أبغا سيارة بحدود الخمس الالف

شف لك تيرسل كورلا لانسر تصل بالخمسه

تحصل @@تعديل@@@@@

والله ي أخوي ماحصلت في الموقع وانا صراحة مالي خبرة بالاسعار فلو تعرف واحد أكون لك من الشاكرين

بهذا السعر ممكن تﻻقي في المعارض

أما حراج اﻷسعر غالية

وكثير من المعلنين ما هو مستعجل على البيع

قبل كم يوم محصل في حراج النسيم 
اكسنت 2004
البدي لك عليه والداخلي كذلك ويقول مكينه وقير على الشرط
سيمت ب3500

رح للمعارض بالذات الحراج وان شاء الله تحصل بسعرك
 والله يرزقنا وياك بالكسب الحلال

تحصل اخوي اكسنت 2014 فل كامل فتح وجنط وكلها اتوماتيك ومكينة 1.4 بــ 49الف

في سيارات صينية اسمة تشيري اكتب بالبحث حق قوقل وان شاء الله تحصل

شكرا ي شباب بس ي omom1  أنا أقصد خمسة مو خمسين 

كلكم لايك

انزل الســــوق وتخـــــير ،، أفضل حل لان الحالـــة للسيارة لازمها عيووون.. بالتوفيق

تيرسل حلوه و سعرها بذي الحدود .

شف لك افيو2004 

شكرا والله ماقصرتوا كفيتوا ووفيتوا

عزيزي نصيحه لوجه الله
قالوا الى قبلنا الرخيص مخيس
صدقني بتحصل ب5الاف لاكن كل اسبوع بتعطل فيك وبتصرف عليها وتعب وهم
حاول قد ماتقدر تزيدها الى ال12 بتحصل كورولات 99 و2000 نظاف تتحمل كرف وتمسك سعرها لو تتسلف


موفق

شكرا اخوي والله ماقصرت

اول شي اقول لك الله يوفقك وتلقى سيارة تناسبك وتقضي اغراضك فيها
انا كان معي سيارة اكسنت 2003 شريتها ب 4000 الاف وسويت فيها شغلات بحدود 2000 ريال واشتغلت معي سنتين من احسن مايكون وما شفت منها شي يذكر غير القطع الاستهلاكية طول السنتين وكل اسبوعين او ثلاثة اطلع فيها من الرياض الى الدمام وبعد كل هذا الكلام بعتها وجابت 5500 وانا جالس بمحلي
اهم شي انك ما تاخذ سيارة غريبة او ما عندها قطع بالسوق والتشاليح لانك بتشتري مستعملة وماتدري عن حالته خصوصا بهذا السعر
انا انصحك تاخذ اكسنت وتحصل من 3000 وانت طالع
وميزتها ان قطعها رخيصة جدا واي مكانيكي يعرف لها
والله يوفقك ان شاء الله