أضف سؤال أو موضوع جديد          

صندوق النقد يدعوالسعودية لرفع أسعارالوقود

up 1 down 1
al-samer2000 191
قبل 8 سنه و 9 شهر



طالب صندوق النقد الدولي في تقرير قام بأعداده طالب المملكة العربية السعودية برفع أسعار الوقود المحلية و ذلك ترشيداً للاستهلاك و زيادة الرقابة على وزارة المالية وكان هذا التقرير هو تقرير أعده صندوق النقد الدولي لرفع كفاءة الاقتصاد السعودي.
ووصف صندوق النقد الدولي السعودية بأنها أعلى البلدان على مستوى العالم في أستهلاك الفرد للطاقة ,و من أقل الدول في أسعار الطاقة .
وحذر الصندوق قائلاً:أذا أستمرت هذه الاسعار على هذا النحو ومع الاستهلاك السريع بسبب انخفاض الاسعار فأن هذا سوف يؤدي الى ان المملكة سوف تفقد 20 في المائة من الناتج المحلي خلال 5 سنوات .
وأضاف ان رفع الاسعار للوقود سيعزز ميزانية الدولة العامة و زيادة الايرادات بشكل كبير ,وأقر في تقريره ان الفقراء سوف يعانون من رفع الاسعار ولكن على الحكومة السعودية أتخاذ التدابير لتعويض تلك الفئة .
____________







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يعطيك العافيه 


( ان الفقراء سوف يعانون من رفع الاسعار ولكن على الحكومة السعودية أتخاذ التدابير لتعويض تلك الفئة . )

هذا أهم شي 


وفقك الله الجميع 


up 3 down 0
mrabdullah 1349
قبل 8 سنه و 9 شهر



حسد أعوذ بالله

ان شاء الله مايرتفع ويبتل على عالرخص يارب همهم فساد البلاد

بعدين حنا ماعندنا الا سيارات قطارات مافيه مترو مافيه خطوط جويه زي العالم مافيه كل شي محتكر بيسكرون عليك من كل الجهات

حطوا لنا مترو وقطارات بين المدن وافتحوا المجال لشركات الطيران تدخل بعدين ارفعوا البنزين لو بـ 5 ريال للتر




up 4 down 1
hmada1213 2018
قبل 8 سنه و 9 شهر



أي والله أرفعوه 

عشان مو كل واحد يمتلك سياره

قريبي راح أبتعاث وقال ما بأشتري سياره 

يقول تعبي البنزين للكامري عندهم ب 250 ريال والجموس توصل ل 400 ريال

وعليها ضرائب وما ادري ويش

عشان كذا الزحمه عندهم أقل من السعوديه

اما هنا اي واحد يمتلك سياره 

والله بعضهم ما معهم رخصه واجانب 

ما يعرف يسوق ولا عمره ساق في بلده

تلقا السياره بأسم كفيله و يالله يالله تمشي

و يزاحم فيها خلق الله و كأنه يمشي على بيض

لكن لو أرتفع السعر الى ريال ونص او ريالين للتر الواحد

يمكن 20% من الاجانب ما يشترون سيارات او يبيعون سيارتهم

و ياليت نفرض على الاجانب ضرائب لكن السعوديه تقول حرام وما ادري ويش

الله يشفيهم ولا يبتلينا

تبغوا الزحمه في شوارعنا عشان لا تحطوا ضرائب

حطوا ضرائب ما بتجوا احسن من امريكا

وبس


up 3 down 24
أبو يزيد 000 259
قبل 8 سنه و 9 شهر



حكومه شافت الناس تطالب بزيادة الرواتب قالت ارفع عليهم سعر الطاقه

الكهرباء عندنا من اغلى دول العالم كيف لو زادوها

ثاني شي حنا دوله منتجه اكيد السعر منخفض

زي ما السيارات في اليابان وامريكا منخفضه مقارنها معنا



لو التوصيه صحيحه اعتقد تطبق خلال شهر من الان لكن يوم كانت التوصيه على الاسكان والنقل العام ماشفنا شي من عشرين عام

