أضف سؤال أو موضوع جديد          

بعت سيارة عن طريق الموقع وابلشني المشتري

up 8 down 3
البلاز 41
قبل 12 سنه



السلام عليكم ورحمة الله وبركاته

يا اخوان انا تورطت بواحد بعتله الموتر بعد ما فحص واشترى

ونقل الموتر باسمه كل يوم يتصل على جوالي

والله طلع صوت كنه بالقير قلتله والله مدري انا علمتك الي اعرفه
وانت فحصت واشتريت وانتهينا ؟؟

ثاني يوم يتصل المكيف مايبرد ؟؟

يعني اصلحه لك على حسابي مثلا !!

ومن امس الفجر يتصل الى الان 7 مكالمات ولا ارد عليه

عقبها قلت ما عاد اعلن برقم جوالي وافتك من الازعاج

ازعاج لا  , اعلنت يدقون 24 ساعه وازعاج بعد البيع 

انت يالمشتري فحصت وانا بعت خلاص انتهينا

انا ما اعطيتك ضمان ولا ني شركه سيارات 

مع العلم ان الموتر له معاي فوق 4 سنوات والا ستماراه

منتهيه وهو شاف بنفسه الا ستمارة باسمي ومنتهيه من ثلاث سنوات

اخيرا ما اراح احط رقم جوالي الرسمي

بشتري رقم باسم بنقالي ولابعت بحذفه والله ما ني شريطي

لكن ورطه تبي ترتاح من المعارض تطيح بازعاج المشترين

قبل وبعد البيع ؟!؟!؟

وسلامتكم







إبلاغ إبلاغ



الردود


وعليكم السلام 
لاترد عليه وهو بيطفش  ولا يدق 


up 2 down 0



بدامه فحصه كمبيوتر خلاص مالك شغل قله الكمبيوتر طلع كل شي لك انا مالي شغل فيك صارت معي


up 0 down 0
مستر12 897
قبل 12 سنه



يروح يراجع محل الكمبيوتر الي فحص عندهم 

وانت ياصاحب الموضوع ما يلحقك شك في بيعتك 


up 2 down 2
مستشار ابوي 404
قبل 12 سنه



هو يمكن يدق عليك يبغاك تساعده يعتقد انك تدري وش مشكله السياره ..
بس دامه فحص ويدري وش في الموتر من خرابات واشياء زي كذا وانت ماغشيته خلاص مالك دخل فيه .


up 1 down 1
aazz1989 -22
قبل 12 سنه



حط رقمه حظر
وافتك من الازعاج .


up 1 down 0
al-aziiz 639
قبل 12 سنه



طيب انت وضحتله كل العيوب اللي تعرفها في السيارة ؟


up 2 down 1



عشان كذا انا لا اعلنت عن سياره عندي رقم مخصص للبيع والشراء , 

بحيث لا اعلنت عن سياره شغلت الشريحه واستقبلت الاتصالات الي بعض الاحيان تمرض , 
والله العظيم واحد يتصل ويقول .. وش لون السياره ؟ كم ماشيه ؟ اهااا اممممم يعطيك العافيه 
واتصالاتهم ماتجي غير من 12 الليل وورى , وبالاعلان ذاكر كل التفاصيل وبالخط العريض كاتب ارجوا مراعاة اوقات الاتصال 

لكن ظنتي يجتمعون باسصتراحه ويطقطقون على الاعلانات ويتصلون , 

عشان كذا عندي شريحه للبيع : لابعت السياره والحمد لله قفلت الشريحه , 
ولو اعلنت [ افتح الشريحه من 4 العصر لين 10 الليل واقفلها ] 
والي يتصل ويسأل عن لون السياره او عن اي شي انا كاتبه بالاعلان ردي له [ مذكور بالاعلان ] 

تخيل : 

