..لالالالالالا خلك مثل ما يقولون
(على الفصلة)لمسافة طويلة..وارجع لديرتك نفس الطريقة..

هذي الحركة تخلي موترك يطلع أفالون ss cr8  
وأنا مجربها منذ مبطي على كامري2011..لكن للأمانة..موتري نقص زيت..وما أدري هو بسبب طريقة التمرين ولا هو عيب في
الكامري..وأظن إنه عيب..لأن أغلب أصحاب الكوامري عندهم نفس المشكلة

موفق يالحبيب

خذ هذا الرابط وادعيلي http://www.koreanbeast.com/koreanbeast31404

نسأل الله ان يباركلك فيما رزقك وان يجعله مركب خير .

والله للمرسيدس ١٥٠٠٠ الف ماتدعس ولا تحط القير سبورة ولا تبترونك عادي بس من اول يوم تشغل المكيف بس احسها واجد وهذا كلام المهندس في الجفالي 

الف الف مبروك لك .. طبعا مدة التمرين 1000 كيلو بدون مكيف والسرعة اقصاها 80 لاتزيد

كوووووووليش كوووووووليش الف الف مبروك ولك زغروطة نقلبها حفلة......

 الف الف مبروك يايحي الله يطعمك خيرها ويكفيك شرها الف الف الف الف 

مبروك 

ونصيحة مروان ممتازة ولايهنون الاخوان ماقصروو .....

جنرال 2012
لك لايك :)

ألف كيلو فقط

ماتشغل المكيف إلا ع درجة الواحد
وماتتعدى 80 أبد

مبروك والله يايحيى الله يعطيك خيرها ويكفيك شرها

والله عني انا ماعديت ال80 والا شغلت المكيف الى1000كلم

بس ترا عذاب مع الحر ذا تكره السياره

ماراح اكثر كلام .. مرن السياره لحد سرعة 120 ل 1000 كيلو بعدها اسدح طبلونها لو تبي مجرد نصيحه من مجرب

الف شكر للجميع اللي ردوا  
واسأل الله ان يرزقنا الجنه جميعا 

بس وربي مرتاح معها احس معد ابقى انزل منها 

انا طلعت سيارتي وكالة ومشيت فيها عادي جدا

ودعست فيها الى 140 ومكيف شغال

اتركوا الحرص الزايد

سئلت شخصعلى قناته فاليوتويب اسمه ( سكوتي كيلمر ) امريكي متخصص فصيانة السيارات بشكل عام وكان جوابه كالتالي (( it's a good ideal to break em in that way ))

الاحسن ما تتعدى 100 كم في الالف كيلو متر الالى بس مشي 

تبي نصيحتي أول ما تطلع من الوكاله أمس طيبون السياره وصدقني راح يجيها عزم مجنون اسأل مجرب وخلك من الحرص الزائد 

امسح الطبلون عفوا