الايجار المنتهي بالتمليك ابي جواااب كافي ووافي

والله الكاش افضل يابعدي واريح

- الايجار المنتهي بالتمليك اذا صدمت بالسياره وراحت تالف يعطونك وحده جديده ؟؟؟
اذا عليها ضمان

2- اذا صدمت بها يصلحونها على حسابهم ؟؟
اذا ضمانها شامل ايضا ضد الغير مع التامين

انا عاطل اقدر اخذ لي ايجار منتهي بالتمليك " كامري 2012 " جي ال شركات !!ويطلع علي فوائد ولا ؟؟؟
تقدر يابعدي لكن موب باسمك وانا عاطل مثلك 
لابد فوائد يختلف من شركه لشركة

4- ومثلا ابي ابيع السياره كيف الطريقه ؟؟اصلا ماتكون باسمك باسم الشركة وانت مفوض تسوقها ههههه ماتقدر تبيع

5- ابي ابدل السياره بعد فتره ايش المطلوب ؟؟ مثلآ معي الكامري وبعد فتره ابي هايلكس 2013 ؟ كيف ابدل بينهم !! وهيا بالتمليك ؟
تدفع الفرق وتبدل 

6- ابو جميل عنده هل النظام ؟
ابو جميل >> هتلر على غفله عنده كل شي ماعقب المثبت شي اكيد عنده ايجار منتهي بالتمليك



الان خذ شور انت عاطل والله يرزقك ويرزقنا خذلك كاش ياغناتي وخلك من دوشة الاقساط والله انها غثه والايجار المنتهي بالمتليك زي السجن مسدد مسدد حتى لو تبي تغيرر من مديل لمديل

خذلك سيارة كاش وباسمك وانت حر فيها 


والله يهبلك طرب موتر يطربك طرب موفق يابعدي 

هذا الي اعرفه ويجونك الاخوان

هههههههه لا والله تاكل التمر مع فنجان قهوة طال عمرك

اغالي التامين شغلته شغله اولا اذا كان شامل يزيد بالسعر للوكالة وغير التامين الشامل من قبل قطاع التامين

يعني لاقدر الله صدمة تروح للتامين والوكالة تاخذ التعويض منهم وتضبط موترك "يعني امسكلي واقطعلك"

ان احس فيك ريحت هجولة لذلك اركد وانت لاتاخذ تامين الوكالة لانهم راح يعطونك سعر محترم للشامل

خذلك تامين ضد الغير من احدى الشركات وهم لاقدر الله صدمة يعوضونك يايصلحونها يايعطونك شيك مقدر للحادث وانت تصلحه وصارت لصاحبي قبل كذا

عموما انت توكل على الله بكاش والضمان ياتي للقير ولامكينه مجانا حسب العروض كم مدته

والله يهبلك عروسة تعززلك هههههههههه ويرزقك برها ياغناتي

تجربتي مع الاجيار المنتهي بالتمليك


طلعت مازدا زوم 3 فل كامل وكاله


على شركة سوفينكو السعودي الفرنسي ايجار منتهي التمليك


اجراءاتهم سهله وميسره


كان راتبي 3400 ايام الطفره وطلعوها لي بدون دفعه اولى


قسطها 1350 خمس سنوات


كل شهرين تراجع البنك او الشركه عشان تجدد التفويض


طبعا عليك التزامات تاخرات لازم تسددها مع غرامه تاخير ههههههه


كل شهر يتصلون عليك سدد سدد سواء منتظم فالسداد او لا


اذا بغيت تطلع برى السعوديه


لازم تاخذ تفويض من البنك


وتكون مسدد بدون تاخيرات


تاخذ التفويض وعلى الغرفه التجاريه تصدقه بعد ماتصف سرى هههههه


تراجع المرور مع الزحمه عشان ياخذون التفويض المصدق ويعطونك ورقه مثل ورقة التميس


فيها بياناتك وبيانات السياره والشركه او البنك والمده اللي بتطلع فيها


حوسه ودوسه على غير سنع وتحس انه السياره ماهي لك


استمريت سنه وصدمت فيها فصراف الاستثمار اللي فشارع الاحساء قدام مكتبة جرير ههههههههههه


انكسر الصراف من الخلف والاعمده وتكسرت السياره


الخطاء علي 100 فالميه


تكفل فيها التامين وتكفل باصلاح الصراف


كلفة حول ال 27 الف ريال طبعا عليها تامين شامل


السياره ماجلست يومين وخلصت اجراءت التامين ودخلتها على الوكاله للاصلاح بصراحه تعاملهم سريع


بعدها كرهت السياره وعرضتها للتنازل محد رضي ياخذها ماهي مرغوبه على قولهم المازده فاسده هههههههه


اخر شي رجعتها لهم وباعوها ودفعت لهم الفرق وافتكيت منها


فيه واحد فنفس الشركه تاخر في السداد وسحبو سيارته وكان فيها فلوس وكرت العائله


ويوم جى يدور على الفلوس والاوراق مالقيها وراحت عليه


طبعا راح بيتشكي ومسوي انه قوي


البنك رفع العقد فوجهه ((( في حالة التاخر في السداد يحق للبنك سحب السياره دون سابق انذار .. والبنك يخلي مسؤليته من فقدان اي مستلزمات او اغراض داخل السياره )))


