وش افضل هايلكس دبل او بدون

سعر الهايلكس بدبل مرتفع وغير كذا 4 سلندر


خذ لك بسعــره سلفرادو Z71 وأمش وين ماتبي بر خط نفود أودية

أنا نصحتك وأنت أختر برآحتك

نصيحه
اذا تبي موتر بدبل وتبيه حوض " بيك اب " لاااتاخذ غير السييرا

والله ياهو موتر انا مجربه اربع شهور ومشيت فيه 10 الاف كيلو
راحه عزم رساوه قسم بالله امشي 200 كاني ماشي 120
يعني فخامه لدرجه ان الكل يناظرك ووموتر سعره فيه
اشتريت فل كامل 2011 ب 110 وبعته بعد اربع شهور استخدام وماشي عليه 10 الاف ب 106 وانا مستعجل بعد

بسعر الهايلوكس تاخذ جمس سييرا أو فورد  f-150  افضل

التوكيلات مسوين عرض على f150 على الغمارة ثمانية سلندر سعره 82 الف ريال موديل 2012 

افضل من الهايلكس بمراحل وهـو افضل بك آب أمريكي 

تبي الجد ما انصحك
الموتر عنز فالنفود وماينغزى به ابد بدون مبالغه
الدفرنس انشط منه وافضل على الاقل يشيل نفسه فالغراز
لو تشوف احد من معارفك تاخذ الموتر منه وتجربه فالبر
او تستأجر وتجرب بنفسك
ملاحظة :: انا ماقول السيارة ماتنفع
السيارة ماعليها كلام والهايلكس معروف بس انت سألت عن الدبل وانا جاوبتك بخصوص الدبل
حرام احط هالمبلغ في هايلكس دبل حتى لو ارخص من هالمبلغ والله ما يسوى
وصدقني بمجرد ما تجربه بالنفود بتعرف وش يعني كلامي
موفق خير اخوي

اشوف ان الدفرنسين منتشر بكثره هذا دليل على نجاحه

اذا انت راعي بر ونفود وشعبان خذ دفرنسين

واذا انت راعي تحميل في الصندوق وبر على خفيف خذ دفرنس هذا الشي يرجعك انت شوف وضعك وحدد

مشكورين جميع و ما قصرتوا 
بما اان الاغلبيه يرشحون الامريكي سييرا وf150 
وش افضل من ناحية الصيانه واسعار قطع الغيار 
و كرف على خفيف
سييرا f150 هايلكس دبل و بدون

اكيد يعني لو صامل على هايلكس خذلك دبل احسن لانه رفيع ودفرنسين وطبعا هاذي حريتك الشخصيه لانه لك ولزمن

بس انا بعطيك مثال بسيط

الحين لو خيرتك بين هايلكس دفع امامي وهايلكس دفع خلفي ؟؟؟؟؟؟؟؟؟؟؟؟؟؟؟؟؟ ادري ان مالها اي دخل لكن مجرد توضيح بسيط

بخصوص كلام اخوي abo kayan-55 ان الموتر عنز فالنفود وماينفع ومن هالكلام

انا معي هايلكس دبل 2014 سوبر جي ال اكس , الله يهديك انا قريت كلامك قبل اشتري وترددت من كلام بعض الناس وسبها عشانها 4 سلندر
الموتر انا جربته بالنفود ماشاء الله تبارك الله تبيض الوجه , 
عزمها حلو اقل من الدفرنس ب شي بسييط .. بالخط على حسب احيانا تجيب 190 واحيان توقف على 170 بسبب ارتفاعها وحجم الكفر

اما بالنسبه للنفود والله انها عز خذ كلام مجرب مشغل الدبل وامشي جنب الدفرنس المغرز احس اني موب على نفود وتبيض وجهك ولاتفشلك

مع ان كفرها برجستون والهواء 30 وتطعيسها رهييب ماشاء الله كيف لو اركب دنلوب ولا هنكوك والكفر على 15 !!
غرزت ب نفود ثقيل شغلت الدبل طلعت على طول واللي يساري ويميني يحفرون ويبنشرون الكفر
اللي بياخذها لايشيل هم النفود جربت الدفرنس وجربت الدفرنسين فالنفود فررق كبير
الدفرنسين تحس انك راكب جيب وكذب اللي يقول انها ثقيله بالعكس عزمها يطرب 

اخوي المسمى بـ استغفر الله هل الموتر يمشي وانت مطفي الدبل مثل الدفرنس ؟ وهل الموتر يعتمد عليه بالنفود يعني تحس لادعست له فيه شده لا عطيته ؟

والله انا ناوي على الدبل ان شاء الله بس ادعوا لي تتيسر اموري

وانا مثلك ناوي على الدبل ان شاء الله بأذن الله اخذها من قطر ارخص قيمتها هناك مراتب مفصولة وديكور للقير والدبل بـ 85 مع فرق العمولة تطلع بـ 88 تقريبا وهنا سعرها 94  الاردنية والسعودية 108 فرق كبير

الموتر الهايلكس الدبل موتر ماعليه كلام وانا استغرب من الناس الي تسبه وتقول ثقيل ويغرز ولا ينفع 
بالبر 
اقولهم 
ما صدقتو الموتر نشيط وخفيف وبالخط يجيب 190 بدون اي تعديل بالراحه وبالنفود مايعرف الغراز وبدون دبل طبعا لان كفراته عراض بس نسمه وامش 
واقتصادي مره 
بشكل عام الي ما ياخذ هايلكس دبل للبر ماعنده سالفه
 

وانا اصوت للهايلكس الدبل ومجرب وكفووووو ، واللي ما جرب لا يفتي 

طيب اخوني ماريكم بهايلكس دبل 2016 وارد البازعي وش رايكم اخذ البازعي او عبدلطيف جميل

السلام عليكم
ياشباب من يعلمني الاربح الدبل والا العادي
يعني الراحه والرساوة

البازغي كفووو انا شريت 2016 دبل فل كامل قير عايدي ب 96000

يا اخوي استأجره وجربه يومين اذ أعجبك اخذه وإذ ما أعجبك 
اتركه 

الهايلكس الدبل والله موتر مع اخوي ونا معي دفرنس بدون دبل لين دخلنا الطعوس انا اغرز وهو يمشي بدون دبل والكفرات كلنا ٣٠