انا : الو 
الزبون : سلام عليكم
انا : عليكم السلام 
الزبون: انت معلن عن السياره الفلانيه  ؟
انا : اي نعم 
الزبون : كم سيمت ؟ 
انا : سيمت بكذا 
الزبون : اممم طيب جاها حوادث او شي ؟
انا : مذكور بالاعلان
الزبون : وش لونها من داخل ؟
انا : مذكور بالاعلان 
الزبون : طيب ممشاها كم ؟
انا : مذكو بالاعلان 
الزبون : وش فيك كل كلامك مذكور بالاعلان بتتعب لو قلت لي ؟
انا : لا والله ما بأتعب لكن الصامل الي فعلا يبي يشتري بيعرف كل الامور او بالاصح يبي يشوفها ع الطبيعه 
الزبون : طيب انا صامل 
أنا : طووط طووط طووط طووط

وع الحال هذا هههههههههههههههههه 

القهر ياما غسلت السياره عشان مواعدني زبون يشوفها ويواعدني بعيد عن البيت واروح له 
ويوم اكلمه وبكل برود يقول [ والله بطلت اشتري ] !!!!!!!!!!! 


عشان كذا موقع حراج فقد مصداقيته بنسبه 80 % 


وشكرا لكم 


up 14 down 1
a v a l o n 2184
قبل 12 سنه



وطالما الرجال فحص السياره قبل يشتري وقلبها وجربها , 
واقتنع واشترى , 

ماعليك بذمتك شي / وماله اي حق اصلا يتصل عليك , ولو رديت عليه انت هذا بدافه طيبتك اما ترد عليه اجباري 
والله يبطى 


up 1 down 0
a v a l o n 2184
قبل 12 سنه



مادامك علمته بالي في الموتر وفحص 
رايتك بيضاء ياخوي




up 1 down 0
naac 2 2722
قبل 12 سنه



ماعليك منو بالعكس لمن يتصل عليكي قلو يابويا ازا ما تبا السيارة جيبها وما تاخد ولا متليك الله يعزكم
بعض الناس اغبيااااااااااااء يالطيف بس
اللهم اني فاطر


up 0 down 3
العمدة 1434 1189
قبل 12 سنه



اذا فحص واقتنع بالسيارة ورجعلك وقلك كيذا وكيذا عطع فوجهه وقول 
انت فحصت السياره 
وبس


up 0 down 0



انت نصاب وحرامي 

ليش ما علمته انها مدمورة وان يبي للمكيف اصلاح وان المكينة مدمورة 

انت تفتكر انه ما بيدعي عليك قسم بالله ما يتركك وخاصة اننا بشهر فضيل

حرااااام عليك اتق الله والله لا يسامحك ان كانك اخفيت عنه العيوب 

وجاي هنا وتهايط وتقول ازعجني بلاه ازعجك لان سيارتك مدمورة 


حسبي الله على كل غشاش 


up 3 down 14
ahmad1818 8
قبل 12 سنه



الله يعينك عليه والله ان الواحد يتمنى انه حارق الموتر ولا يبلش بهالاشكال


up 1 down 0



اخواني السلام عليكم ورحمة الله أنا لا أحدثكم بلساني ولكن أنقل ما قاله سيد الخلق محمد (ص) ألم يذكر في الحديث الشريف من غشنا فليس منا هذا كلام المصطفى عليه أفضل السلام ولكني أذكر وللأمانة بأنه كثير من المتواجدين والمعلنين في الموقع هم تجار ولا أحب كلمة شريطية ومن حق المشتري عليهم تبيان ما هو بالسيارة بحكم خبرتهم أما ان تخفي ولا تصرح عن أي أمر تعلمه في السيارة فأنت أثم لا محال فلنتحلى بالصدق والمصداقية حتى يبارك الله لنا بأموالنا وأولادنا وربي يوفق الجميع وكل منا يعلم ما يبيع وهو أعلم ببضاعته كل ما أقوله لك أستحضر مخافة الله في بيعك وان شاء الله بدلا من ان يتصل عليك ليشتمك ويغششك سيتصل عليك ليقول لك بارك الله فيك وبمالك وجزاك الله خير


up 3 down 1
free eagle 15
قبل 12 سنه



اعتقد انك لم تبين له العيوب ..

