أضف سؤال أو موضوع جديد          

رحلة صيانه

up 10 down 0
أنيق 17573
قبل 8 سنه و 5 شهر



صبااح الخيير ياأحلى أخوواان 
كيفكم عساكم بخير ^_^

اكيد مواصلين مانمتوا هههههه 
انا نمت من الساعه ١ بالليل 

اليوم صليت العشاء وقلت خلني اروح اغير زيت للكرولا وسيفون 
وادور بالشوارع مااش البناشر تجيب المغص 
والزيوت مادري وش اغير 

المهم 
وشفت محل اسمه بترومين حقون الزيوت ههههه 
قلت بسسس انشهد أني جبتها 
واروح عندهم هااه كييف خال موديير كووبير هههههه أبو هنود ياقلبي عليه ههههه
كيف سستم عندكم في هذا شوريكا كوبير ؟ 
قال : شك كل شيء ١٤١ ريال للكورولا 
١- غير زيت
٢- سيفون 
٣- مويه لديتر اذا ناقص نزيدك 
٤-موية مساحات 
٥- زيادة زيت القير اذا نقص 
٦- زيادة زيت فرامل اذا نقص 
٧- تنظيف فلتر مكينه 
٨- تنظيف فلتر مكيف ( جابها عالجرح ) افضل شيء سواه 
٩- تنفيض مكينه بالهواء حتى اللديتر 
١٠- تنظيف داخل السياره بالمكنسه ( احلى شيء) 
١١- تنظيف قزاز السياره بالكامل 
١٢- يعطونك عطر سياره
١٣- فحص الكفرات والهواء الناقص فيها  

صراحه اطلق بنشر شفته بحياتي احسن من الوكالات حقت السيارات 

المهم ونفضوا الكرولا زيين 
وعطوني عطر بريحة الريحان بالفانيليا ههههه مدري بطعم البندق المهم ريحه كأن معك شايب جايبه من الديره هههههه 

المهم عندي استبنه منسمه مدري ليش 
وابي اشوف وش المشكله 
رحت بنشر 
وعطيته الكفر قال هذا يبغى رقعه داخليه قلت طيب كم ؟ قال ٤٠ ريال ^_^ 
قلت والله لو اموت قدامك مادفعت هالمبلغ الجامد قال طيب : ٣٥ هههههه يعنني طيب الاخ سوااااالي خصصصصم ههههه

قلت اقول هات استبنتي الغاليه وخلني ادور بنشر ثاني ماصدقته صراحه 
ورحت بنشر ثاني وعطيته الاستبنه قلت هذا فيه مشكله شوف اييش فيه 
وجلس يغسل الكفر وينظفه ههههه خش جو الاخ شكله ناسي  انه بيصلح كفر ههههه 
المهم وعرف الذيب المشكله قال هذا ابره حقت الهواء المهم غيرها لي تدرون بكم ؟ ٥ ريال بسسس 
وهذاك يبي يرقع ٤٠ مدري وش يرقع ؟؟؟ الكفر زين 

المهم رحلة الصيانه هذي لأني بأسافر الرياض يمكن اليوم أنا والاهل 
وأنا السواق *_^  
ودي كان سافرت بالشيروكي حقي لكن هههههه قاعد احلم شكلي 



الخلاصه :-
١- افحص سيارتك قبل السفر وروح مركز صيانه يشيك على كل شيء لأن معاك ارواح والحديد مايرحم 
٢- اذا حصل عطل فالسياره زوور ااكثر من ورشه لأن الغشمان فالورش واجد 
٣- ولاتنسى دعاء السفر وتوكل على الله 


تحياتي لكم 
محبكم 
&أنيق&













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


توصل بالسلامة  ^ _ ^


up 2 down 0
عبدالرحمن إسماعيل 779
قبل 8 سنه و 5 شهر



درب السلامه
-





-


up 2 down 1
الـتاجر الـكبير 726
قبل 8 سنه و 5 شهر



درب السلامة ان شاء الله 
بس وش الي 140 ؟؟؟

أنا مغيّر عندهم الزيت + زيادة زيت الدفرنس + سيفون بـ 100 ريال 
والسيارة اكسبلورر

لكن مادري اخبر عندهم ثلاث باقات 
ذهبية
وفضية وفيه ثالثه 

عموما بالتوفيق ي أنيق 


up 2 down 0
naac 2 2722
قبل 8 سنه و 5 شهر



هلا بأنيق توصل بالسلامه والله كنت ابمشي اليوم للرياض بس هونت اهم شي على هونك لا تسرع وانتبه من السافي ومن الجمال تراها واجد 
وما تشوف شر يارب


up 0 down 0
ابوخلوودي1 5070
قبل 8 سنه و 5 شهر



توصل بالسلامه اخوي 


up 0 down 0
مستشار ابوي 404
قبل 8 سنه و 5 شهر



توصل بالاف سلامه يارب هذا بترومين شارع الرياض في الخبر صح وبخصوص ابره الهوى اعتقد انها ب ريال بس ههههههههه
ان شاء بالسلامه وتنبص بالطلعه


