ما حل مشكلة نقص موية الرديتر الدائم؟

للعلم الحرارة دايما تحت النص

ترى من قوة الحر لابد يتبخر شي بسيط الا اذا كان النقص كبير هنا المشكلة افضل حل افحص الرديتر يمكنفيه تسيم

روح محل رديترات و قله شيك فيه تهريب موية

مر محل و اثنين و ثلاثة

يمكن:
لي
غطا رديتر
وجهه
كوع
رديتر
طبة موية

و
و
و ......................

عندك تهريب اكيد مادام كل تنقص كل أسبوع 

تاكد من غطاء ارديتر وطبات الماء اللي في الماكينة وعندك بشارع الصالحية فيه محلات تنظيف رديترات لكن معظمهم بنقال ما انصحك فيهم رح للصناعية افضل

اول حاجة شيك على غطاء الرديتر شكلك ماعمرك غيرته وواضح إن عندك تهريب بسيط وحتى لو حر مو معقولة الموية الخضراء ماتقعد اسبوع وحاول تحرص إنك تشيك عند محل رديترات كويس

شيك على الطبات حقت المكينه صدقني تحصل وحده منها تهرب وتتبخر ولا تدري وين تروح المويه ,,,, صارت معي

شرح مفصل ولا ابي الا تدعي لي فقط عندي اختبار بكره فقع مرارتي يكره 3 مره اعيده *_*
اذا كان النقص عند اول التشغيل يعني شغلت السياره وفتحت غطى الرديتر على طول اصبر شوي 
كذا بحكم البروده انتظر وانت بتشوف المويه بتبدا تطلع مع الرصات الي موجوده بالرديتر 
هذا الوضع عادي انا اشوفه 
نجي عند مسأله مويه الرديتر اخوي غلط كبير انك تحط مويه ابو 5 ريال يا رجل المويه العاديه سهل تبخرها 
يعني مع الحراره تتبخر بسرعه الحل انك تحط في الرديتر مويه اصليه انا ما اعرف وش يحطون بالكامري 
تعرف خبرتي امريكي مافي الا ايسيدلكو ولا موتركرافت فانت شوف وش للكامري اصلي وحطه وزيد فوقه مويه مقطره 
وحتشوف الفرق 

احد الاحتمالات الوارده ان المكينه ساحبه هواا زياده وطريقه الحل انك تفك الخرطوش او اللي الي يودي 
من الرديتر الى  المكينه العلوي وتخليه فوق الرديتر وتعبي الرديتر مويه والسياره شغاله
الى ان  يطلع مع اللي او الخرطوش الي فوق الرديتر مويه ،
 بدا يطلع معه مويه خلاص على طول اشبكه الخرطوش بالرديتر
كذا الهوا الي بالمكينه يطلع كله الطريقه ذي لازم 3 اشخاص يسونها لا تروح تسويها لحالك تطق المكينه عليك
وترجع علي ههههههههههههه واحد عند السلف والثاني يتجهزعشان يرجع الخرطوش المفكوك والثالث يعبي الرديتر


هذا وصلى الله على نبينا محمد وعلى اله وصحبه اجمعين  

إخوي أول شيء شيك على غطى الرديتر 
والمراوح ممكن يكون عندك مشكله في المراوح ماتشتغل وأنت ماتنتبه لها فـ راح يكون الضغط كله على موية الرديتر وتتبخر 
روح عند واحد خله يشيك لك أنا صارت لي مشكله وماعندي تهريب بس طلع وحده من المراوح مودعه وغطى الرديتر فيه شلخ بسيط والحمدلله ألسياره بعدها صارت تمام غيرت دينمو مروحه وغطى الرديتر 

كيف تعرف أن غطى الرديتر فيه مشكله 
روح كم مشوار وخاصة في الظهر يعني تكون المكينه محتره ووقف وافتح الكبوت وقرب أذنك من غطى الرديتر إذا سمعت تنسيم خفيف أعرف أن فيه مشكله 

كيف تعرف أن المروحه تعبانه 
إذا اشتغلت المراوح روح عندها وقرب يدك منها خل يدك مقابلها شوف الدفع حقها تدخل هواء تمام أو لا بعض الأوقات يكون فيه مشكله في الريش أنا صراحه مأادري كم عندك مروحه بس شيك على الثنتين إذا كان عندك ثنتين يمكن منها ماتبرد المكينه تمام وتخلي الضغط على موية الرديتر 

بالاضافة الى ما ذكره الاخوان  جرب كبداية تشوف تحت الدعسات اللي امام الراكب جمب السواق  اذا شفت اثار بلل  او رطوبة  معنها في تهريب  من خرطوش السخان الخاص بالمكيف وهذي سهلة يمكن اغلاق الخرطوش والاستغناء عنه او تبديله........

