ماالذي يمنع صناعة سيارة لاتحتاج لاصلاحات كثيرة وهل يوجد منها

حصل خير ان شاء الله

حصل خير ان شاء الله

الا يقدرون يصنعون ،،كل شي متوفر عندهم
بس زمان كان فيه تنافس بين الشركات 
جوده في الصناعه والكل يبغي يرضي العميل والسيارات ماتخرب
يعني غلطو يوم صنعوها..
لكن ذحين صارو يفكرون يصنعون سيارات من خامه رديئه ولاتكلف شي
وخراباتها كثيره ومعقده وستهلاكيه ،،يبغون قطع الغيار تمشي ومكاسبهم تزيد
بس اللي عنده شي من السيارات القديمه يحافظ عليها ..

ومين قلك انهم مايقدروا >> قصدك مابيغـــــوا

والدليل موديلات 80 الي 93 ، وبعدها دخلنا بعصــــر السرعة واخراج الفلوس من جيك وانت مبسوط تويوتا تمسك سعرها هههههه ،
وجات الكامري وانت ماشي ....
من البلاستيك الرخيص والقطع الي تتلف بسرعة

واذا تقصد بالغلطة لتويوتا بالمدح هي الكرسيدا لان الصيانة وقتها عليها عنكبوت ،
اما اذا بالغلطة ذم لهم في مو بالكوريلا الي مستمر خط انتاجها من 20 سنة عمرها ما كانت غلط الا ع الثلاث أو الاربع الموديلات الاخيرة والسبب تعرفوه $$ .

غلطت تويوتا الشجع وووو كل الكلام الي تحب تسمعة ع النصاب الكبير ،

والسعودي الدفيييييع الي ما يطالب بمواصفات الصح مثل الاسواق الخارجية ...

يقدروا

لكن ما يبغوا

أرباح وكاﻻت السيارات كبيرة جدا من الصيانة وقطع الغيار

السيارة النظيفة كل سنة تاخذ 2000 إلى 3000 ريال صيانة عامة

وبعد 150 ألف كيلو تاخذ من 5000 إلى 6000 ريال صيانة سنويا

نعم عزيز انا اقصد غلطة ( بما معناه سيارة ممتازة ) وندموا على صناعتها

بالعكس يقدرون يصنعون سيارات ماتحتاج قطع غيار ولا يكون فيه شي اسمه قطع إستهلاكيه , بس في هالحاله ماراح يكسبون شي ولعلمك ترا معظم ارباح هالشركات عن طريق قطع الغيار

حسن كتبي يقول ان شركات السيارات متعمدة يكون فيه تآكل واحتكاك المحرك بمعدل 2% مع انهم يقدرون يخلونه 0% لكن عشان يحطون عمر معين للمحرك بحيث ما يعيش كثير لانهم ماراح ياكلون عيش من ورا قطع الغيار والصيانه والله المستعان

لو السياره عمرها طويل جدا جدا جدا

كان تقل أرباح مصانع و وكالات السيارات ... لأن :

1) راح يقل شراء السيارات الجديده .. لو كان المستعمل عمره طويل جدا جدا جدا .
2) قلة شراء قطع الغيار

مصانع و وكالات السيارات يهتمون بمصالحهم ( بيع أكبر قدر ممكن من السيارات + بيع أكبر قدر ممكن من قطع الغيار + صيانه الوكاله ) ... ولا تهمهم مصالح المستهلكين

اللي أعرفه أن الناس يسمون الكراسيدا ( غلطة اليابان ) قبل تنزل الكامري .. وتنقطع الكراسيدا

نعم غلطة اليابان

الكرولا سياره ما تعرف التعب ولا تعرف الورش وانا عندي كرولا بكس 2006

اخذها على يدي وكاله

^
ترى ما عندي كراسيدا ولا عمري حتى سقتها .. يعني لا تحسبوني أمدحها أو أذمها

هذا كلام الناس أن الكراسيدا غلطة اليابان ... يقولون أنها تتحمل وإعتماديه ولا تحتاج قطع غيار مثل الكامري

أكيد الكرسيدا غلطة الى الان لازلت ارى كرسيدات موديل ٧٠ وتمشي مثل الحلاوة عاد احسب من عام ٧٠ وحتى ٢٠١٣ كم سنة وهي لازالت تقول وين المعرس يركب بس :) عموما سيارات الوقت هذا أصبحت كرتون خضار 

1- مافي شي كامل وهذا معروف.

2- بخصوص للي يقول انهم يقدرون يصنعون سيارات ما تخرب وان السيارات القديمه افضل من الجديده بالجوده الخ سؤال يطرح نفسه هل كان في السيارات القديمه تكنلوجيا اليوم طبعا لا لان سابقا كفر قير مكينه دريكسون هيكل وانتهاء الكلام ولا تحصل مشاكل ابد لاكن الان كل شبر في السياره مدروس لها وشي طبيعي تحصل اخطاء تكنلوجيا اليوم كثيره وتطلب الاصلاحات دايم.

معليش بخصوص الي يقول سيارات اليوم كررررررررررررررتون لو تلاحظون ان اي حادث يصير السياره تنعدم ويقاء فقط قمرة القياده سليمه والسبب في هذا هو تخفيف الضربه على الشخص واحنا في عصر كله تامينات يعني لو تتعفط سيارات عندك تامينات عكس الحديد مثل السيارات القديمه صدقوني لو يصير عليك حادث فيها السياره مراح تتضرر بالشكل الكبير لانها حديد قوي لاكن الانسان الي جو السياره راح يتضرر اكثر واكثر واكثر يعني لو صدمت شخص من وراء بسرعه قويه يمكن الرجل يموت ويطلع من الزجاج الامامي

يقدرون يصنعون لك قطع عمرها الاستهلاكي يكون اضعاف الموجود
بس كذا يكون دخل الشركه محدود بس اتوقع كل شركه لازم تحصل جزء منها
في صناعه السياره مهمل اما مكينه او كهربه او ديكور او بدي خارجي
يكون التعويض لها في الجزء المهمل

ليش بعض السيارت الفخمه مثل الروز رايز  والبنتلي ماتخرب  لانهم سعره غالي جداا جدا جدا واخذو  مكسبهم من سعره  وشكرا

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ وبس

فعلا يااخوان ترى السياره لمن يكون الحديد خفيف او متوسط افضل من حديد الصلب

واحد من اخويانا اللله يرحمه في المطر زحفت عليه السياره وطلع من المسار الي هو فيه للمسار

المعاكس وتقابل مع فورد 2000 الرجال تشوفه مافيه شي لكن من قوة الظربه ضرب صدرة في الدركسون وصار فيه نزيف داخلي وتوفى

لكن لو كانت من السيارات الجدد كان فيها ايرباج

وكان الحديد الخفيف امتص الصدمه

الله يرحم جميع المسلمين

ويحمينا ويحمي كل مسلم من كل شر

سيارته كرسيدا 93

انا عندي كرسيدا ممتازه جدا وماشيه ٥٠٠ الف معاانها ودي اصلح فيها شي ماتحصل خراب غير كفرات قماشات بنزين زيت فقطلي سنين على ذا الحال 
مشاء الله