up 0 down 0
سعودي أصل -7
قبل 8 سنه و 5 شهر



تروح وترجع  بالسلامة ان شاء الله


بس الحين الكورلا ايجار صح ؟؟
ليه ما توديها المكتب وهم يغيرولك الزيت والكفرات وكل شي على حسابهم.
وفيه شركات زي بدجت حتى لو تبغى تغسل السيارة يغسلوها لك ببلاش حتى لو بمدينة ثانية


up 1 down 0
w1w1 2206
قبل 8 سنه و 5 شهر



هلا بحبايب قلبي صباحات الخيرات الكثيرات هههههه

الله يسلمكم ابشروا بالي نصحتموني فيه 

w1w1 : هلا قلبي ،، كلامك صح لكن اخاف اروح فيها لهم ويسحبونها مني لان الوالد الله يهديك متأخر عليهم ما اعطاهم الايجار 







شكل موضوعي هالمره شيين هههههههه احس ماله داعي احس سامج بقوووه ههههههه 
مافيه زحمه زي كل مره هههههه

اصلا عادي اهم شيء الاخلاق ههههههه 


up 2 down 0
أنيق 17573
قبل 8 سنه و 5 شهر



ياحبيبي انا اسوي كل هالاشياء اللي انت ذكرتها وادفع فقط قيمة الزيت واحيان بدون تغيير سيفون بقيمة الزيت مثلا ٨٠ ريال 


up 1 down 0
سيزو 420
قبل 8 سنه و 5 شهر



توصل بالسلامه ان شاء الله
بالنسبه لبترومين انا عميل عندهم وخدمه متميزه وانت اخترت باقه من باقاتهم الللي تتوفر فيها الخدمات اللي ذكرتها
بالنسبه لي اغير زيت وسيفون من عندي مع تشييك الكفرات والمويه وتنظيف الداخليه وتنظيف المكينه بمواد خاصه
كلها بـ 64 ريال فقط . لكن انت اضفت حاجات واجد مما ادى الى رفع السعر وللمعلوميه ترا اي تغيير للزيت يعطيك تقرير كامل باللي سواه وفيه مكتوب السعر والفرع وتحت يختم لك وهذا معتمد بحيث لو صار بالسياره شي يتحملونه . لكن اهم شي انك اهتميت ولا اهملتها لانك رايح مسافه طويله جدا


up 0 down 0
عـادل عبدالله 4751
قبل 8 سنه و 5 شهر



توصل بالسلامة يا انيق بس صورة البترومين هذي في الخرج صح .َ؟


up 0 down 1
م.بن عبدالله 2027
قبل 8 سنه و 5 شهر



سيزو : ايوه بس انا ابي اتطمن لان معاي الوالده واخوي الصغير واختي واثنين اخوان بالمتوسط 
١٤٠ ريال وان شاء الله موب خساره على هالارواح الغاليه ومشكور حبيب قلبي 

شكلين مابحكي : هلا بعيوني ، انا فحصت كااامل لاني مسافر مسافه طويله والوالده معاي واخوي عمره ٥ شهور 
صعبه لو تعطلت السياره وطريق الرياض والقصيم كله صحراء 

do5ode : هلا بقلبي ، لا هذي بالمدينه ^_^ 


up 0 down 0
أنيق 17573
قبل 8 سنه و 5 شهر



درب السلامه يالغااالي

وبترومين بالصيانه بعض المواقف معندهم سالفه وبعضهم والله عل مستوى






up 0 down 0
aboamani 1148
قبل 8 سنه و 5 شهر



آنآ آسوي آللي آنت سويته كله بّ 77 ريآل و سيآرتي آكسنت و آنفضهآ نفض عند آي محطه و يسوون لي نفس آللي آنت سويته في بترومين 




آلشيء آللي يفرق آنهم مّ يعطوني معطر للسيآره بس !


up 0 down 0
saeed 7 330
قبل 8 سنه و 5 شهر



^^^

المعطر غالي عشانه لأنيق





توصل بالسلامة


up 0 down 0
عاشق الكورفت zr1 6469
قبل 8 سنه و 5 شهر



^^ خل السوق الدولي على يمينك وامش علطول 
قبل الاشاره في محطة نفط ، بترومين فيها  ^_^ 


up 0 down 0
أنيق 17573
قبل 8 سنه و 5 شهر



يالله إنك تحي أنيقوووه 

بتجي للرياض عندنا

لازم تططلع معنا للدرعيه عند السد و نعشيك حاشي أجرب هههههه و الله اجواء ممتازه كأنك بالجنوب خصوصا بالليل و الريحه ممتازه كأنه المعطر اللي عطوك اياه تذكرك بالشيبان الله يحفظهم و بالجنوب خصوصا




up 0 down 0
ابو يزيد 000 8712
قبل 8 سنه و 5 شهر