أضف سؤال أو موضوع جديد          

كيف أعرف أن رأس المكينة مشتعل ؟

up 0 down 0
كروز_وبس 1042
قبل 7 سنه و 9 شهر



السلام عليكم ورحمة الله وبركاته 

رمضان كريم على الجميع 

و صياما مقبولا وافطارا شهيا 

الجو هذه الأيام حار جدا والسيارات لا تستحمل هذه الحرارة 

يوجد لدي هايلكس موديل 2004 خليجي الحرارة فيه ترتفع فل الى h بصراحة لكثرة السيارات لدي و انشغالي عنها 

أهملتها اهمال شديد و قلت خلني أسلم الهايلكس لأخوي بدل ما يكون واقف أفضل يحركه ويروح ويجي عليه 

جاني اليوم يقول الحرارة ترتفع وماء الريديتر كأنه يتبخر 

وديناه لورشة وفحصه الهندي ( مسوي فاهم الهندي ) 

وقال رأس المكينة مشتعل والمكينة تبي توظيب 

قلت أنت من جدك تبي توضيب 

المشكلة ان الماء يتبخر ما في تهريب ولا شيء 

واحد من اخوياي قالي غير الريديتر وواحد ثاني قالي غير الغطاء وواحد ثالث قالي الرأس مشتعل 

سؤالي : 

كيف أعرف ان الرأس مشتعل ؟ 

وهل فعلا تحتاج توضيب ؟ 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تخلها فحص كمبيوتر وإرتاح 


up 0 down 5
zaiyd ali -3
قبل 7 سنه و 9 شهر



اولا لفحص راس المكينه بنفسك.....تعال وقت والسياره بارده في الصبح مثلا،،شغلها وعبي مويه فل وخلي الغطاء مفتوح وراقب اذا طلعت معك فقاعات كثيرة هنا تكون المشكله من راس المكينه.

بالنسبه اذا كانت تحتاج توظيب او لا...عاير الزيت واذا ناقص كثير زوده بعدين شغل السياره واسمع صوت المكينه اذا فيها قلقله او اصوات غريبه فممكن تكون اللحرارة اثرت ع السبايك او اي جزء اخر وهنا تحتاج توظيب...


up 3 down 0
asalami 2179
قبل 7 سنه و 9 شهر



فحص الكمبيوتر ما يبين لك مشكله الحراره...
فحص الكبيوتر يوضح قوه البساتم وفي الحاله ذي البساتم تكون مافيها مشكله...


up 0 down 0
asalami 2179
قبل 7 سنه و 9 شهر



اخوي صاحب الورشة يقول ان الراس مشتعل وتحتاج توضيب 

هل اذا اشتعل الراس لا زم تتوضب ؟ 


up 0 down 0
كروز_وبس 1042
قبل 7 سنه و 9 شهر



يا رجال أنا كان عندي نفس مشكلة الرجال على كامري ٢٠٠١ وجننوني الورش واحد يقول راس مكينة وواحد يقول غير المكينه وإرتاح في الأخير طبيت على يمني قال خلها عندي وروح اليوم الثاني دق علي قال تعال سيارتك ما فيها شي صلح لي اللديتر وغير البلف والحمد لله الحين معي زي الفل الله يعينك على ها الورش ما تدري من الصادق ومن الكذاب 


up 2 down 0
zaiyd ali -3
قبل 7 سنه و 9 شهر



ممكن تفسر كلمت اشتعل راس المكينه...

