أضف سؤال أو موضوع جديد          

والله حوسه ادخل وعلمني ...

up 0 down 0
مالك رجا 605
قبل 7 سنه و 3 شهر



اول شي مساﺀ الخير 
راح ابدأ بدون مقدمات . الحاصل يا اخوان انا اشتريت سياره من احد الاخوه الاقرباﺀ 
ولها معي شهرين بالضبط وقبل اسبوع بغيت انقلها لاسم اخوي والفحص منتهي رحنا للفحص وبعد معاناه. جاد دوري ورفضو الفحص لأن الوحه ضايعه 
مشيت من عندهم وكلمت قريب اللي بأسمه السياره عشان يبلغ ع اللوحه وقال لي مافي مشكله اسوي لك وكاله وسحب علي سيفون من يومه وطبعي ما احب اكرر الكلام يعني قلت له مره وحده وخلاص وهو يتحجج برمضان والعمل 
المهم علمونا وش اسوي وابي طريقه انقل فيها السياره بحيث اني ما اتعب احد معي واقدر انقلها قبل العيد؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كيف تقدر تنقلها قبل العيد واليوم اخر دوام ما اعتقد انك تقدر لأن المرور مسكر اللي مداوم فقط اللي هو قسم الحوادث والفرق الميدانية


up 0 down 0
أبو ناصــر 1282
قبل 7 سنه و 3 شهر



لازم من المرور انا سمعت انه من المعارض وبس مالي دخل بالمرور


up 1 down 0
مالك رجا 605
قبل 7 سنه و 3 شهر



اللي بالمعارض ينقل ملكية بالسستم ولكن استلام الاستمارة من المرور نفسة

صراحة تأخرت يالغالي مالك الا بعد العيد تنقل السيارة


up 1 down 0
أبو ناصــر 1282
قبل 7 سنه و 3 شهر



والله  اللوحه مشكلتها مشكله

بس عادي طلعت لوحه و هي بأسم عمي

كان معي فورد 2003

و كنت بأدخل الدوار بالدرعيه وطلعت وجه الفورد

الا وهايلكس في ورعين يفحطوا فيه

و هرشوا الصدام الامامي

و قلت والله لاخذ حقي بيدي

و دز يا شنب

ههههههه تحمست

و اطاردهم مطارده و طلع من فوق جلد يعني تراب وحصا و هو طاير و انا ما قدرت ادخل الفورد بتتسلخ الكفرات وبتنعدم السياره من تحت والمساعدات بتنعدم

وانزل واشوف الصدام

الا واللوحه ما هي موجوده

و أرجع للدوار و افرفر فيه ما حصلت اللوحه

و اشوف دوريه و اكلمها و اقولها انها ضاعت لوحتي

قالت انتظر محلك و كلم الدوريات و هم يجونك ويشوفون وش تبغا

قلت وانت وش وضيفتك ؟

وقلت الله لا يبارك فيك والشرهه علي

واكلم اخوي و هو تصرف

وبلغ عن اللوحه إنها ضايعه

وقال ابي أطلع بدل فاقد

وقالوا إذا تبي تطلع رح افحص السياره فحص دوري

ويروح يفحصها و يرجعوه عشان الليات وشمعه خربانه ومدري ويش

ودفع غرامه

ويزبط الليات و يرجع لهم ويقولون له فيها الاسطب الخلفي ما يشتغل و الشاص يبيله وزنيه من قدام

ودفع غرامه

ويرجع يوزن الشاص ويصلح اللمبه

ويدخلها عندهم و غبر القزاز الامامي لانه مشطوب هههه

وقالوا عندك الفلشر يمين ما يشتغل وعندك شيء نسيت اسمه

و تمشكل معهم وقال كل شوي تطلعوا لي مشكله جديده وادفع غرامه واصلح وتزيدون تطلعوا لي مشكله جديده !!

ودخل جوا السياره ويعلق على البوري و تعرفون بوري الفورد مزعج

والله كان بينحرق من كثر ما علق عليه 

لين ما جاء له واحد و عطاه ورقه اجتياز الفحص

وطلع من عندهم

و الحمد لله راجع المرور مدري الشرطه ما ادري وش يسمونها الصراحه

انا ما اعرفهم ,, اخوي اللي يعرف اسمائهم هههههه والله متكل على الله سبحانه ثم هو في نقل الملكيه واللوحات والبلاغات لاني ما اعرف شيء

و يشهد الله إنها مماطله 

وترا طلعنا لها لوحه بدل فاقد وهي بأسم عمي

و بعد ما طلعناها نقلتها بأسمي

بس ما ادري ليش رفضوك


up 1 down 0
ابو يزيد 000 8712
قبل 7 سنه و 3 شهر



يارجال الشكوى لله وش اسوي ااقسم بالله هالسياره اخذتها بسعر غالي وهقني فيها ااخوي ووطلعت ماتسوى وانواع الخرابات كرهتني بالمستخدم كله من جد 


up 1 down 0
مالك رجا 605
قبل 7 سنه و 3 شهر



أخوي مالك أدخل موقع حراج وراسلني خاص وبإذن الله راح أفيدك


up 2 down 0
هـاجـس الـشـعـر 138
قبل 7 سنه و 3 شهر



صور اللوحه الموجوده عند اقرب مكتبه تصوير


up 1 down 0
فهد4950 2541
قبل 7 سنه و 3 شهر



ولا الحل الثاني تروح للمحافظات الصغيره ينقلون دون فحص


up 1 down 0
فهد4950 2541
قبل 7 سنه و 3 شهر



جيب له مخالفتين ساهر

يجي يطاردك علشان تنقلها بعض الناس ماتجي بالطيب


up 2 down 0
mr-medo7 400
قبل 7 سنه و 3 شهر



دامها من قريب لك ولانقلتها وكلها خرابات مثل ماتقول وسعرها عالي رجعها له


up 0 down 0
craysiler 244
قبل 7 سنه و 3 شهر



مشكلتنا دائماً لما تشتري من قريب ولا من زميل نستحي وقت البيع وبعد كم شهر تتطلع العيوب المفروض علينا ما نخلط القرابه والصداقة وقت البيع والشراء


up 1 down 0
الغنام ماجد 6
قبل 7 سنه و 3 شهر