أضف سؤال أو موضوع جديد          

خلك فطين ياراعي التكسي

up 71 down 15
أنيقوه 1113
قبل 7 سنه و 7 شهر



آآآه بس يالبى هالوجيييه الطيبه يالبى قلوبكم وينكم لي فتره ادوركم هههههه
صبااح الخيير صباح مشرق بنور الاجازه السعيده 
كيفكم حبايبي وش علومكم هههه هاه كيف القطيعه اكيد فكرتوا فيني ( من زينك عاد ) هههههه 
بحكيلكم قصت انقطاعي عن المنتدى لكن آخر شيء 
خلني ابدأ بموضوعي لايزعل علينا المشرف الحين ،، مانبغى نزعل أحد كلنا حبايب ^_^ وهاه هذا قلب 3> منسدح ههههه 

بسم الله :- 

قمت اليوم طبعا الساعه ٨ كلوك هههه وغسلت الوجه كويس ماشفتوه قبل الغسيل ،، المهم والبس الثوب والنظاره الشمسيه واتكششخ واشغغل الكرولا ( طبعا المرحوم واقف تحت الشباك من زماان &ماركيزي&) 
وخويكم يبي يتكس عشان يفطر ويعين خيير ، والله ياشباب انصحكم بهالشغله ترى ادمان هههههه اسألوا حقون التكاسي  ١٠ ريال وبعدين تقول خلاص بروح افطر ههههه ويطلعلك زبون ثاني ياولد قرووش بلا فطور بلا هم ههههه و١٠ ريال ثانيه 
٢٠ ريال ويطلع زبون ثاني ٢٥ ريال من يزود ( صرت عالمقرفون الظاهر ) ههههه دعابه لايعني اخر المشوار تلقى جيبك مليان عشرات وخمسات ياسلالام واخر شيء ابخل على نفسي وافطر بريالين ماودي اصرف واجد صرت بخيل ههههه
المهم 
وانا اشتغل بالموتر ألاحظ في اشكاليات تواجه الي يشتغلون هالشغله وخذوا بعض منها :- 
١- انت ماشي بموترك تدور زبون المهم وتشوف الزبون الذكي واقف يأشر لك ! تعالوا نشوف وين واقف الاخ ! الشارع مسارين خلاص ! طيب هو يأشر ويجيك الرجال يوقف بالشارع يعني بالمسار الاول ، ولأن مافي خط أصفر للوقوف ، يعني الي يبي تكسي يشوف مكان مهيأ لوقوف راعي التكسي فيه ، مو يجيك واقف فوق كبري ويأشر يبي تكسي !؟ الكبري مافيه خط اصفر كله مسارات والناس ماشين بسياراتهم لو وقف واحد لك ممكن 
يسبب حوادث  

٢- الحين انا مستغرب صراحتا اشوف واحد يأشر لي اوقف ويطلع ( من أخواننا الاجانب ) شوف المحادثه كيف هعهع 
أنيق : وين صديق إبغى رووخ ؟ 
نفر كويس : إبقى روخ موطار ( المطار ) 
انيق : اممم ٢٠ ريال هذا موطار بعييد هذا طياره فووق هههههه وش دخلني بالطياره انا مشووها عشاني هههه 
بالله وش رايكم بالمبلغ الي طلبته ؟ متواضع جددا مو غالي شفتوا كيف قلبي طيب ههههه 
نفر كويس : اففف اييش هادا مودير ؟؟ هذا فلوس زياده انتى قالي ( غالي) 
انيق : كم يبغى طيب :( 
نفر كويس : ((((( ريالين )))) 
أنيق : !!!! انتى معلوم فطيره لوزين ؟ 
نفر كويس : لا مافي معلوم 
صراحه تحطمت رياليين وش اسوي بها ؟ لابنزين ولا حتى ببسي مع علك نوفا بالقرفه ههههه 
فياليت الي يطلب التكسي يطلب مبلغ مناسب حسب المسافه والسياره هل هي اقتصاديه او تشرب زي ماركيزي ههههه يازين الكرولا توفيير اقتصاديه اطلق شيء ، اجل كيف الاكسنت يالبيه اجل *_^ 

٣- انا صراحه ما أفضل أركب حرمه لحالها معاي ، الواحد يبعد عن المشاكل احسن له . 