ي راجل دوله ماشيه بالبركه ربي مسهلها لنا


up 6 down 0
mr-medo7 400
قبل 8 سنه و 9 شهر



و المشكله ما بنتحل نهائيا

لان ما فيه وسائل نقل أخرى

قريبي المبتعث يقول فيه هناك كل شيء

باصات بالهبل يمكن بالشارع يمر 6 باصات بالساعه ومن الحجم الكبير

والقطارات والمترو منشتشره ورخيصه جدا

يعني ما يحتاج اخذ سياره

أول شيء

خلنا نسوي وسائل نقل 

بعدين أرفعوا سعر البنزين لين ريالين ما فيه مشكله


up 1 down 6
أبو يزيد 000 259
قبل 8 سنه و 9 شهر



ابو يزيد معك حق بس مو هذا السبب الوحيد للزحام

انت تتكلم عن دوله مافيها نقل عام لا قطارات ولا مترو


اكبر انجاز عندنا باصات الروكيب وباصات سابتكو


والطرقات ضيقه وسيئه وتخطيطها سيئ

لو عندنا مترو كان ماتحصل الاجانب واصحاب الدخل الضعيف يشترون سيارات

لن المترو يوديهم اهم الامكان الحيويه بالمدينة وباسعار رمزيه




up 2 down 0
mr-medo7 400
قبل 8 سنه و 9 شهر



يمكن تخف الزحمة .


up 0 down 0
YASSER505 4174
قبل 8 سنه و 9 شهر



صحيح كلامك وانا تسرعت بالرد

لكن عوضتها بالرد الثاني

وانت ما قصرت وضحت 


up 0 down 0
أبو يزيد 000 259
قبل 8 سنه و 9 شهر



اللهم اعوذ من الغلاء


up 2 down 0
شبح 600 sel 6082
قبل 8 سنه و 9 شهر



ههههههههههههه يحسبون اذا رفعووه بتخف الزحمة ههههههههههههههه شر البلية مايضحك هههههههههههههههههههههههههههههههههههههههههههههههههههههههههه

احب اقولكم الزحمة هذي منكم انتم مافيييه تنظيم سير هذا اولا ثاني شي هندسة الطرق مخيسة ومخارج طالعه وداخله في كل طريق ومافيه تنظيم وثالث شي مافيه أي وسائل نقل مافيه قطارات مافيه مترو ولاشي مافيه الا سيارات وسكان الرياض 5 مليون شي طبيعي بيكووون زحمه مثل دبي شف كم سعر اللتر هناك وبرضوا زحمة تصك الراس وبعدين الزحمه مالها دخل بالبنزين ياناس والله مالها دخل الي قال تخف الزحمة اسمحلي اقولك تفكيرك غبي بصراحة


up 7 down 1
جيت بنتحر قالوا عوائل 27
قبل 8 سنه و 9 شهر



يعني هو المواطن الي معه آكسنت و ماله في هالدنيا الا يفرفر هو الي مستهلك الطاقة؟

وحقين القصور الي قصره كنه شمس من قو النور هذا عادي؟

أصلا السعودية معتمدة على البترول في كل شي حتى في الكهرب ، ما عندهم مصادر طاقة ثانية ، هي ما جت ع البنزين .. هي على امور ثانية

بعدين قبل يرفعون الاسعار ، لا بد تحط لك شبكة مواصلات داخلية ، وقوية يقدر المواطن يركبها
مو خط بلدة خياس وطقاق و نفوس شينة




up 7 down 0
من سبق لبق 94
قبل 8 سنه و 9 شهر



ابوزييد .. اذا انت معك دراهم تدفع .. انا وغيري ماعندنا .. هو الراتب مدري المكافاة يالله تكفي الى بنزين ووفطور وعشا كيف لو زاد البنزين .. والله لاجلس اقط وجهي الى الي يسوى والي مايسوى


up 2 down 0
faxl 248
قبل 8 سنه و 9 شهر



هههههههههههههههه تدروون ان الكهرباء والبنزين الشي الوحيد الي ماتأأأثرر وتغيرت اسعاره؟

الله يدوووم سعر الكهرباء والبنزين قولوا آآآآمين ...


