نصيحه لكل أخ ناوي يشري سياره من معارض او حراج

9 1

لايمكنك التصويت حتى الحصول على 20 نقطة على الأقل
إضغط هنا للإخفاء

tuorki32 118
قبل 11 سنه و 5 شهر

السلام عليكم ورحمة الله وبركاته




باختصار




اذا نويت تشري سياره من المعارض او الحراج او شريطي او مستخدم بيتكسب من وراها
لا تشري حتى تتأكد ان السياره باسم من يتفاوض معك من جميع الفئات التي ذكرت 
اطلب البطاقه والاستماره ودقق النظام لا يحمي مغفل ابد وفلوسك لا تحرقها شهوات النفس والعجله




احد الزملاء شراء سياره من احد المعارض وكانت مع شريطي شراها من شخص بالحراج ولم ينقل ملكيت السياره لطمع ومكسب ونظره سوقيه بحته لدرجة ان صاحب السياره مغفل جدا سمح له ولم يحرص على النقل ... المهم الزميل شراها وبعد اسبوع ورد خطاب للعمل باستدعائه للشرطه في قضية دهس قبل اسبوعين والسياره المبلغ عنها باسمه حالياً ... وش السالفه وش صاير ...؟




اتضح بان ابن الشريطي ياخذ السياره من المعرض ويفحط فيها بالحي وفي ليله دهس طفل بحي اخر قريب وهرب ورجع السياره للمعرض 
ومن التحقيق وجد ان العامل السوداني بالمعرض ( تم تسفيره ) متفق مع الشريطي ومنسقين لهذا الكلام وعلى علم وتم طلب صاحبها الاول ( المغفل الاهبل ) وسجن معهم حتى انتهاء القضيه 




الان الكل مشربك ما بين الدهس والاتفاق على مخالفة النظام والاهمال وصاحبنا سحبت منه السياره حتى اشعار اخر واطلاق صراحه بكفاله




بالمختصر توقع اي شي واحرص على كل شي
الطيبه الزايده خلها في فراشك وكبر لها المخده 
البيع والشراء بالسلع مخاطره مهما كنت في فسحه من الامان لا تبيع حتى تثبت المعرض والنقل في نفس اليوم واذا صادف خميس وجمعه اسحب السياره بنفسك ورجعها السبت من يدري وش يصير في يومين وباسمك وما يطير البيع والشاري لو يبيها عادي ما تفرق معاه واحذر الشريطيه لا تشري سياره ماهي منقوله باسم من يتكلم معاك لو وش يصير واذا حصل وبلاك الله روح المعرض واطلع على ورقة النصب اللي سجلت على البايع الاول وتاريخها واكتب اقرار على الشريطي باخلاء المسئوليه تلك الفتره ويعوضك الله بالسياره لو كانت طرف في مشكله قبل الشراء خاصه ( السرقات الدهس الارهاب .... الخ ولا تكون مسروقه ومغير كل شي فيها )




تحياتي لكم

إبلاغ

الردود