من له خبرة بالتأجير المنتهي بالتمليك من الراجحي

صح كلامه الله يعيننا علي الشركات ونصبهم

تامين الراجحي من عندهم المسمى بتكافل الراجحي

ولقدر الله تلفت سيارتك يعوضونك بسياره بديله
او المبلغ كامل مع الدفعات

طيب مافهمت اخوي الي معرفك كباب 998
اش المقصود من المبلغ كامل مع الدفعات

أنا موظف سابق ببنك الراجحي نظاك التأجير المنتهي بالتمليك ،


بالنسبة لشركة التأمين هي شركة (الراجحي للتأمين) ، وهو تأمين يشمل السرقة والحريق - لا قدر الله - ، سواء دفعت دفعة أولى أو لم تدفع ما تفرق ، بالعكس لو تدفع دفعة أولى أفضل لك بكثير ، ( لأن الدفعة الأولى لا تدخل ضمن التمويل وفوائده) ، وإذا رغبت بإرجاع السيارة، يقيمون السيارة حسب حالتها ونظافتها وممشاها واستهلاكها، ويطلبون منك دفع مبلغ بناءا على ذلك، وإذا لم تدفع ماراح ينزل اسمك من (سمه) ،،

في كل الحالات هم المستفيدين ، والنظام معهم ، وكذا ولا كذا راح تدفع لهم اللي يبونه إتقاء شرهـم ،

وبالله التوفيق

نظاك >>> نظام :)

التاجير المنتهي بالتمليك ظلم + نصب والمشكله الي يستاجر عارف لكن مجبور .

اولا اذا حصل شي في السياره ومالك يد فيه .... الدفعه الاولى من حقك + انسى يرجعونها لك كامله عادي يرجعون نصها يعني 

ثانيا لو تستاجرها 4 سنوات وباقي كم شهر وتتملك السياره , وحصل حادث والخطأ مو عليك وش تتوقع يصير ؟

بيقولون مسكين دافع 4 سنوات ؟ لا ..... 

اولا نقول السياره سجلوها تالف وهي موب تالف اصلا و 20 الف ترجعها وكاله .. سجلوها تالف وطلع لهم مبلغ تعويض من التامين 50 الف او 60 الف مثلا 

الى الحين هم الكسبانين .... يعني مبلغ التعويض + الاقساط الي كنت تدفعها كل هالسنوات + الدفعه الاولى 

بس مايكفيهم هالشي .. بيقولون انت دافع مثلا اقساط 70 وجانا من التأمين 50 الف هذي 120 الف+ مبلغ الدفعه ومثلا 15 الف = 135 الف ريال 

يروحون بعد هذا كله وفوق انك المتخسر والمتضرر .. يحسبون الفرق بين مبلغ التامين ومبلغ السياره الاصلي مع الفوائد ونقول مثلا انت مطلعها بـ 165

يقولون لك ياطويل العمر جيب 30 الف فرق السعر ونقفل العقد

يعني بدل ما انت جاي تطالب هم بالدفعه .. او على الاقل سياره بديله ... او مبلغ تعويضي لانك خسرت فلوسك وسيارتك الي كم سنه تدفع فيها

 

والغريب والي مافهمته 

طيب عندكم مبلغ تعويض من التامين ... والمبلغ مصروف لسيارتي 

صلحوا سيارتي ورجعوها لي 

تاخذون المبلغ والسياره وازيد ادفع لكم بعد ؟؟؟

والله نصب واحتيال حسبنا الله عليهم

ابتعد عن الايجار المنتهي بالتمليك وشوف حكمه الشرعي .. هذا اولا

وثانيا السياره ملك للبنك وليست ملكك ولا تقدر تسوي شي بالسياره الا بالرجوع لمالك السياره وهو البنك