أضف سؤال أو موضوع جديد          

هل يمكن استبدال مفتاح السيارة بسهوله

up 1 down 1
azooz123 369
قبل 12 سنه



السلام عليكم

ياشباب عندي موضوعين ياليت توقفون معاي كلكم...

الاول هو ان انا عندي سيارتين وحدة استعملها والثانية موقفها كذا لجوور الزمن..
من نوع كابرس 95
هالكابرس هذا انسرق مفتاحه...

السؤال كيف يمكن تغيير المفاتيح وكم يكلف...؟



الموضوع الثاني انا متأكد ان اللي سرق مفتاحي صاحبي...

طلع المفتاح من الدرج وحنا ماشيين قال هذا مفتاح ايش قلت مفتاح سيارتي الثانيه وعليها ماشفت المفتاح

والدليل العظيم انه مايرد لا علا اتصالاتي ولا على رسائلي...

شورو علي يارجال انا افكر اشتكي عليه واخاف الشرطة ماتصدقني...

والله ماخليت درب رجال عليه ابدا

وابوه طلع ظالم زيه يقول ولدي مايسرق انت الحرامي...بالله في مطوع يقول كذا من غير مايستكشف.

دلوني يارجال انا والله كنت ابي اضربه امس يوم وقفته لقيت اهله معاه وتعوذت من ابليس...


لكن فكرت بالشرطة لاني لو ضربته بخلي اخواني يترجونه يتنازل وهي عندي والموت سوى

شوري علي ياعزوتي

هذا وصلووو على خير خلق الله..







إبلاغ إبلاغ



سيارات للبيع

الردود


اتوقع يا غالي تفك القفل وتروح محل مفاتيح يسونها لك اذا ما خاب ظني 


up 0 down 0
مضيع حروف 34
قبل 12 سنه



يتغير عادي ينقشه لك على كيفه بس مع الزمن السيارة بتصير بتنفتح باي مفتاح مثل ماصار لي , ضيعت المفتاح وجبنا حق مفتايح واخذ احد مداخل المفاتيح ووزنها على مفتاح جديد من عنده , بس بعد حوالي سنتين صارت السيارة تفتح باي مفتاح لنفس نوع السيارة تبي شوري ؟؟ رح التشليح ودور اي سيارة مفتاحها موجود وخذ مداخلها كلها مع المفتاح مع السوتش اريح لك واضمن



up 0 down 0
YASSER505 4174
قبل 12 سنه



الحل الاخر والاريح , غير سوتش التشغيل بواحد اصلي " بالتقوى قيمته 70 اللي بدون حبة سودا "


up 0 down 0
YASSER505 4174
قبل 12 سنه



بسيطة راقب بيت صاحبك إذا طلع يصلي امسكه وتفاهم معه...
إذا سيارتك مقفله مالك إلا معلاق الملابس...


up 0 down 0
acura 3755
قبل 12 سنه



بسيطة راقب بيت صاحبك إذا طلع يصلي امسكه وتفاهم معه...
إذا سيارتك مقفله مالك إلا معلاق الملابس...


up 0 down 0
acura 3755
قبل 12 سنه



والله راقبتة مايصلي ابدا


up 0 down 0
azooz123 369
قبل 12 سنه



اخوي ابراهيم كلامك سليم بس تعرف الحين في امور جديدة نبي نعرف الشرطه اش دورها في مثل هالامور


up 0 down 0
azooz123 369
قبل 12 سنه



الحين صاحبك ويسرق, بئس الصاحب


up 0 down 0
سيف وقلم2 154
قبل 12 سنه



مو رجال والله

بعد هذي الحركة كشفته والا هو سارقني اكثر من مرتين قبل كذا

وللحين والله ماابيله المذله لكن الشكوه لله


up 0 down 0
azooz123 369
قبل 12 سنه



الغالي تعوذ من ابليس ومن الشكاوي كفشتك للرجال انه حرامي تكفي عن مليون شكوى واشوا انها جات بالمفتاح ...

المطلوب منك حالياً هو تفتح السيارة بأي طريقة وتجيب حق المفاتيح وتشغلها بعدين غير الدقمة كاملة اصلي لاتغير الا اصلي وكل هالشغلة من فتح السيارة وتشغيلها وتغيير الدقمة ماراح تكلفك 300 ريال

اشتر راحتك يارجل


up 0 down 0
أبو ناصــر 1282
قبل 12 سنه



الحمدلله أن صاحبك أنكشف لك خابوره بمفتاح
غيرك ما أنكشف له صاحبه إلا بأمور تشيب لها الرأس

الحمدلله وأمر المفتاح إن شاء الله بسيط تغير دقمه الباب ودقمه السويتش وأمور في التمام


up 0 down 0



^^^^
ماقصر ابو ناصر وابو سالم ولا يهونون باقي الاخوان
وهذا الشور طال عمرك


up 0 down 0
abo kayan-55 652
قبل 12 سنه



ططيب خلنا من خويك ما ابي احط في ذمتي ولا ادري عن اللي بينكم لكن غير الدقمه بحقت فورد تركب سلام سلام للباب و للسلف !
حتى الدتسن اللي عندنا دقمة الباب حقت فورد 


الله يعطيكم العاقيه


up 0 down 0
azooz123 369
قبل 12 سنه