ممشى السياره ؟

الممشى مهم كثيرا لك كمستخدم لان السياره مهما كان
نوعها وجودتها بعد ال٣٠٠ ألف تطلب قطع
وراح تكون اقل اعتماديه من السيارة الجديدة او الماشيه
اقل لان الأجواء عندنا حاره والمسافات بين المدن كبيرة
والشوارع داخل المدن مكسره
وكل إنسان ومقدرته على الشراء 
عن نفسي افضل الجديدة يعني لو انا حاب اشتري
سوناتا وفلوسي ماتغطي اشتريها أصفار 
أخذ إلنترا أهم شي تكون جديده وهكذا
المهم وأنا أخوك اذا ماتقدر ع الجديد
ممشى السيارة هو الي يحدد قيمتها
سيارتين من نفس الموديل إلي ماشي ١٠٠ ألف
ماهو مثل الي ماشي ٢٠٠ ألف السعر راح يقل
و٤٠٠ ألف أشوفها سيارة مستهلكه للاستعمال
داخل المدن فقط وآسف ع الإطالة 

بصراحه كلام ابو سطاام هو عين الصواب وأرفع لك القبعه تحيه واقول لك لله درك
هذا التفكير السليم وهذا الصح .. والله يا جماعه 24 ساعه بالموقع ادور سياره نظيفه وممشى قليل وحديثه نوعا ما بموديلها 
وتكون تصلح للسفر بـمبلغ 30 الى 35 ألف ما حصلت . والفوردات ما تحصل النظيف
والمرسيدس غالي وحتى لو انه ماشي ال 200 الف يقول لك مخزن
ناس فاهمه التخزين غلط ، والكل يبي يسوق بضاعته باللف والدوران الا من رحم ربي
وربي المصري ما ياكل عيش معاهم  مع احترامي طبعا
الظاهر فلوسي رايحه على الخطوط السعوديه الله يعين بس
تحياتي لكم ،،، وصدقوني راح نرجع لأيام الإبل والخيول
مع السلامه

والله شف وانا اخوك هي على حسب الاستخدام فيه سيارات ماشيه 20 الف ومنتهيه ولو يقولك بريالين ما اخذتها وفيه سيارات ماشيه 200 الف وماشاء الله تبارك الله من يوم تشوفها تذكر الله لين تنام 

يعني هي على حسب الاستخدام لكن اذا الموتر اللي بتشتريه تحت موديل 2006 انصحك تاخذ واحد اقل من 280 الف وبالله التوفيق 

اذا كانت السيارة يابانية او كورية الى يحدد سعرها حالة البدي والممشى نوعاً ماً

لكن لو حصلت سيارتين

مثلاً كورلا 2010 بديها سليم ( وكالة) وماشية 120 الف
وحصلت كورلا 2010 جايها صدمات وماشية 10 الاف 

خذ الاولي ولا تشاور لان الصدوم تتعب الياباني ولا يرجع مثل اول

المقصد من كلامي ان معيار نظافة السيارة لا يحدد بالممشي 
يحدد بحالة السيارة والموديل واللون في بعض الانواع وعدد المستخدمين وصيانات السيارة
و موصفاتها وفئتها 
اتمني اني افتدتك

ف بعض السيارات اذا ممشاها عدا 300 الف تبدا تصير مشاكل بالمحرك وتحتاج توضيب
هذي سمعتها من ميكانيكي 
انا اتعرض عليا لنكون 97 فل كامل ونظيفه راعيها كان طالع بعثه للاردن وكنت ناوي اشتريها
واللي  ردني ممشاها 400 الف 

^^
400 تقسيم 15 سنه = 26الف بالسنة وش الي يخوف بالموضوع اشتري الله يبارك الممشي تقسمه على عدد السنين يطلع لك = المعدل الي مشته السيارة بالسنة وانت احكم بعدها اذا كثير والا مناسب
موفق..

شوف يا اخي في ناس يفصلوا العداد ويظل ثابت وانت ما تدري عنها الممشى  مو كل شي بس اهم شي ماجاها صدمات قويه وخاصة في الواجهه لكن المكينه النظيفه تعرفها منيوم تناظرها وهي ثابته ولا فيها صرصره وتاكد ع كم ميكانيكي فنان وربك الموفق 

ممشى الخطووووط الطويله مايضر

بعكس ممشى المدينه لأنك كل شوي بانزين بريييك مطب حفره ويسوئ الاستخدام اخوي كان معه سوناتا 2007 مشى الموتر 380 الف لأن دوامه 150 كيلو رايح ومثلها راجع يومياً الموتر ماشالله تبارك الرحمن ماغير فيه سوى مساعدات فقط + سير مكينه والاشياء البسسيطه ولما جا يبيييعه جا يفحص ماطلع فيه ولا شي بعكس موتر مستخدم داخل المديينه بيكون فيه ضربات وخربات

أخوي مشتري لكزس جي اس 300 مديل 98 ماشيه حدود 500.000 واخوي الثاني مشتري وحده مديل 2000 ماشية 400.000 ......







الممشى أشوف انه ما يعيب السياره اذا عضلاتها متماسكه ومكينتها ما تنقص ...

عندي فورد ٩٩ماشي ٥٢٣الف وانا بالخرج واروح عليها الرياض وماشاء الله تبارك الله زينه بس ممشاها نضافه

اشكركم جميعا على نصائحكم وتفاعلكم