وحتى لو فحص ولم يبينها الفحص فيجب عليك ان تبين له.


up 1 down 1
حقااااااني 234
قبل 12 سنه



انا عندي رقمين رقم رئيسي دائما في جيبي
ورقم للعلانات مركبه في جوال نوكيا صغير ودائما في البيت بس اشيله اذا اعلنت عن شئ ومخلي عليه فاتورة اشتراك كل شهر 20 ريال علشان مايطير الرقم لانه حلو نسبيا وعلشان ماينفصل علي لما اطول مااشحنه
انصحك بهالطريقة



up 0 down 0
lio45 74
قبل 12 سنه



خذها قاعده الفحص لا يكشف عيوب السياره من اول مره إنما له الظاهر من الموتر 
ولكن مستخدم السياره لفتره طويله يعلم عيوبها ويقوللك رح افحص ان مشت مشت وان ما مشت 
دورنا غيره 
وهذا يقول انا ابري ذمتي بالفحص وأنا أقولك مايبري ذمتك إلا انتخبره بعيوب السياره كامله قبل الفحص 
ولا تستثني شئ  وعقبها قله افحص وما عليك لوم اذا اتبعت هاذي ألطريقه 

وتعجب من بعض الناس لاباع سيارة على زبون قال افتكيت من هالخابور ونشبتها بحلقه ويضحك ومستانس ويعزم 
اخوياه على وجبة عشاء  كانه ذابحله يهودي ياخوي هذا أخوك المسلم حبله ماتحب لنفسك  عجائب هالبشر 


up 2 down 0
مانع المانع 68
قبل 12 سنه



احمد 18 18 
انت شكلك نوع من انواع المخلوقات واتوقع انك من النوع اللي مايفهم انا اقول ياذكي ان الرجال فحص السيارة وعرف كل عيوبها!!
وانت جاي تبر بر على راسي ياغشاش 


up 0 down 2
البلاز 41
قبل 12 سنه



مثل هالشيئ حاصلي انا  وبالاخير يقلي انت نصاب ههههههههه
اقولهم مكتوب بالاعلان وااااااضح  يقولون وش فيها لو تقلي من جديد 

عالم فاضيه انت منزعج اتصالات  24 اوقات اصلي او مشغول المشكله يدقون عشرات المرات نفس الرقم 

تخيل : 




انا : الو 
الزبون : سلام عليكم
انا : عليكم السلام 
الزبون: انت معلن عن السياره الفلانيه  ؟
انا : اي نعم 
الزبون : كم سيمت ؟ 
انا : سيمت بكذا 
الزبون : اممم طيب جاها حوادث او شي ؟
انا : مذكور بالاعلان
الزبون : وش لونها من داخل ؟
انا : مذكور بالاعلان 
الزبون : طيب ممشاها كم ؟
انا : مذكو بالاعلان 
الزبون : وش فيك كل كلامك مذكور بالاعلان بتتعب لو قلت لي ؟
انا : لا والله ما بأتعب لكن الصامل الي فعلا يبي يشتري بيعرف كل الامور او بالاصح يبي يشوفها ع الطبيعه 
الزبون : طيب انا صامل 
أنا : طووط طووط طووط طووط




وع الحال هذا هههههههههههههههههه 




القهر ياما غسلت السياره عشان مواعدني زبون يشوفها ويواعدني بعيد عن البيت واروح له 
ويوم اكلمه وبكل برود يقول [ والله بطلت اشتري ] !!!!!!!!!!! 








عشان كذا موقع حراج فقد مصداقيته بنسبه 80 % 








وشكرا لكم  









up 1 down 0
سلطان ابو وليد 152
قبل 11 سنه و 11 شهر