تحت المكرفون عاهات يتحالفون
14
5
إضغط هنا للإخفاء
مساء الخير وجمعه مباركة للجميع يارب
معروف ان المكرفون غالبا مايجيه الا واحد سيارته فيها خرابات ويبغى يبيعها سكر في مويه على قولتهم
رايح انا وولد خالي ندور له سياره في المعارض كامري من 2008 لين 2010 وعلى فرتنا على السيارات لقينا شاب عمره مايتعدى الـ 19 معه كامري 2008 GLX
قال مسيومه بـ 36 ,,, الموتر بصراحه نظيف لكن الي يعيبه الاسيات الاماميه ووصاخه الدركسون وحكه بسيطه في الصدام الخلفي + مغير الدينمو وكالة
وعلى كلامة الباقي لو فحص الوكاله موافق .. ( الكلام هذا الساعه 2 ونص الظهر )
خليناه ومشينا وقبل المغرب بنص ساعه لقيته موقفها تحت المكرفون , قلت اكيد الرجال زهق ويبي يبيعها اليوم ويخلص
اول جلطه الشايب راعي المكرفون فتح بابها بـ 12500 ؟؟؟
وتجمعوا الشريطيه ويزودون من 200 لين 600 حدهم يوم وصلت 18 راح له راعي المكرفون , شكله شافه صغير وتجرأ عليه , وقال هاه تبيع احسن لك ترى السوق ميت
و الشاب ساكت ماقال له شي , قال الشايب زين لو كلمته يعطيك 20 تبيع؟؟ (( سبحان الله راعي المكرفون زودها 2000 من راسه كذا ))
فقال الشاب لو زود 10 بدال الـ 2000 تدري انه موب حقها ,
جاو الشريطيه 4 يكلمونه , بيع باقي يبغالها تلميع وصدام خلفي وكاله و و و و , شكلها فصلت مه ونزل من الموتر وسكر الكبوت بقوه
ويوم جا يركب جا واحد في الثمانين عمره ودف باب السواق بقوه عشان لايركب الشاب وقاله زين انا بعطيك 25 وهذي فلوسي في جيبي كاش خلنا نلحق على المعرض لايقفلون للصلاه
طالع فيه الشاب وقال روح اركب يوم وخر يده وركب الصبي معاد تشوف الا غبار الموتر ههههههههههههههههه
المشكله كلمه راعي المكرفون بعد ماتغبروا قال ورعان جايين يضيعون وقتنا مايبون يبيعون
بالله ؟؟ زين يانصاب كامري 2008 فل تفتح بابها بـ 12500 ياراعي الحق انت ؟؟
ولا عشانها جابها للمزاد تبخسونها ؟
ترى المكروفون او المزاد تنباع فيه سيارات واراضي وبيوت وبمبالغ توصل الملايين لكن الناس صار عندهم قناعه اي سياره تحت المكرفون فيها عله ولازم نبخسها ؟؟؟
إبلاغ
الردود
1
1
الله عارف وش راح يصير في ها الزمن
ونزل سورة واضحه ( ولا تبخسوا الناس أشياءهم )
سبحانك ربي ما أحكمك
1
2
واغلب السيارات الي تجي تحت المكرفون مكروفه ومعدومه وانا عن نفسي ما اشتري سياره من المكرفونات لان البيعه السريعه دايم احس فيها نصبه
وانا اشوف ان المعرض احسن حتى لوفرق السعر بس تاخذ السياره وانت مطمن
ولك لايك على الموضوع الجميل
2
1
1
1
وابن الللذينا لوهي سيارته يدخلها المكرفون 10 مرات لين تجيب السعر الي هو يبيه
0
1
مثال سياره حقها في السوق 60 الف نزلت المكرفون اول شي بعد مايعاينها وكل شي تمام يخصم من سعرها سعر المكينه وسعر الجربوكس سعر المكينه مثل 10 وسعر الجربوكس 5 يعني يسير سعرها 45 اكثر من هذا السعر ابد مايرفع ولا يوصلها اصلا
انا شفت كامري فل كامل موديل 2010 فيها رشوش وصلوها لين 40 الف ووحده ثانيه لين 45 وتحت المكرفون 50 اكثر من كذا مستحيل يرفعها
0
0
قبل 10 سنه و 11 شهر