up 1 down 0
faxl 248
قبل 8 سنه و 9 شهر



هههههههههههههه

والله أنه خانني التعبير عشان كذا الدس لايكات
 
قصدي للتصحيح :


أول شيء سوو لنا وسائل نقل محترمه مثل الدول بالخارج

+ باصات فخمه مثل اللي بالخارج

+ قطارات راقيه مثل الناس

+ مترو بأشتراك أسبوعي او شهري او سنوي والدخول له طبعا ببطاقه

+ تكاسي نظيفه مع شاشه لحفظ حق السائق و الزبون 
________________________

أي أجنبي شغال في شركه توفره الشركه باص ينقله من بيته الى عمله والعكس

طبعا إذا كان لحاله ما يمتلك سياره لإنه يسبب زحمه وفيه وسائل نقل تغنيه عن السياره , و إذا كان بيمتلك سياره ضروري = يدفع ضرائب

اما إذا عنده عائله فمن حقه ياخذ سياره مثل المواطن السعودي
_____________________________

و إن كانوا بيسمحوا بقيادة المرأه

ينزل قرار يقول فيه

أي سواق يسفر لبلاده إذا كانت الام او البنت معاها سياره

عشان نقلل الزحمه 

_______________

وبعدين أرفعوا سعر البنزين

أما الحين ترفعوه بدون ما تسون شيء فهذي مصيبه

( جو يكحلوا العيون واعموها )

هذا المثل ينطبق عليهم

اول شيء سو مواصلات نقل بعدين تفلسفوا

وسلامتكم حبايب قلبي


up 0 down 6
ابو يزيد 000 8712
قبل 8 سنه و 9 شهر



حسبي الله ونعم الوكيل حاسدينا على البانزين

طيب قولوا لهم ترى الماء عندنا اغلى من البانزين

الله لايوفقهم حنا نلقاها منين والا منين


up 1 down 0
Bikers store 597
قبل 8 سنه و 9 شهر



مع إحترامي للقراء لكن ذولا كلاب أي شيء ضد المواطن لازم يسوونه يبون يسرقون بس ما يدرون كيف 

لو فيهم خير يجون يصلحون الأرض اللي نطالب الحكومة يبنون مسجد و رافضين بحجة أنها حديقة 

حديقة تبن في وجيههم و بالأخير صارت البلدية تبي تلغيها و يبنونها استراحات و يؤجرونها 

اللي مهوب مصدق يجي الدرعية بالتحديد جاكس فيه شاليهات أسمها لوزان شوفوا من يملكها 

إستغلال للسلطة دون وجه حق و خداع إذا انا طالب و المكافأة طفسة و مانيين علينا بها و يرفعون الأسعر وش نسوي نسرق 

علشان تبقى معنا فلوس لآخر الشهر إذا الحين مع مقاضي العيد توني مأخذها باقي منها 100 ريال و مسافر لأن ديرتنا بعيدة 

وش تسوي بي 100 الله لا يوفقهم وحسبي الله ونعم الوكيل !


جاكم الفرج يا اخوان وقعوا على تشييد خطوط المترو . عما قريب ونحن بالكفي والجريده متكين نقرا في المترو ههههههههه . ان شاء الله


up 0 down 0
سامي 2 9
قبل 8 سنه و 9 شهر



بكل قوة عين و كل بجاحة و بأعلى معايير الاستهتار  بيرفعون اسعار الوقود بالداخل؟؟

يعني ما يقوون الا الداخل؟؟ طيب والخارج وش وضعهم ؟؟

لا ويقول الفرد السعودي اعلى نسبة استهلاك وقود ,,

 غصب يكون اعلى نسبة والله من الخطوط والمشاوير الطويلة
اللي متوظف بالشرقية و هو اصلا من جدة ولا متوظف بالرياض و هو من اهل الجنوب 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ساهر و مخالفات امن الطرق و رفع اسعار البنزين ,,

 كلها قطع لأرزاق كثير من المواطنين اللي فاتحين بيوت يترزقون الله بالخطوط

وش ذنبهم ؟؟


up 1 down 0
mish3all 17
قبل 8 سنه و 9 شهر