ابي ايجار سياره والشغله فيها بطاقه عمل

شوف اخوي اذا عندك دقن وشكلك كاشخ كانك داخل حفل زواج 70% ماراح يسال عن بطاقه عمل وترا اغلب المحلات مايسالون عندك او لا 

^^^ 

ياخوك اذا على الكشخه ليه 70%

وحياتك افللها 

100%

شف لك كفيل لبطاقه العمل وانتهى الموضوع

فيه حاجه بسيطه تقدر تستاجر ولو طياره بدال سياره

الي هي بطاقه ائتمانيه فيزا او ماستر كارد الي بتجيك فيها فلوس من البنك

الله وآنا آخوك آنا مثلك  جيت للرياض  مريت مكتب قال لي لازم بطافة عمل لي يومين جيت طيران وتوهقت لوإني جاي بسيارتي آحسن ,, الله يعين 

السلام عليكم ... اخوي صاحب الموضوع الله ييسر امرك ويبارك فيك .. بس شدني الرد الي فيه كلمة و"حياتك" وحبيت انصح نفسي والاخوان ان الحلف بغير الله مايجوز مثل قول وحياتك وحياة امك والكعبة وغيرها.....موفق خير

شوفلك مشهد من مقر عملك يكفي عن البطاقه 

saudi banker:: اشكرك اخي الغالي على هذه النصيحه التي تسوى الدنيا وماعليها حفظ لحقوق ربنا 

وشكرا لــــــــــــــــــــكــ

صارت معي وعرضة بطاقة عملي تبع احدى الوزارات ورفضوها المهم جيت يوم من الايام كاشخ ومرسم ودخلت محل ايحار واجرني على طول اخذت ياريس اسبوع ورجعتها لهم ماشيه 380 كيلو فقط لاني مخليها حقت دوام جاتني ظروف وقتها ورحت غسلتها ونظفتها ورجعتها لهم والمصري ماصدق خبر ومن هالكلام ازاي وكيف ؟ قلت والله انا ماخذها عشان دوام بس وعندي ظرف وناحلت مشكلتي الحين ... المهم الرجال عطاني بطاقته وقالي اي سياره تبيها ناجرها لك هههههههه باين انه ارتاحلي ووثق فيني .. اخوي سعد عندي خطه بطرانه .. ذاا انت من الرياض خلني اقابلك واعطيك البطاقه حقت الموظف وتروح له وقله انا استاجرت زمان عندك سياره وانت عطيتني بطاقتك وقلت اي سياره تبيها تعال عندي ... بعا هو ماراح يفتكر اي احد وبكذا راح تمشي عليه هالحكره وياجرك سياره