ياخوان هل فيه امكانيه للتغيير المراتب شوي وينمزع الظهر

حاول تنجد مراتبها وتكثر الاسفنج وان شاء الله تنحل المشكله
الهايلكس اساسا مصنوعه للاستعمال الشاق لكن صرنا متعودين

يغالي لبسها تلبيسة من النوعية الغالية تجيك لينه وفيه أنواع جلد.

وممكن تغير المقاعد بكبرها بس ما ادري كيف وضع التركيب.

حتى انا متعذب مع سيارتي الصني مقاعدها قاسية شوي. مافي زي مقاعد الفورد رااحة وخاصة الموديلات 2000- 2005 كأنك جالس على كنب.

ياخالد ماقصرت ياغلا 

انشهد تعودنا 

ibrahim fahad  ::: يسعدك ربي ياغالي ياليت احصل زي مقاعد الكرايسر يالبيه 

كنك جالس على جيلي هههه يتهزهز ان شاء الله بنحاول

لكن ودي اشيل المقاعد شيل 

هههههههههه موفق يابو خليل واذا حليت المشكله اطرح الحل هنا عشان يستفيد الشباب اللي تواجهم نفس المشكله

^^^^

يعجبني الي يعرف الطبخه هههههه

ابشر من عيوني

مراتب الكراسيدا خابرها تركب على 2005  ممكن تركب على موترك

والله اني قد شفت واحد فالطايف مركب مرتبة فورد على جيب ربع تويوتا مدري كيف سواها اذا ودك تفلها اسئل الصناعيه الورش هل يرهمون مراتب الفورد على الهايلوكس وقيس المساحه وجرب وشوف والحاجه ام الاختراع هههههههه انا يوم استخدمت الاكسنت عانيت نفس المشكله وحاولت ارهم مراتب فورد بس تركتها لان الاكسنت كانت فتره وبعطيها اخوي والحين خلاص معي فورد ولله الحمد

تنجيد مع  حشو بالاسفنج  بس دور  محل زين وخبره يضبطها لك

الحل عندي وانا ابو هندي ههههههه .. 

اخوي مركب مراتب مرسيدس300  على هايلكس 2003  
@_@
لان قاعدة مرتبة المرسيدس مخرمة بالكامل وتركب على اي سياره والله اعلم ..

لما تركب المراتب اشتر درج طويل اللي يجي مسند مع صندوق على القير 

والسلام ختام ..

ركب لها مراتب كابرس 89  تركب بالراحة 

يقال على الراوي مراتب الديماكس تركب والسدرك القديم والكورولا
لكن اشوف شور الشباب أفضل وانا مجربها تنجيد مع 2 سنتي
سفنج الفرق  100% لكن. مع الهايلكس يبغالك شبر اسفنج