بخصوص الكامري 2008 غير مريحه

الله يساعدك اخوي هذا شي طبيعي نفس المشاكل الي عندي بالظبط غير كرسي السواق كسر ظهري مش مريح بالمرة من كثر الجلوس صار حفره في النص ههههه 

@# بالنسبة لصوت بق بق اغلب سيارات تيوتا كذا مع الحفر والمطبات وعيون البسس


___________________________________________________

السماعدات اذا خربانة طبعا لها دور اساسي وهي اسمها اساسا ممتص الصدمات جرب سيارة مفقوع فيهاالمساعد راح تحس بالحجر الصغير كانه مذنب
شوف ميكانكي بورشة ويكون فاهم يفحص لك العضلات

الكامري هذا الموديل ركبته كثير بسيارات اجار او تكسي واعتبره مريح على المطبات

وعنك الكفرات اذا ناشفة او نوعية صيني تزيد من القساوة

الكامري ماهي مريحة من ناحيت الكرسي لاكن شف سوناتا لاشطفت تريله حذفت 
رايح على الكامري لكويت امشي 180 مايهزها هواا لاكن عيبها بالمطب 

شباب  مكيف  الددسن  له  فلتر 

صحيح عيب الكامري الحفريات فقط المطبات عادي . . هل يضر السياره اذا حطيت الهواء 30 لان اريح من 35 .... فعلن انا كل اسبوع الرياض ماعليه مشاء الله بس . الحفريات يالي تاخذ العمر لا كليت حفره قويه ...

يالغالى غير كفرات 

اقول انت منت راكب الماني ترى الياباني كذا تحس الدنيا داخله عليك بعدين وش سالفة مواضيعك كلها استهبال وطقطقه مره عن الخدامات ومره عن الخرفان خل عنك الاستهبال انت ومواضيعك الهبله

انزل يالي ايبي والاشكال يالي مثلك مايحتاج ترد نهائين .. لا صار الحساب مسجل با اسمك تعال قلي ليش موضيعك كذا ..

انا معي كامري 2005  قسم كرهتا بسبب عيون القطط والمطبات الي تجيك صغيره اااووووف هذي الطامة

المهم باذن الله بركب مساعدات نوع kyb  الواحد ب 190.....

وطبعا الاصوات اغلب شي حسب علمي من خراب المساعدات لان المساعدات اسمها العلمي ممتصت الصدمات..

وعليكم السلام ورحمة الله وبركاته

الله يهديك يا أخي وين عايش انت عشان تحط ضغط هواء الكفرات على 35 أرحم سيارتك ..
لو أنت عايش بالخارج بدوله شوارعها ناعمه ولا فيها مطبات أو حفر كان قلت ممكن

لكن بشوارع السعوديه ومطباتها وحفرها لا تتعدى 30
عشان تكون السياره مريحه اكثر وتحافظ على المساعدات والسياره بشكل عام

الأشياء هذي كلها لها دور بالراحه :

1) ضغط هواء الكفرات .. كل ما زاد الضغط تزيد قساوة الكفر وتقل الراحه ويقل امتصاص الإهتزازت والصدمات وتصير تحس بكل شيء على الخط

ولا تستخدم إلا عيار ( أصلي ) وجودته عاليه .. انتبه واحذر من عيار البناشر سيء وزفت ويعطيك قراءه غير صحيحه

أخوي مره استخدم عبى كفراته هواء و استخدم عيار البنشر ولاحظ انها قاسيه وما ادري وش فيها غير طبيعيه حتى باللفات

وشيكت عليها بعيار أصلي وأنصدمت !!

لقيت :

واحد من الكفرات 47 فوق الضغط الأقصى المكتوب على جانب الكفر 44 MAX
واحد من الكفرات على 40
واحد من الكفرات على 35
واحد من الكفرات على 30

فيه عيار إلكتروني من شركة ميشلان بس مشكلته غالي شوي سعره يمكن 100 ريال

2) المساعدات , اذا كانت مفقوعه او تحتاج تغيير .. تصير السياره غير مريحه وتناقز

3) الكفرات , بعض الكفرات لينه ومريحه مثل كفرات هانكوك الكوريه

أهم شيء قبل تشتري أي كفر من أي شركه .. لازم يكون أصلي و تاريخه جديد و تحمّل الحراره A والتراكشن والتحكم A .. و يفضل تاخذها من وكيل الكفرات

4) كل ما كان الجنط أكبر + كل ما قل إرتفاع الكفر = تقل الراحه وتزيد القساوه

عاااااادي يا أخي ما يضر أنك تخليها على 30
انا كل عمري أخلي ضغط هواء الكفرات على 30 ولا عندي أي مشاكل ولله الحمد

بالعكس تكون مريحه وتحافظ على عضلات السياره والمساعدات والخ...

لأن كل ما زاد ضغط الهواء .. يكون الكفر قاسي ومحجر ولا يمتص الصدمات والإهتزازت

مثل الكوره اذا تنفخها شوي تكون لينه واذا تنفخها لأقصى شيء تكون قاسيه ومحجره وتنقز كثير

المساعدات والكفرات وضغط هواء الكفرات = كلها لها دور كبير وأساسي بإمتصاص الصدمات والإهتزازت والراحه والخ...

جزاكم الله خير . فعلن اول كفراتي يكون فيها 30 مرتح قليل . لكن اخر سفره لي عبيت 35 . والى يومك قاسيه بروح انسمهم جزاكم الله خير .. من ناحيه الكفرات مركب جديد مديل السنه هذي . كل شي اي الفرق انه اعرض بشوي لاني ماحصلت على حجم موتري .

اللي ما جرب الكامري لا يتفلسف 
الكامري حلوه بكل شي بالنسبه للمطاب خل الهواء ٣٠ 
استخدمت ٢٠٠٦ و ٢٠١١ والحين ناوي ٢٠١٣ 
يكفي تشتري الموتر ولا تحط عليه ريال لمده سنتين طبعا بعد السنتين يطلب منك قطع استهلاكيه 
مو مثل بعض السيارات كل ٦ شهور قماشات وفحمات