ملعوب علينا
6
4
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
كيفكم ان شاء الله بخير
رجعت لكم اليوم بموضوع يرفع الضغط بصراحة
ما ودي أرفع ضغطكم بس أبي أنقل لكم نصبة كبيرة صايرة لنا وحنا يا غافل لك الله
نزلت اليوم السوق قلت أبي أشتر ملابس العيد من غتر و كنادر الله يكرمكم و خلافه
طبعا خلال تجولي في السوق وجدت كل البضائع صينية !
لفيت المحلات كلها
كلها تبيع نفس البضائع ولاكن بأسعار مختلفة
رحت لمحل لقيت في جزمة الله يكرمكم صناعة هندية وبـ 90 ريال !
قلت لصاحب المحل ( الهند تصنع جزم ؟ )
قال لا ما يصنع شيء وقام يهز براسه
قلت مكتوب عليها made in india يعني صنع في الهند
قال يا اخي أنا أشتري من واحد نفر في نزل هنا بضاعة انا مكسب بس 20 ريال
تركته وطلعت رحت محل ثاني
لقيت جزمة الله يكرمكم اسباني بـ 60 ريال
قلت وش السالفة ؟
اسباني بـ 60 والهندي بـ 90 ؟
استغربت
سألت صاحب المحل ( قلت هذه البضاعة من وين تجيكم ؟ )
قال من مندوبين مبيعات يجبونها لنا من الرياض وهم أصلا يستوردونها من الصين ويختمون عليها
اسم البلد المصنع يعيني يغيرون الصناعة على كيفهم !
قلت وين الرقابة والتفتيش وين البلدية ما تحاسبهم ؟
قال كلهم يعملون نفس الشغلة
قلت غش عيني عينك
وازيدكم من الشعر بيت رحت لمحل نظارات ودي أشتري نظارة سبحان الله وراني نظارة قيمتها 800 ريال
وعليها خصم وصار سعرها 300 ريال هههههههههههههه قلت كم عليها خصم
قال 60 % مظمونة طبية أصلية مية المية اشتر وما راح تخسر
قلت له بيني وبينك من وين مستوردها ؟
قال هذه صناعة أمريكية أصلية والشركة مسوية الخصم
قلت له شوف انا بشتريها بس أبيك تقول الصدق ان ما قلت الصدق ما راح اشتريها
قال أنا بقولك بس لا تقول لأحد
قلت ابشر
قال النظارة صينية !
قلت وين اللي يقول أمركية وطالع فيها صينية وب 300 ريال !
قال يعني وقفت علينا كل اللي في السوق صيني
قلت الله لا يبلانا الصين غزتنا
إبلاغ
سيارات للبيع
الردود
0
0
قبل 10 سنه و 8 شهر