وش رأيكم في تويوتا ساكويا 2013

والله بأبو سطام أنها راحة في الاستخدام بغض النظر في كبر حجمها والقطع ما
هي غاليه مرة الدبل لم اجربه المكيف ثلج 

ما انصحك خذ لك اسكاليد بطاقة جمركية ولا جمس افضل لك 

ابو سطام والله انها ممتازه لو ما همك شكلها يكفي انا ماكينتها هي نفس مكينة اللكزس

الله يعطيكم العافيه 
هي لشايب وكان يبي سبرمان بعدين قلتله
عنه و وافق بس قال إسائل عنه اخر شي 
يفكر فيه الشكل اهم شي الاستخدام
في انتظار المزيد من الإخوان 
وجزاكم الله ألف خير 

شكله غبي بصراحه وغالي

أششوف السوبربان أفضل منه

سعره غالي سعرة 138 اخذة احد الاقارب زيرو نفس مواصفاتك

والله ان تبي الراحه والافضل عندك اكسبديشن من فورد راحه وهدوء وقطعه ارخص وعملي وعندك السوبربان مافيه مثل الامريكي بالراحه بالخطوط طبع الالماني معروف لكي لحد يشطح ويقول الاماني 

اخوي ماانصحك في ابدااااا خذلك باترول جمس اسكاليد - ولك جزيل الشكر -

أنا اجزم إن أغلب اللي ردو ماجربو الموتر ومعطينك رائيهم بناء على النظرة للشكل ... شف أخوي الموتر مايعيبه شي ووسع  راحه ورساوة وعزم يكفيك مكينته 5700 وسعره مقارنة بمواصفاتهه والمنافسين حلو ب133 دبل ومثبت وثﻻجة .. موفق 

تبي الصدق اذا تبي راحة ترى ما فيها راحة والعزل سيئ على سرعة 100 تسمع صوت الهوا
 وبالتوفيق..

والله عن الراحة تراه مريح جدا ووسيع من وراء ومكينته لكزس زي الجيب

وفيه ثلاجة ولكن عن تحس انه ثقيل وقت السواقه

خخخخخخخخخخخخخخخ داخ الرجال يا جماعه من واقع تجربه لا أحد يفتي من كلام الناس

اذا يدور الراحه يبعد عن تويوتا مقاعدها صبات تكسر الظهر اما اذا يفكر بالاعتماديه فتويوتا نمبر ون 

انا والله بعد متردد زيك. الشكل مهم لكن مو ذيك اﻻهمية بالنسبة لي مقابل. التماسك و اﻻعتماديه. انا ودي احد يعطينا خبرته فيها هل هي انسب او مثل التاهو كاستخدام يومي ام تغث الواحد. والله يا اخوان انا لو شريتها راح تكون سيارتي الوحيده فهل هي افضل ام التاهو القصير ﻻنهم نفس السعر.
ارجو المعذرة يا صاحب الموضوع

شوف ياحبيبي معروف الامريكي مريح مافيها كلام 

لكن دام انك تبغئ سيارة على قولتهم سيارة العمر خذ لك سكويا ممكن مطبها قاسي شويه بس سيارة كرف تعيش معك 

الامريكي مشاكله مستقبلا ولا تستامن عليها في الخطوط الطويله بعد فترة طويلة طبعا ما اتكلم عنه في حالته جديد 

وتويوتا  شيك في يدك و سلامتك

بسم الله الرحمان الرحيم 
السلام عليكم ورحمة الله وبركاته
انا مجرب التاهو موديل 2008 طبعن العزم في الطعوس ماعندك عزم والراحه موهب مريحهوالخرابات معسكر في الصنيعيه
مايمر اسبوع الا لزم تمر الصنيعيه وجهيته نازله اعني لو بغية تطمر الرصيف لزم يحك كانك راكب كسنت 
وجربت الدنالي 2008 طويل 
الراحه مافيه راحه ولعزم في المكينه اما القير ضعيف جدن وفي الطعوس موهب نشيط لزم تغرز  او ماتطلع من الطعوس الا
مقلوع الصدام وعساك تسلم وكثيره خرباته مايتحمل
والحين معي سكويا والله الحمد نشيط مريح 
ان بغيته بر فهو بيخدمك ون بغيته خط فهو بيخدمك ولا يصرف بنزين اعبيه 45 احمر يمشيني 550 او 580
نشيط باالحيل قوة المكينه 5700 
381 حصان 
يكفيك انه مكينة لكزز
والسكويا 
والسكويا فيها خدمات
ميهب في للكزز ولا الدنالي
ولا الاندكروزر
فانصحك انك تاخذ اسكويا
اسائل مجرب ولا تسائل حكيم

انا معاي سيكويا و الله سياره و لا اروع

و اغلب الردود فوق يحكمون على الشكل

يكفيك انها سياره صناعه امريكيه بتقنيه يابانيه مثله مثل الافالون

و الي حاب يشوف مواصفات السياره بالتفصيل يشوف اخر موضوع لي