افيدوني جزاكم الله خير الجزاء

على كلامك ان المرور حسب الخطأ على صاحب التورس 100/100 وما عنده تأمين 

اذا الله يعوض عليه والله يعينه يصلحها على حسابه

لا يالغالي الخطأ عليه انا صاحب التأمين

التأمين يصلح سيارتك انت ويصير شركه التأمين تطالب صاحب التورس بالتكلفة

الاوراق اولاً تروح المرور تآخذ معك رقم المعامله اللي اعطاكم رجل المرور اللي باشر الحادث او برقم بطاقتك
يعطونك صوره من التقرير وخطاب موجه لشيخ الورش
تروح لأقررب صناعيه قريبه منك فيه مركز مرور ومندوبين الورش بـ 30 ريال يقيمون سيارتك وكم تكلف
اذا تكلف فوق 5000 يكتبون عليها مكلفة ويعطيك المرور اللي بالصناعيه خطاب لشيخ المعارض
تروح شيخ المعارض تدفع مبلغ رمزي ماتذكر المبلغ نسيت والله
يقيم السيارة ويسعرها قبل الحادث كم تسوى وبعد الحادث كم تسوى والتأمين يحسب الفرق
وترجع المرور اللي فيه معاملتكم وتصور جميع الاوراق يصدقها لك ويعطونك المعامله وخطاب لشركة التأمين
تروح التأمين وبيسألونك وين تبي تصلح سيارتك شي طبيعي بتقول الوكاله
بيعطونك خطاب ورقم معامله وبيقولون لك روح الوكاله تروح الوكاله تدخل السيارة بعد كم يوم يقيمونها وتتابع معاهم يرسلون المعامله او الخطاب فيه التسعيره واجور اليد لشركه التأمين
والوقت ومدة إصدار الشيك على حسب شركة تأمينك
فيه شركات تعقد الامور وفيه شركات ممتازين وما يتأخرون

^^^
نسيت اذكر
اي مبلغ تدفعه لشيخ الورش او المعارض وحساب صاحب السطحا ان وجد
ترفق صور من الفواتير في المعامله اللي بشركه التأمين
ويدفعون لك المبلغ

أخي الفاضل أبي أسألك انت لمن تجاوزت السيارة من أين تجاوزتها وكم كانت سرعتك ولو لم تتجاوزها وتحك الرفرف الخلفي هل كانت السيارة الاخرى خرجت عن المسار انت استفتي قلبك وستجد لو أنك أخطأت بتقديراتك فيجب ان تساعد المتضرر مادام معك تأمين شامل ولا تنسى حديث رسولنا الكريم (ص)لاضررولاضرار

ياخوان الرجل قصده الخطأ عليه. ارجوا تعديل موضوعك ياخي فيه لبس بكلمة ( عليه ) 

الخطأ حسبه المرور على صاحب التأمين راعي الاف جي.