وعلى هذه البند كان الرجال موقع عليه هههههههههه يعني متقدر ترفع عليهم شكوى


وفي الاخير يقول والله انا ماقريت العقد !!! احد فلك توقع بدون ماتقرى


ابعد عنه نهائيا لانه تحس انه السياره ماهي لك وتجلس تطارد ورى الشركه وماتقدر تتركها


الا انك تجيب احد ياخذها او يبيوعونها فالسوق وانت تدفع فارق السعر بين قيمتها وبين باقي التمويل


يعني فالناهيه بياخذون حقهم كامل


واذا انت مصر انك تاخذها ايجار حاول تكون ملتزم فالسداد


لكن ابعد ابعد مالك ومال وجع الراس وكل فتره تروح تجدد التفويض


دامك عندك المقدره خذلك سياره كاش وريح راسك


لا احد يسئلك عنها ولا شي

وين تفكر انكم بتصدم وتقول لهم صدمت عطوني جديدة.. ويقولو لك الحمد لله على السلامة روح خذ جديدة من ورا الحوش؟

التأمين الشامل مضاف الى قيمة السيارة في القسط .. ولو صدمت راح يحقوقو معك تحقيق اسرائيل ويحاولو قدر الامكان يصقطو حقك .. ولو وافقو راح يستبدلوها لك بعد 6 شهور والقسط يمشي عليك.

لاتبالغ في تقدير الشركات ترى همهم تحقيق الارباح مو يستبدلو بكل بساطة .

وطبعا عاشق السييرا كمل الباقي

على فكره فيه عندهم نظام يعرفون فيه هل انت قد امنت تامين شامل وصار عليك حوادث .... يعني لو امنت في شركه تامين شامل وصدمت وتكفل التامين ... تجي تامين فشركه ثانيه وتصدم ويتكفل فيها التامين ... المره الثالثه تجي تامن يقولونك انت فالقائمه السوداء يا انهم يحرمونك من التامين يا انه مايشملك وقت الحوادث ماني فاهم كيف طريقتهم بس وقت الحادث فشركة (( اليانس )) شرحها واحد لي يعني انتبه تراهم حذرين فهذي الامور

ههههههههههههههه الردود ابدااااع

لايك للي حضرر في صراف الانماء ههههههههههه

اهم شي هل هو حلال ام حرام اعرف اكثر من شخص ماتوفقو فيها انتبه وانا اخوك

والله يااخوي حاول تبعد عنه 
انا مااحرم ولا احلل لكن بناء على شي صار قدامي هذا الشيء فيه محذور شرعي والمواقف الي صارت قدامي اثنين من ضمنهم اخوي 
اشتروا سيارات من شركتين مختلفتين الاول كورلا والثاني كابرس 
بالنسبه للشيء اللي اتوقعه انو من المحذور ان السيارتين محقت بركتهن والله العظيم باقي شهور بس والا السيارات تشليح الاولى انصدمت وهي واقفه والثانيه الله ستر على راعيها 
(((ممكن شيء صدفه ممكن فعلا محقت بركتهن لكن انتبه)))

ثانيا بالنسبه للتأمين
ارسلوا شيكات الى شركة التأجير بااسمائهم وكانت تعويضات بالسيارات عن طريق حسبه معينه  
لكن الشركه 
استوفت باقي اقساطها من التأمين مع حساب الدفعه الاخيره

وبالنهايه 
واحد صاحب الكورلا اخذ 5 الف 
واخوي صاحب الكابرس 13 الف بعد ماكان باقي بس 8 اشهر على انتهاء الاقساط وراحت الاقساط الي دفعها والدفعه هباء
وعلى فكره حتى السياره التالفه اخذوها التأمين يعني مااستفاد منها تشليح

اقول لا لا لا لا لا لا

انا كنت ناوي اطلع سوناتا تاجير سعرها 78 الف ...
الدفعه الاولى 20000 القسط الشهري 1285 الدفعه الاخيره 12000 الاجمالي 109100 تقريبا 110 الاف .. العيوب السياره موبأسمك ... فيه شبهه شرعيه .. زياده مبالغ فيها ... كل ثلاثة اشهر تفويض ولو انزنقت سحبو الموتر ... فقررت الاتي




عندي 20000 + 60 قرض من البنك على 5 سنوات تقريبا القسط 1100 ريال فقط الاجمالي من فوائد شراء السيارهه تقريبا 6 الاف فقط يعني طلعة علي السياره ب84الف ..ز


شوف الفرق حوالي 26 الف ريال اوووووووووووووووف جنان
المميزات السياره باسمي التامين الشامل تقريبا السنه ب2000 سوها سنه وريح راسك وبعدين خله تامين ضد الغير

بالعربي الحمد لله اني استشرت ولا كان وقعة في مصيدة التاجير

ياشباب انا ابي هيلكس 2012 ايجار منتهي بالتمليك كم ادفع كل شهر؟؟؟؟

الله ييوفقكم يارب 

اسحب قرض واشتري كاش

ابي اطلع موتر جديد وممعي رخصه موظف بشركه قسايمي كثيره وماقدرت اسددها الي يقدر يطلع لي سياره له اتعابه مع تعهدي بسديد المستحقات

مصلح الشمراني 0537876561

هل اللي في سمه يعطونه بنظام التأجير
بتيوتا

اخس مامر علي شغله التاجير مع الوعد بالتمليك 
تقسط سياره ماهي لك واذا احتجت ماتقدر تبيع 
نكبه