علشان تعرف اذا السياره تهرب لاطلعت الصباح شوف تحت السياره بتحصل إذا فيه مويه مهربه او لا

ومثل ماقالو الأخوان روح محل رديتر واحسن شي مر على اكثر من محل بدون ماتقولهم نفس كلام جارهم واذا شفت الاغلبيه اتفقو على خراب معين توكل على الله

لاتخاف هالامور سهله تصليحها

موفق ،،

صديقي في طريقة اسهل اذا انت حاب تكتشف مكان التهريب بنفسك اتبع الخطوات التالية 1:- خرطوم ( اللي ) الخارج من الروديتر قم بفكة واخرج جميع الموية الموجودة وقم بتشغيل السيارة لمدة لا تتجاوز الدقيقتين حتى تتاكد من خروج كل المويه بس لا تتجاوز التشغيل اكر من دقيقتين حتى لا تخرب الموتور 2:- قم بوضع صبغة حمراء (حق الاكل و الطرشي )كمية قليلة الى ماء عادى و قم ب اضافتها الروديتر 3:- قم بتشغيل السيارة و انتظر حتى يفتح (الثيرموستات )او الخانق حق الروديتر وبعدها قم ب اطفاء السيارة و قم بالنظر الى الموتور و باذن الله سوف ترى مكان التهريب ظاهرا باللون الاحمر وبعد الانتهاء من العملية السابقة قم باعادة العملية و بوضع ماء بدون صبغة والله يسهلك امورك ___ابو ديس لايك اتركني ترى الى اكثر من اسبوع انت حارمني المشاركة ---اي استفسار راسلني اخوك محمد الفلسطيني

كم صف عندك الرديتر وهل هو تجاري ؟؟

السلام عليكم ورحمه الله وبركاته.
طبعا معاي التيماء 2006 صار معاي عطل وهو تهريب في ماء الديتر معدل لتر كل اسبوع .
ماخليت ورشه مارحتله وطحت في احتيال وجشع الورش المهم قالو كوع غيرت ولاهو خربان وبعده قالو خراطيش غيرتهن وشكلهن سليمات وبعده رجعت للورش قالو طرمبه الماء وطلعت سليمه وقالو غطاء غيرته مافي نتيجه .
طبعا بعد ماغيرت اطرمبه الماء زاد التهريب صار لتر كل يومين لان الطرمبه الجديده صخه اقوا
تعبن من الموضوع وبعده بحثت عن مكانيكيه فاهمين اغلبهم قال عندك راس المكينه احتمال فيه تنسيم
يبغاله توضيب كامل فك المكينه وخرط الراس مع السلندر وتدبيل اوجه .
الكلام ضياقني صراحه لان السياره ماشيه معاي ومشكله تهريب اوضب مكينه.
نهايه القصه طلعت للمعارض من اجل بيع السياره ولم اوفق في بيعها لاني ذكرت الاعطال الي فيها .
طلعت مئيس كان معاي شخص خليته يسوق عني وصدفه وحنى راجعيت اكتشفت التهريب عندي في الارضيه حقت معاون السائق اها الحين عرفنا المشكله (لديتر المكيف الحار) رحت لكهربائي فصله لي ب 60 ريال والان السياره معاي مشالله تبارك الله لا تهربب ولا هم يحزنون. مع اني شيكت عليه قبل كذا عند محلات واجد وقالو مافي تهريب مادري جهل فيهم او انهم يبغون يستغلوني 
لذلك انصح الاخوان اتبهو تفكون راس المكينه قبل ماتفصلون المكيف الحار. للعلم تره صعب اكتشافه الطريقه الي صارت معاي وقفت في المعارض مايعادل 4 ساعات تعرفون الزحمه بان معاي العطل لان االسياره واقفه وشغاله في المغرب مايمدي الشمس تمتص الماء الخارج تحت الدواسه او من جانب ديكور المعاون.

ماقصروا الاخوان

ازيد على كلام ابوعبدالله اذا سمعت صوت مويه اذالفيت او عند مطب معناته الي مكيف الحراره
الغيه

انا عندي نفس المشكله يتبخر المويه اللديتر مادري وين تروح من يعرف السبب يتصل على الرقم 0509884673 وله من جزيل الشكر والاحترام. السياره كامري 2004

انا عندي نفس المشكله يتبخر المويه اللديتر مادري وين تروح من يعرف السبب يتصل على الرقم 0509884673 وله من جزيل الشكر والاحترام. السياره كامري 2004