الخلاصه :- 
١-إذا بغيت تكسي وقف في مكان مناسب ومهيأ للوقوف ^_^ 
٢- ضع مبلغ مناسب لمشوارك لازياده ولا نقصان 
٣- لاتركب امرأه لحالها ،، كنصييحه يمكن تكون هربت من بيت ابوها او بيت زوجها ، وتكون طالعه من دون محرم ، الواحد يبعد عن المشاكل احسن له يقلك المثل ( ابعد عن الشر وغني له ) هههههه حكم انيق هذي لاتفوتكم هعهع *_^ 

خلصنا من الموضوع 
نجي لفترة غيابي ههههه 
انا اول شيء تذكرون يوم نسيت عضويتي مفتوحه بالمدرسه ودخل واحد خبص امممم العضويه ههههه والاداره ساعدوني وغيرنا الرمز السري 
ومن ذاك اليوم وانا موسوس كل يوم اغير الرقم السري هههههه المهم جيت بأدخل ونسيت الرقم السري ونسيت الرقم السري حق الايميل هههههه حوسه ، طارت العضويه الغاليه الي فيها ١٥ الف نقطه ، عادي فداكم اهم شيء استفدتكم ذيك المره 

وفي سبب ثاني : كان ذاك اليوم المنتدى فيه مهاوشات ومضاربات هذا الكلام قبل ٨ شهور ههههه  فأنا احب الهدوء والمحبه والسواليف الزينه مالي بالمضاربات تراني خواف هههههه يعني لو اسمع مضاربات ومهاوشات جديده ترى بترك المنتدى من دون ما أقول لكم ههههه زي ذيك المره انيق وينه انيق اختفى انيق هههههه 
فلا اسمع مهاوشات ياشباب حنا اخواان وحبايب وقلبنا وااحد نضحك مع بعض ونسولف ونستفيد من بعضنا خلاص يالربع *_^ ياقلبي عليكم احبببكم زي عيوني والله 
وسبب رجعتي للمنتدى هو رجوعه مثل اول ومحبة الاعضاء لبعضهم 
وابشروا بالمواضيع الحلوه والي تسركم وتستفيدون منها 

تنبيه : ياحبايبي ترى ماعندي عضويه إلا ( أنيقوه ، هذي الي نستخدمها - أنيق ،  الي نسيت رقمها السري ) بسس ، 

اييه نسيت اقلكم هههههه تخرجت من الثانوي قبل امس هههههه بإذن الله بندخل الجامعه ونحضر البكرليوس هههههه 

كنت بأحمل صور حلوه لكن مو راضيه تتحمل إلا هذي حقت التكسي هههه لزقه بأحاول الحين واذا مارضيت اسمحونا
تحياتي لكم محبكم 
& أنيق &    







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ياخوك هذه الايام قلت بكد على سيارتي دام ماعندي شئ قلت بطلع المقسوم وما ابي اخذ الا نص القيمه لان السيارة طبعاً خصوصي

تخيل لما اوقف لاجنبي يقول اخوي مساعده ودي قدام اقوله طيب بريالين قال لا بلاش ><< هنا يرتفع ضغطي والسكر قلت ضف وجهك

لا والمشكله اوقات يركب معاي مصري هندي يوم يوصل ينزل مايحاسب ههههههههههههههههه


والله العظيم اني اوقات اتغاضى واقول ما ابي الشر


والله يرزقني بلمزين واعرف كيف العن خيرهم



up 1 down 1
aboamani 1149
قبل 7 سنه و 7 شهر



فعلن   نفس معاناتك هههههههههههههه


up 1 down 0
ra0772 -18
قبل 5 سنه و 9 شهر