لا تنزل سيارتك مركز صيانة إلا إذا انت تضمنهم...
0
0
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
أخواني حبيت أشاركم بموضوع يخص مراكز صيانة السيارات وحبيت أنقل قصتي للفائدة ،،،
أنا يا أخوان قبل تقريباً سنة كان لدي تهريبات في سيارتي فقلت بزينها واصلحها المهم توجهت للوكاله وأشتريت صوف امامي وخلفي وسير ومكره وشداد وزيت قير وفلت واصلاح دركسون...الخ المهم جيت أبي اركبها قلت بدل ما أتعب نفسي وأودي سيارتي للورش والصناعية أوديها مركز صيانة عشان أضمن الشغل ويزبطونها المهم توجهت لمركز صيانه العماله من الفلبين ونزلت السياره وقالي تجي بعد أسبوع وتحصلها جاهزه قلت خلاص المهم رجعتله بعد أسبوع وخذيت السياره وغسلتها بستم عشان أتأكد انهم زبطوها ولا شفت أي تهريب جلست مدت شهر وأطالع ف بطن السياره وأحصل تهريبات ... حسبي الله عليهم
رحت للصناعية وخليت واحد يكشفلي عليها وقلتله أني مزينها قبل شهر قالي الي أشتغلها لك حرامي ولا أشتغل الى وجه المكينه طبعاً انا انقهرت لني مشتري صوفه خلفيه وغرا قير وفلتر وزيت...الخ وتعرفون قطع الكزس غالية ركبت سيارتي وأرجعلهم مركز الصيانة واتكلم عليهم وقالو مالنا علاقه المهم دورت للفاتوره حقتهم وجبت رقم صاحب المركز وكلمته قالي أنت مخير بين أمرين :
1- تروح وزارت التجارة وتشكي العامل الي صلحها لك وبذالك وزارة التجارة بتخلية يشتري القطع ويركبها ولا تدفع ريال...
2- تشتري القطع وتركبها عندي ببلاش.
فكرت في الموضوع قلت يا ولد وزارة التجارة بتأخرني أشتري القطع الله يعينني وأركبها ببلاش عندهم المهم أشتريت القطع ونزلت السياره عندهم وحصلت واحد يتخاصم معاهم وأكتشفت أنه غير زيت القير عندهم وخبطت سيارته *كابرس* قلت في نفسي الحمد لله انها جت ع كذا... صلحو سيارتي وجلست أستخدمها ممكن 6 شهور وخبط علي القير وأكيد هم السبب حسبي الله عليهم وأشتريت غيرها الحمد لله ..
يا أخوان أذا احد منكم أشترى لسيارته قطع ويبي يركبها لازم يتأكد انهم ركبوها لنك لو ما راقبتهم ومريت عليهم كل يوم ممكن يرجعون قطعك الوكاله وياخذون الفلوس وأنت ما تدري الصوف والزيت والفلتر مستحيل تدري انها تغيرت فلازم تكون قريب منهم وتمر عليهم كل يوم .
ولا تنزل سيارتك الى عند واحد تضمنه .
وأهم حاجه أستلم منهم فاتوره عشان ترجعلهم بعدين .
وأخيراً سامحوني ع الإطاله .
إبلاغ
الردود
انا كان ماركيزي كان يخرخر زيوت هههههه من كل مكان
من المكينه والقير والدفرنس كان موتري فيه دفرنسين ونص
بالتوفيق يالغالي
وانا من اليوم ماراح اقرب الوكاله بعد ما اشتري موتر من عندهم
2
2
اعرفهم نصابين قالوا شلنا البلف و هم ما شالوه
جلست عندهم الين خرجت سيارتي لانهم نصابين
و شكيتهم للوزاره الوزاره ما سووا شيء ابد اعطوني اشكل
0
0
0
0
بالنسبة لمراكز الصيانة لا تعطيه كل الشغل يعني قل له غير صوفة القير واطلب من عند الفك أنه يكلمك تشوف المشكلة بنفسك لأن تغيير الصوفة سهل جداً لكن الصعوبة في الوصول لها
0
0
والحين اذا بصلح شي اصلحه حبه حبه وقدام عيني مستحيل ادخل السياره ورشه يصلح لي اشياء كثيره وانا اروح لا خلاص توبه ٨٠٪ حراميه بالورش
0
0
كان شفت لك ورشه كويسه وجلست عنده لين يخلصها وتاخذ موترك موب تخليه اسبوع واخرتها نصبوا عليك .
0
0
0
0
تتوقعون وشسووله حطوله غرا بتكس وقالوه صلحناها
0
0
وتمنيت لو انك راح ومشتكي عليهم
قبل 12 سنه