أسأل عن الجيب اللي معي هو وارد ايش ؟؟ أو من أي وكالة

هلا اخوي وكيلها عبد الغني ولكن وكيلها سيئ للأسف وهاذا رد احد الاشخاص في المنتديات --------------------------------------------------------------------------------

انا أشهد انك صادق عندنا في قطر كل الوكالات معاملتهم تعبانة وتنفرد وكالة تويوتا عبدالغني بأنها أردى وكالة من وكالة السيارات والمشكلة هنا في قطر أحنا أكثر ناس ندفع فلوس علشان تصليح السيارة
ونقول يالله مادام الشغل مظبوط مب مشكلة وبرة يدفعون أقل والمعاملة والسيرفس اجود واحسن لاكن للأسف حتى الوكالة ماينتبهون على سيارتك ويحذفونها في الشمس كنهم يقولون لك أذا مب عاجبك طق راسك في الطوفة ......اوه والحين في رمضان مايخلصون سيارتك الى بعد عيد الاضحى يمكن تقول كنك تبي صدقة منهم

جزاك الله خير أخوي
،،، وبيض الله وجهك

حياك الله اخوي ومبروك على السياره ماشاء الله تبارك الله تحياتي لك

هلا اخوي الله يعطيك خيره يارب ويكفيك شرة اول شيء //ثاني شيء منت مجبور على الوكالة او الوكيل كلهم نصب في نصب وانت ياحبيبي اذا تعطل عندك شيء في موترك لا سمح الله حاول تبحث عن مركز صيانة متخصص وشغله حلو سوأً كنت في قطر الحبيبة او عندنا في بلاد الحرمين وتقبل احترامي وحبي ومروري ..

مشكورين جميعاً
والله يبيض وجوهكم
وجزاكم الله خير