اعطال راس المكينه المعروفه

1 تسخين السياره
2 خلط ماء وزيت
3 شعر راس المكينه وهذي نادره


up 1 down 0
asalami 2179
قبل 7 سنه و 9 شهر



ترا نادر ما يشعر راس المكينه
واغل الورش حراميه لما يصير في مشكله بالسياره ما يعرفها يقولك راس المكينه
وووالله صارتلي قبل كانت موية الديتر تنقص كل يوم علبه ووقالولي راس المكينه المهم واحد هنا بالمنتدى نصحني كل يوم اعبيها وقعدت اسبوع كل يوم اعبيها وغيرت طبعا غطاء الرديتر الفضي بواحد اصلي شريته اظن بخمسين المهم اسبوع والحمدلله رجعت الامور تماما
شوف في بعض محلات الرديتر عندهم زي الجهاز لونه اصفر زي الدينمو قوته تقريبا 2 حصان يشيل البلف حق السياره ويركب ليات الجهاز على المكينه ويشغل جهازه
طبعا وظيفة الجهاز ينظفلك جهاز تبريد السياره والليات والقربه وكل حاجه متعلقه بموية الديتر
وراح يطلعلك كل الغبار والصدا والاوساخ وبعدين عبها موية لديتر اصلي وان شاء الله تنحل مشكلتك
انتبه توظب ولا تخلي واحد يلعب في المكينه
جرب كافة الحلول وخلها اسبوع اسبوعين شهر الين تتأكد ان مالها حل بعدين فكر براس المكينه
ترا احيانا يكون الكوع مصدي من كثرة الوقفه ويبيله صنفره وتنظيف
الكوع هذا يمكنك تعرفه هو الي يركب عليه غطاء الرديتر الاصلي
يجي حديد
اول ما تفتح الغطاء شوف جدار الكوع من الداخل اذا مصدي وماهو مستوي خليه يجيب لك ورق صنفره وينظفه لك من الداخل يحكه الين يروح الصدا
وطمنا
بالتوفيق


up 2 down 0
ملك الخطوط 236
قبل 7 سنه و 9 شهر



مشكور على ردودكم والحمد لله طلع صاحب الورشة هندي مايفهم و الدليل يقول منشعل بدل منشعر ( قلت في نفسي وش هذا منشعل ؟ ههه)

الحمد لله حليتها بتغير غطاء الريديتر وزانت الامور و الله يفكنا شر الناس اللي تبي تنصب وتسوي فاهمة والله اني كنت بدفع قيمة توضيب ولاكن الله ستر 


مشكورين على ردودكم 

ورمضان مبارك 


up 2 down 0
كروز_وبس 1042
قبل 7 سنه و 9 شهر



فيه طريقة سهله شف مهيار الزيت بعد ماتمشي مشوار طويل وطلعه اذا كان معه مويه وزيت الراس رايح فيها اذا كان زيت بس فالنشكلة ميب من الراس


up 0 down 0
ابو جلمبو 1
قبل 6 سنه و 3 شهر



طيب وش اسباب نقص الاديتر بدون تهريب 


up 0 down 0
meshal077
قبل 3 سنه و 10 شهر



احيانا من الغطا مايكون اصلي فينقص ماء الرديتر


up 0 down 0
زاهر الربعي 792
قبل 2 سنه و 11 شهر



نفس المشكله عندي كامري ١٩٩٨ غيرت لها مكينه ولكن تفتف وعزم مافيه ومع المشي تروح المشاكل أَطْفِئ السياره واجي بعدين اشوف رجعت علتها وبعد الحراره ترتفع مع المكيف مادري وش السالفه انا شاك في راس المكينه والله واعلم افيدوني تكفون قدام م ينتهي الضمان 


up 0 down 0
hmood5050
قبل 2 سنه و 3 شهر



واللله انا عندي كامري 2000 جت فترة موية اللديتر تنقص صارلي حادث طلعت في رصيف
والطبة اللي تحت انكسرت مع الفيش حق حساس المراوح
غيرت الطبة ولامراوح صارت دايركت والامور زانت بس كل مشوار بعيد لازم ازيد موية في اللديتر
اخر مرة مسكت فيها خط سفرية صد رد وانا راجع الحرارة ارتفعت
ومشيت عليها يمكن مسافة 20 كيلو وما دريت الا عند البيت لما وقفت سمعت صوت كنت سامعه من اول وانا أحسبه مو من عندي
المهم من بعدها السيارة الحرارة فوق النص واذا مشيت اكثر من عشرة دقايق ترتفع حرارتها اتش
رحت كذا واحد كلهم اتفقوا على راس المكينة
طبعا انا فتحت الغطا حق زيت المكينة كله طين مخلوط مع الزيت كذا سائل بني ومعه موية مافي اي زيت في الموضوع
طبعا الزيت مغيره قبل السفرية ما تعديت 1000 كيلو



up 0 down 0
1420h
قبل 2 سنه