استفسار بخصوص ساهر

500 ريال والله يعينك ...

لا اذا لفيت يمين يلغون المخالفه 

إذا نزلت عليك فالله ييعينك عالـ 500

500 !!!!!!!!!!!!!!


ليش مو يقولو 150 مخالفات ساهر
والاخ ماقطع الاشارة بس اخد لفة يمين
في مكة لم يطبقو بعد نظام ساهر في الاشارات المروية
لكنهم بداو بالتركيب لكم اشارة فقط ولم تعم
وياريت من الاخوان اللي من المدن الاخرى وطبق لديهم ساهر الاشارات
يعطونا فكرة وطريقة اللف يمين من الاشارة

والله مايصير كذا ، اغلب الناس مايعرفوا طريقة نظام ساهر 

لازم يكون فيه فيديو من نفس المرور يشرح الطريقة ، لكن لو شرحوا الطريقة الناس راح تفهم ومارح تجي فلوس 

لازم قبل ماتلف يمين تنظر 10 ثواني بعدين تمشي هاذا اللي انا اسويه واشوف عالم غبيه تلف وبس ويصورهم

500 ريال . ولازم ولابد وضرورى ويحتم عليك ومجبور ووووووووووووووووو......... .  توقف عشان لا تأخذ مخالفه .حسبى الله على ملاك ساهر . جعلها تنصرف على صحتهم ومن يعز عليهم . آآآآمين

امس ياطويل العمر باشارة التحلية تقاطع العليا الاشارة كانت خضراء 13 ثانيه ويوم قربت منها ولعت برتقالي 3 وكل السيارات اللي اخذ يسار واللي اخذ يمين من الخرعه انا طولت وفجأاه



كشششششششششششش بوجهي كأنه برق


اضلمت الدنيا بوجهي وللحين مانزل شئ


الحين بالله كيف اقدم اعتراض





وبالنسبه لموضوعك اللي يلف يمين والاشارة حمراء بدون مايوقف ولو ثانيه راح يكشح بوجهه بس مراح ينزل عليه شئ لان كثير مرات تصير لي ولا مخالفه وصلت

في تبوك كل الإشارات فيها نضام سارق وكل شارع تحصل جيب سارق وياليت يجي 
في مكان واضح ولا رقيب ولا حسيب 

انا مع النظام عند الإشارات بسسسس 
وع فكره فيه طريقك تقطع الإشارة ولا يصورك وهذا يدل ع ان النظام فاشششششششل 

وكمان لا احد يسرع ويجي مدرعم يبي يالحق الإشارة وهي خضراء ويتعد ويصوره 
ويقول ليه ..!! 


للان نظام سارق لزم تكون سرعه اقل من 80 في الغالب وانت تالحق الإشارة ^_^

وعليكم السلام اخوي المخالفه انك لفيت يمين من المسار الايمن < دقق في هاذي من مسار الايمن اقولك ليه ﻻنه لو جيت من المسار الاوسط ولفيت يمين بتجيك 500 ميه وهي قطع اشاره ﻻكن لو لفيت من المسار الايمن بدون ماتوقف قبل الخط الابيض 5 ثواني بتجيك 150 نجي الان للسرعة إذا الاشاره مفتوحه وجيت مسرع تبي تلحقها فإنتبه تراها بتلقطك سرعه يعني ﻻزم سرعتك تكون تحت 70 عشان مايلقطونك سرعه وبخصوص الارقام برتقاليه بأمكانك تمشي فيها بس يفضل توقف 

قيمتها 150 لانك دخلت يمين وهذي لها مسمى ثاني
واذا مشيت على طول تنحسب عليك 500 ريال
بالنسبه للاخ اللي يسأل عن الاشاره والكاميرا ونظامها
وقف قبل الخط لمدة 5 ثواني وادخل يمين عادي
على فكره يمديك تقطع الاشاره .. طبق اللي قلت لك عليه وسو نفسك بتدخل يمين وارجع
يمديك تديور ويمديك تقطع عادي .. نظام اي كلام مضروب

انا صارت معي وصورت بس مانزلت المخالفة ، وسألت واحد يعرف احد في ساهر يقول انه في تصوير فيديو وبعد المشاهدة يحكم اذا كان الالتفاف الى اليمين كان خاطئ يسجل عليك مخالفة