أضف سؤال أو موضوع جديد          

تنصحوني اشتري اف جي 2007 امريكي ....

up 3 down 1
عابرسبيل2020 -16
قبل 9 سنه و 2 شهر



السلام عليكم

يسعد صباحكم انا لي فترة ادور اف جي 2007 امريكي مادري تنصحوني فيه مع اني سالت قالو نفس قطع السعودي ...... اللي يعرف عن عيوبة الميكانيكية او اي شئ يعطيني خبر وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بصراحة انا ركبت الاف جي قبل يومين وما اعجبني ... يارجال كني راكب دينا ...يعني يفتقر لأبسط مقومات الفخامة
والراحة والرفاهيه ديكور الطبلون من الداخل مسطح كنك صكيته بكريك والبيبان اللي ورى تفتح على الخارج بالعكس
واذا انك رغبان للسيارة بصراحة انا ماعندي فيها خبرة والله يوفقك لما يحبة ويرضاه


up 7 down 0
388
قبل 9 سنه و 2 شهر



احسن حل لك انك تاخذلك ايجار من شركات الايجار يوم واحد اقل من 200 ريال
وجربه إن ناسبك خذو وإن ما ناسبك لا تاخذوا
التجربه غير برهاااااااااااااااااااااااااااااااااان


up 3 down 0
ه عبدالله الحربي ه 1335
قبل 9 سنه و 2 شهر



مشكورين اخواني ماقصرتم ........ الخيرة فيما اختارة الله


up 2 down 0
عابرسبيل2020 -16
قبل 9 سنه و 2 شهر



لا والله بالنسبه لي ماانصحك في الاف جي من اصله سيارة مع احترامي لذوقك سيئه جداً وبقيمته بتاخذ موتر كفو وانا ارشح لك التاهو وانت حر بأختيارك موفق خير اخوي..


والله حرام تدفع فيه مبلغ وقدره في سياره كنها درام مع احترامي لك يالغالي
ياخي بقيمتها تاخذ سياره جديده بموديل السنه احسن من الاف جي المصندق
لو ينعرض علي باخذه وبخليه ملجأ للقطاوه بالحاره هههههههههههههههههههه

ترا يسمون الاف جي في قطر (فاطمة جاسم) لان مايركبه الا بنات بس
والخيار يبقى لك ياعزيزي هذي وجهة نظري .


up 4 down 2
عـادل عبدالله 4751
قبل 9 سنه و 2 شهر



:| ابو التحطيم .. والله لو انا صاحب الموضوع لا احذف موضوعي على طول من قوت تحطيم اشوفها

اخوي عابر سبيل .. انا با ضد اصحابنا الاعضاء بنسبة 40%
الاف جي ما باقول مو حلو ولا من هالخرابيط .. الاف جي كويس ..في حالة اذا انت حق بر و طعوس
الاف جي ممتع كـ شكل .. و حلو كـ مظهر خارجي .. و الامريكي تراه نفس السعودي من ناحية القطع ... مافي اي زياده ولا نقصان 
الاف جي عيوبه .. ثقيل بالخط ... اف جي قير توماتيك عداده 180 ..؟؟؟؟؟ 
و مشكلته كمان في القزاز الامامي ماهو مايل تحسه مستقيم ع الوجه
الداخليه لون واحد اللي هو الاسود و بالشمس الله الله من برد بتحس فيه ههههه


لكن رهييييييييييييييييييييييييييييييييييييييييب في البر .. اذا انت حق بر ي اف جي ولا سفاري .. و الله يوفقك ويسهل لك كل امر عسير


up 4 down 3
عبدالله الشهري1987 2362
قبل 9 سنه و 2 شهر



مشكورين على النصيحة ......... بصراحة حيرتوني الظاهر باخذ لي باثفندر 2009


up 0 down 1
عابرسبيل2020 -16
قبل 9 سنه و 2 شهر



ترى سقف الا اف جي مثل صندقة الحمام .... وقت الامطار تسمع ضرب قوي فالسقف تصميمه غبي .... خذلك فور شنر 6 سلندر وخلك من اللي يقول تويوتا وغيره ... تراهم مسوين حملات مقاطعه وفي الاخير يروحون يشترون تويوتا هههههههه ... امس كنت فالوكاله ولقيت الفورشرن مخلص ال6 سلندر ... والله لاتعرف لاخرابات ولا عطال ... النيسان معروف بقرقرته وهربدته وحرارته ... بس نصيحه لاتخاذ مستعمل تحت استخدام سعودي لانهم كارفينها عندنا ... خذلك خليجي نظيف .... قبل فتره شرينا فورشنر 4 سلندر وحنا طالعين من الحراج جانا فيه مكسب 3 الالف ريال تراه مرغوب وممتاز


^^
قسم بالله اني كنت بقول له خذ فورتشنر 6 سرندل ولو انه عليه بعض الملاحظات لكن اصرف من الاف جي


up 2 down 0
388
قبل 9 سنه و 2 شهر



هههههه إلا الاف جي أغبي سياره قد سقتها والله تحس أنك ما تعرف تسوق ما ترتاح فيه أبدا في شي غريب بس مدري يعطيك أحساس أنك غبي وما تصدق تخلص مشوارك وتنزل منه يارجال سواقه الاكسنت أصرف منه ولا تراه أسرع منه في القومه ههههههه


up 2 down 1
biiii 358
قبل 9 سنه و 2 شهر



انا كنت ناوي بده اشري اف جي لكن بعد ما استأجرت واحد عزفت عن الشراء غير مريح مطلقا ولايوجد اي وسيله من وسائل الرفاهيه وفي السفر يقطع الحيل


up 0 down 0
almalki561 225
قبل 9 سنه و 2 شهر



انا معي فورتشنر ولا انصحك فيه صحيح ان ميزة الفشفش الوحيده انه سهل السواقه
لكن الاف جي ارسى وافضل واريح من الفورتشنر ولكن صعب سواقته كأنك في سياره مصفحه
وبالنسبه للاختلاف بين الامريكي والخليجي مافيه اي فرق في الميكانيكا والكهرباء لكن ميزه الامريكي ان الابواب
والبدي اثقل وبالتالي آمن وافضل اذا انت راعي تهور


up 1 down 0
af1950 2
قبل 7 سنه و 10 شهر



متابع واتمنى ان كل انسان ياخذ الشي اللي يناسبه هو  وكلام الناس مامنه فائده اكون احلف اكثر الي رد ماعنده لا اف جي  ولاغيره بس يفتي من راسه




up 1 down 0
زمن التطور 1
قبل 6 سنه و 10 شهر



الرد الأخيررررررر ✔️


up 0 down 0
ابورعد . 98
قبل 5 سنه